الموضوع: فضفضه ((عاوز أروح أنام على السرير وأعيط زى العيال))

خد اجازه وسيب ابنك عند والدتك او حماتك

وسافر اسبوع انتا ومراتك غير جو في مكان مختلف

ولو عايز تسافر لواحدك برضه شوف الي يريحك

بس وقتها شيل من دماغك اي حاجه تخليك تفكر وصفي ذهنك خالص

هترجع ان شاء الله حاجه تاني خالص

A.Yakout

المشاركة الأصلية كتبت بواسطة abdo_eldesokey

معلش يا نوبي ، هيا فعلاً الدنيا بقت كده ، معدش فيه حد أهل للثقة

أنا عندي مشكلة في شخصيتي ، إني مش بحب أطلب حاجة من حد حتى لو الدنيا هتقف عليها

بس اتضح إن دي ميزة مش عيب

حتى دايماً تلاقي الأم بتدعي وتقول "روح ربنا ما يحوجك لحد"

انسى إن الدنيا دي فيها ناس ، ومتلجأش إلا لواحد بس ، ربنا -سبحانه وتعالى-

وإن شاء الله ربنا يفك كربك

دي اكبر ميزه فيا عمري مابطلب حاجه من حد وعمري ماعملت حسابي علي بني آدم وتكالي علي الله ولاكن انا مرغم علي اشياء في حياتي بجد مش قادر انا عارف ان ده اختبار من ربنا بس بجد مش قادر صدقني لو كان ينفع كنت كتبت علي العام بس مع الاسف مينفعش

هون عليك يا أخى

دوام الحال من المحال وهذا هو حال الدنيا

تذكر دائما وعند تراكم المشكلات نعم الله عز وجل علينا جميعا

عندما ترى أو تسمع عن مريض بمرض صعب ...تذكر نعمه الصحه

عندما ترى ملايين الشباب بدون عمل... تذكر نعمه الله عليك بأنك تعمل بالرغم مما قد تعانيه فى عملك من مشاكل وسلبيات ،
فكل واحد منا مهما كان عمله فلديه ضغوط ومشكلات ولكن نحمد الله على أننا نعمل .

عندما ترى زوجتك ( بارك الله لك فيها )... تذكر نعمه الله عليك بالزواج فى زمن صعب فيه على الشباب الزواج لظروفهم الاقتصاديه ،
ولو توافر لهم المال صعب أن يجدوا الزوجه الصالحه .

عندما تنظر لأبنك ... تذكر من لم ينعم الله عليه بنعمه الأبناء

عندما ننظر لحياتنا سنجد كل من حولنا وفى أنفسنا وأهلينا كلها

نعم الله علينا تغمرنا وتفيض .

الحمد لله كما ينبغى لجلال وجهك وعظيم سلطانك .

أنصحك أولا بزيادة التقرب لله عز وجل لأنه الملاذ الوحيد وبفضله ستزول غمتك وستهدى نفسك بأذن الله .

كذلك تصدق ولو بالقليل فالصدقه لها فوائد عديدة .

أخيرا حاول أن تغير من روتين حياتك بعمل أشياء مختلفه سواء فى
عملك أو فى بيتك ، حاول أن تأخذ أجازة وتغير جو ومناظر وتكسر حدة الروتين القاتله .

وفقك الله لما يحب ويرضى وأزال غمتك وفك كربك .

تقبل تحياتى