الموضوع: احترت و احتار دليلى

أنا كل ما أعمل موضوع بخصوص الصوت يا إما محدش يرد عليا خالص يا إما الناس تفتح عليا حوارات كتير مش فاهمها
أنا خالد .. 26 سنة .. طبيب امتياز ..
عندى عربية سبارك (ضيقة جدا جدا جدا) و فيها سى دىPioneer موديل DEH-3850MPH
و مش عارف أرفق صورة ليه بس هو مكتوب عليه MOSFET 50w x 4

السماعات اللى عندى عبارة عن سماعتين فى التابلوه قدام و صغيرين جدا و ضعاف جدا جدا جدا
و مفيش عندى مكان غير مكانين صغيرين جدا و بيضاوى فى أطراف الغطا الفاصل بين الشنطة و الكنبة اللى ورا

مش عايز أعمل فرح و لا صوت عالى خالص
أنا عايز أركب سماعات بدل الاستوك اللى فيها و حبذا لو نفس الحجم حتى لو صوتهم مش عالى أهم حاجة يكون نقى

فياترى إيه أنسب سماعات تنفع للأماكن اللى عندى و يا ترى إيه اللى أقدر أركبه للاستفادة القصوى من امكانيات الهيد يونيت من غير حوارات كتير ؟؟

أهم شيئ بقى اللى يقترح حاجة يتفضل مشكورا و ينصحنى بمكان و سعر تقريبى للشراء

و شكرا