دليلى احتار

**vox2253** · 15-03-2008 03:36 PM

انا محتار بين السوناتا 2400 وهة فى حدود 185000 والاوبل فكترا الاوتوماتك وهى فى حدود 195000

**Dr_Mido** · 15-03-2008 03:45 PM

الاوبل فكترا الاوتوماتك;)

**vox2253** · 15-03-2008 03:57 PM

ناس كتير مخوفانى من الاوبل عشان قطع الغيار بيقولوا بتكون غالية جدا زى البى ام دبليو وكمان معقدة وصيانتها مش سهلة.
وبالنسبة للسوناتا اللى مخلينى متردد هو سعرها المرتفع وسيارة كورى تقفيل مصري بس هى فخمة جدا وواسعة

**Dr_Mido** · 15-03-2008 03:59 PM

غاليه بس اما بتجيبها اصليه بتركبها وتنساها فترة انا مجربتش السوناتا بس اللى اسمعه عنها ان فى ناس بتقول حلوة وناس بتقول وحشه
بس اللى انا جربته الاوبل وبقلك اللى اعرفه عنها لانها قعدت معانا شويه كتير

**tutankhamoun** · 15-03-2008 04:06 PM

المشاركة الأصلية كتبت بواسطة vox2253

ناس كتير مخوفانى من الاوبل عشان قطع الغيار بيقولوا بتكون غالية جدا زى البى ام دبليو وكمان معقدة وصيانتها مش سهلة.
وبالنسبة للسوناتا اللى مخلينى متردد هو سعرها المرتفع وسيارة كورى تقفيل مصري بس هى فخمة جدا وواسعة

بص يا باشا على الموضوع ده
و هو مخصوص عن السوناتا
http://www.nilemotors.net/Nile/showthread.php?t=18005
و سيبك بقى من الكلام اللي لا يودي و لا يجيب ( مصري و كوري ........ )
أقرأ الموضوع الفائت بتمعن ............. و انت أولى بفرق الفلوس و ربنا يباركلك في أختيارك النهائي إن شاء الله

**Dr_Mido** · 15-03-2008 04:09 PM

ياباشا اوعى تفتكر انى بقلك السوناتا وحشه انا بقلك بس اللى انا اعرفه عن الاوبل السوناتا انا لاجربتها ولا ركبتها حتى انت انزل بنفسك وشوف وقارن ولو العربيه متصنعه فى السنبلاوين وعجباك وهتقضى الغرض من كونها بتمشى وبتوصلك يبقى هاتها وتوكل على الله

**vox2253** · 15-03-2008 04:21 PM

شكرا جزيلا للاخ الكريم DR. Matin
والشكر لك اخى الكريم tutankhamoun
موضوعك فعلا شامل وموفيد ولاكن بالنسبة لخدمة ما بعد البيع ممكن توضحلى لان غبور ناس كتير بتشتكة منة

**tutankhamoun** · 15-03-2008 06:25 PM

المشاركة الأصلية كتبت بواسطة vox2253

شكرا جزيلا للاخ الكريم DR. Matin
والشكر لك اخى الكريم tutankhamoun
موضوعك فعلا شامل وموفيد ولاكن بالنسبة لخدمة ما بعد البيع ممكن توضحلى لان غبور ناس كتير بتشتكة منة

ياباشا ......... الموضوع مش أنا اللي عامله
ده من كتابة أخ كريم لنا يملك السوناتا بالفعل و هو الأخ سٌمعة
و فعلا الحاجة الوحيدة إن غبور سمعته وحشة في خدمة ما بعد البيع
و لكن برضه ممكن أخونا الكريم ....... سمٌعة يدلك على الصح و إن كان في أي سلبيات في العربية أو التوكيل أو خدمة الصيانة أو خدمة ما بعد البيع و العملاء

**som3aa** · 15-03-2008 06:25 PM

vox2253 انا عندى السوناتا و واحد صاحبى عنده الفكترا و جيبنها قريب اوى من بعض , هو استلمها اول 2007 و انا حجزت اول 2007 و استلمت 7-2007 , يعنى العربيتين معانا من الاول و انا عامل 19 الف كيلو و شوية و صاحبى عامل اقل شوية فممكن تسال اللى انت عايزه (العربية معايا بقالها 8 شهور و ماشى فى التاسع دلوقتى )
احنا الاتنين مغيرناش اى حاجة غير تيل الفرامل و الاتنين غاليين اوى
يعنى سعرهم واحد فى السوناتا و الفكترا و هو 1000 جنيه.
بالنسبة لخدمة ما بعد البيع عند غبور و منصور الاتنين زى بعض
بس من الاخر سعات يبقى زحمة و سعات عادى.
انت عند غبور بتتكلم تحجز معاد الصيانة بالتليفون و روح فى معادك سلم عربيتك بس الفكرة ان لو انت هتعد تستنى يبقى هتستنى كذا ساعة انا عن نفسى بروح فى الميعاد و اسيبهاهم و اجى اخدها بالليل الساعة 7 بالليل و لو مفيش حد يوصلك فى اتوبيسات بتودى ميدان لبنان اعتقد و حتة تانية , و عموما الصيانة دى بتبقى 4-5 مرات فى السنة يعنى مش مشكلة و كمان بيفتح فرع على طريق اسماعيلية و قرب يخلصه و هيبقى كبير اوى يخدم سكان مصر الجديدة و مدينة نصر, كمان ممكن تروح لمراكز حد من الموزعين المعتمدين سواء لغبور او منصور.
الصيانة انا سمعت برده انها وحشة اوى بس الصراحة انا مشفتش كدا خالص انا بروح فى معادى اسلمها و اجى اخدها خلصانة فى معادى (انا عملت صيانة ال1000-5000-10000-15000) لحد دلوقتى.
و رايى على اسعار قطع الغيار رقم غبور اهو 02-35390760 و اسال الدليل على رقم منصور و اتصل بنفسك و اسال عن اللى انت عايزه.
ممكن نصيحة صغيرة كلم منصور و اسالهم ممكن test drive للفكترا الا وتوماتيك و لا لأ علشان الصراحة انا مش عارف ازاى عربية بالحجم دا ماشية اوتوماتيك بموتور 1600cc.
بس عموما غير كدا العربيتين محترمين جدا و stable جدااااااا و كل حاجة.
و لو ليك اى سوال اردلك عليه

للسوناتا اللى مخلينى متردد هو سعرها المرتفع وسيارة كورى تقفيل مصري بس هى فخمة جدا وواسعة

قصدك اللى يخليك مقلق منها سعرها المنخفض!!!
مرتفع ازاى ازاكان الفكترا ال 1600cc ب195000 يبقى السوناتا ال2400cc ب 185000 مرتفع؟؟
لو على كورى اقرا ردى هنا و شوف كده الفكترا ينفع تنافس السوناتا بره مصر من بعيد و لا لأ .
http://www.nilemotors.net/Nile/showthread.php?t=18005

و لو على تقفيل مصرى اقرا ردى هنا
http://www.nilemotors.net/Nile/showt...t=15575&page=2
نسيت اقولك الفكترا الشكل الجديد كليا نازلة بره كمان كام شهر اسال منصور نازلة مصر امتى علشان حرام ندفع 195000 فى عربية و بعد كام شهر تلاقى شكل جديد.
السوناتا نزل خلاص بره تعديلات صغيرة فيها من جوه بالذات و بسيطة اوى من بره برده(معظمها تعديلات فى الموتور و الكاسيت ) كلم غبور و اسال هتنزل امتى
على فكرة انت ركبت ال 2400 و شوفت التابلوه الخشب و الدريكسيون الخشب و الفرش البيج و لا ركبت ال 2000 بس؟