واحيانا والله عند وخلاص يعني خالف تعرف وانا بعرف اسوق كده من غيرها احسن وتبص علي جنبين العربية تلاقيها متكحرطة من كتر الخبطات مش الحكات وذنب الناس ايه فين بقي الصلاة والخوف من ربنا ولا يعوضك يمشي اكنه معملش حاجة
واحيانا والله عند وخلاص يعني خالف تعرف وانا بعرف اسوق كده من غيرها احسن وتبص علي جنبين العربية تلاقيها متكحرطة من كتر الخبطات مش الحكات وذنب الناس ايه فين بقي الصلاة والخوف من ربنا ولا يعوضك يمشي اكنه معملش حاجة
اختلف معاك في الكلام دة في ان اختبار السواقة بيعتمد علي انك لازم تبص وراك وانت راجع غير كدة لو انت جن لازم هتخبط في الاقماع لال لو راكب سيات ولا27 ولاماروتي ..الحاجات اللي شبة الموتوسيكل دي ودة عن تجربة شخصية اني رحت اطلع بدل فاقد لرخصة القيادة والرجالة في المرور ضيعوا الملف بتاعي فكان الحل رخصة جديدة واختبار جديد وانا كنت مطلع الرخصة القديمة من84 وشوف بقي لفيت علي كام نوع عربية وكام نمط سواقة مع العلم اني فعلا باستمتع بالسواقة ..ودخلت الاختبار وانا واثق تماما من نفسي وركبني الغرور ودخلت بسرعة وجيت يامعلم وانا راجع ماكلفتش نفسي ابص ورا واعتمدت علي التلت مريات وشيلت قمع من الاقماع (شوف بعد كام سنة سواقة)واترجيت مهندس المرور انة يعيد الاختبار وحاولت اقنعة اني مش ممكن اوقع قمع واني باسوق لفترة طويلة وفيييييييين بعد محاولات والذي منة رضي وعاد الاختبار والمرة دي لوحت جسمي علشان ابص ورا ورجعت بسرعة وانا شايف الاقماع زي الفل والحمدلله طلعت الرخصة
نيجي للكلام المفيد انك ربنا يكرمك وتسافر برة وتحاول تطلع رخصة قيادة في البلد اللي انت فيها فعلا اختبار صعب القائم بالاختبار بيقعد جنبك ومش بيكلمك غير في الطريق اللي عاوز يختبرك فية وبيشوف ردود افعالك وطريقتك في السواقة ومتابعتك لحالة الطريق والسواقة علي التلج والطرق المبلولة وبيحاول ينرفزك علشان يشوف هتعمل اية وقبل اي شئ بيخليك ترجع بالعربية ووقعتك سودة لو اعتمتدت علي المريات فقطلازم تبص بعنيك وتستجدم الاشارات سواء بتاعه العربية وبايدك كمان مش سلطة زي عندنا
الاخوه اللى بيقفلو المرايات
بتستعمل مرايا بانوراما , بتبص وراك قبل ما تدخل , جايب 3 كاميرات فيديو بمخرج ووحده ميكسر بتشوف منها حواليك
مازلنا بنقول المرايات اليمين والشمال متعملتش بهدف ايروديناميكى مثلا , هى اتعملت بجانب المرايا اللى جوا علشان تحقق رؤيه واضحه
فى اختبار القياده السليم المفروض المختبر بيشوف وضعيه ضبطك للمرايات قبل بدء الاختبار , كل مرايا ليها مجال معين المفروض تكون موضحاه وايا كانت المرايا اللى جوا واخده من الشماسه للشماسه مش هتجيب اللى بتجيبه مرايات الجنب
مرايات الجنب عندها القدره انها تكشف لك حارتين من الطريق جنبك وظهر العربيه من ناحيه المرايا بجانب على الاقل الباب بتاعك , والمرايا اللى فى النص علشان تشوف الطريق بشكل مكشوف وراك ولمسافات بعيده , ومع وجود ال 3 مرايات برده بتبقى فى مناطق عمياء خطيره جدا فما بالكم بقفل المرايات دى اصلا وما بالكم بمصر بلد اللى كل شويه يطلعك واحد من لا مكان يلزق فيك وانت ماشى بتفادى مطبات يمين وشمال
وكل ده وانت ماشى للأمام , بعيدا عن ان المرايات هى اساس الرجوع للخلف مش النظر بالراس من الزجاج الخلفى
يعنى اللى بيلف يبص ده لو عربيته متحمله من ورا صناديق او الزجاج الخلفى عليه طين او تراب بيرجع ورا ازاى طالما مبيعرفش يستخدم المرايا ؟؟!!
فيه ناس بتخاف على المرايات الجانبية لعربية تلطشها وتكسرها
في ناس بتعتقد ان المرايات دي كماليات في العربيه زي الكاست و السماعات
انا فاكر انى لما المراية بتاعت العربية القديمة بتعتى اتكسرت حسيت انى ماشى من غير نص دماغى الجنب اليمين كان اعمى بالنسبة ليا و الناس اللى بتسوق من غير مراية تقولك لية دانا حريف و يوم ما يكسر على حد يقولى انت مش شايفنى يعنى و فى ناس انا هزأتها كتير بس الموضوع دة و طبعا لو حصلت اى حاجة لاقدر الله يقعد يقنع نفسة ان هو صح و الناس هى اللى غلط مش هو
الأخ الذى كتب الموضوع شكرا لك
ولكن البقعة العمياء والموجودة فى العين وهى مكان خروج العصب البصرى من العين إلى مركز الابصار بالمخ وهذه المنطقة لاتحتوى أى خلايا حسية عصبية ولا يتكون عليها اى صورة لأى جسم
ولكن توجد منطقة أخرى تسمى البقعة الصفراء وهى التى تتكون فيها صور الأجسام ليتم نقلها عبر العصب البصرى إلى المخ
اى أنه لا تتكون اى صورة نهائيا على البقعة العمياء وليس لهذا أدنى علاقة بالبقعة العمياء فى السيارة
فمعنى البقعة العمياء فى السيارة انك احيانا تنظر فى المرآة التى بجانبك على اليسار ولاتجد اى سيارة وعند محاولتك تغيير مسارك مثلا لليسار تفاجىء بسيارة تحاول المرور بجانبك
ولحل هذه المشكلة اصبحت المرايات الحديثة بها بؤرتين مختلفتين أى كأن المرآة مرآتين معا مختلفتين فى البعد البؤرى
الجزء الداخلى للمرآة يعطى صورة السيارات القريبة منك والجزء الخارجى من نفس المرآة أكثر تحدبا ويوضح صورة السيارة التى لا يعكسها الجزء الداخلى وسترى ان هذه المرآة بها خط من جهة الخارج ليوضح اختلاف تحدب المرآة
في مشكلة الناس اللي بتسوق من غير مرايات مش مدركاها
السواق في العربية عنيه المفروض دايما قدام
عينه عالطرييييييق
ازاي (لان مفيش عند حضرته مرايه) يغفل عن الطريق قدامه لثانيه
اقصد الثانيه اللي سعادته بيلف فيها رقبته (اللي عايزه الكسر) عشان يشوف حد جاي من وراه ولا لأ
متخيلين معايا
هوا باصص دلوقتي وراه ولا على يمينه ولا شماله
طب فرضا الطريق قدام منه وقف لاي سبب كان ان شالله واحد كان معدي الشارع (وما اكثرهم) والطريق وقف فجأة قدامه
تفتكرو الموضوع محتاج كام جزء من الثانيه......
متخيلين ان حضرته هيلبس في اللي قدامه
الموضوع ملوش علاقه بالحرفنه
المرايات وجودها معمول عشان عينك دايما تبقى عالطريق قدام منك
وتختلس النظر للمرايات كل شويه بس عينك متبعدش عن قدامك
يااااااااااااه
والله المرايات دي نعمه كبيره
بيني وبينكم
اللي مساقش بمرايات جانبية مداقش يعني ايه طعم سواقه احترافيه
احلى حاجه تبقى كاشف عربيتك من كل الجهات وانتا قاعد مكانك
خلونا نستمتع بالسواقه وخلو اللي بدون مرايات يتشتمو وندعي عليهم وربنا يحمينا من شرهم
تحياتي