تمرد على العربية

**acc_gr2004** · 17-06-2010 06:20 PM

ازيكو يا بيجوهاتية

عندى موضوع سيكو (نفسى من الدرجة الاولى )
الا وهو التمرد على السيارة .. وهو انك تحس بعد فترة معينة من شرائك للسيارة ( سنة مثلا او سنتين ) ان العربية مش فى حالتها اللى اشتريتها بيها ... رغم ان الحقيقة انك ممكن تكون ظبط العربية عن اول ما اشتريتها
الموضوع دا نفسى بحت ... وساعات تحس ان العربية مش فى حالتها .. وتوديها للميكانيكى وانت رايح مش لاقى حاجة تقولهالو ... تتحجج وتقول العربية مخنوقة / مش متظبطة / بص انت عليها وشوف هى عايزة ايه ... وعبارات تحمل نفس المعنى .. المهم الميكانيكى يبص عليها ويقولك العربية زى الفل ما شاء الله وتمام - او يعمل اى حاجة خايبة مثلا ينفخ الكبوت بالهوا / ينضف الفلتر / يظبط الموتور كهربا / يربط العفشة ..... وتمشى من عندة وانت مش مقتنع ... ويفضل الوسواس ماسكك وقلقان ومش مطمن - رغم ان العربية بحالة كوسه ...
ورغم ان شخصيتك مش لازم تكون موسوس ولا بتقلق - بالعكس انت ممكن تكون شخصية سوية طبيعية

ياترى بقى حد جالة الشعور دا ؟؟؟
طيب سببه ايه ؟؟؟
ياريت لو حد مر بالتجربة دى يحكيلنا ويقول وصل لايه ؟؟؟

**hesham_shousha** · 17-06-2010 11:09 PM

من الواضح إن عندك وقت فاضى بتستثمره فى الزهاب للميكانيكى

**the-hero** · 18-06-2010 01:06 AM

عشان انت بس معندكش خبرة فيها

**mohamedadelemam** · 18-06-2010 07:41 PM

مع إحترامى لكلام حضرتك يا أستاذ هيرو..بس هو السبب إنه راكب بيجو 405...فدائما عنده شعور إن أداؤها جبار جدا وبيعطيك طمع فى أداء أقوى...ودا أنا شفته فى كذا واحد معاه 405 و 504

**waleedraafat** · 18-06-2010 11:25 PM

بعض الاشخاص بيكون عندهم احساس عالي مع دقة ملاحظة تختلف من شخص لاخر، عادة ما تكون تلك الصفات مفيدة وجيدة ولكن في بلد مثل مصر عدم وجودها افضل واريح

والشخص عالي الحساسية دقيق الملاحظة يستطيع تمييز الفروق الطفيفة بين الاشياء علي عكس الاخرين اللذين قد يلزمهم وجود فروق واضحة وعالية للتميز .
وعليه في ميكانيكي مثلا شاطر ولماح والاخر خيبة وطينة ولازم تشغله وتقول له يعمل ايه، فلا تعتمد علي الميكانيكي عادة فيما يخص الفروق الطفيفة في الاداء او اصوات التزييق او اختلاف وضعية شي ما في السيارة عن وضعه سابقا لانه لان يشعر بالفرق وبالتالي لن يفبد كثيرا

عليك بتثقيف نفسك لتصل لما تريد بنفسك (المنتدي هنا اكثر من رائع) وحل مشاكلك بنفسك ، بس علشان تستريح عموما لا يبقي شئ علي حالة بمرور الايام وطبيعي جدا وجود تغيرات في اداء السيارة ونعومتها وووو... ودورك هنا ان تفرق بين الاداء المرضي والمناسب لعمر سيارتك وبين وجود مشاكل تستدعي حقيقية حلها

وبالتوفيق انشاء الله

**BoPPoS** · 19-06-2010 12:58 AM

يا جماعه ... الاخ اللي كتب الموضوع معاه حق ...

انا معايا مازدا 3 ... انقلبت بيها وزبطها والحمد لله رجعت احسن من الاول ...

بس احيانا بيجيلي الوسواس ده فعلا ان العربيه مش قد كده ...

ودي حلها بسيط ...

رجعت لأيام الشقاوة شوية ... يعني قرصت عليها .. وماشاء الله جابت ال200 مرتاحه

برضو لسه الوسواس شغال ... ؟؟؟؟

شديت مع عربيات كتير ... وماشاء الله ... وحش .. بس البي ام 316 عليها موتور 3600 حط عليا بالتلاته

وبس ...

الواحد يختبر العربيه كل فتره ...

دا رأيي ... لو غلط انا منتظر التصحيح ..

وتقبلو تحياتي ...

**the-hero** · 19-06-2010 01:29 AM

المشاركة الأصلية كتبت بواسطة mohamedadelemam

مع إحترامى لكلام حضرتك يا أستاذ هيرو..بس هو السبب إنه راكب بيجو 405...فدائما عنده شعور إن أداؤها جبار جدا وبيعطيك طمع فى أداء أقوى...ودا أنا شفته فى كذا واحد معاه 405 و 504

ياباشا فهمك والله وكنت بعمل كدا فى بدايه تجربي مع العربية
يعنى سعات اركب احس ان العربية مش زى الاول فيه ايه اختلف مش عارف بس هو كدا وخلاص
بس من كتر متعلمت من ناس كتير وخصوصا الصنيعية بقي عندى خبرة كبيرة فيها والى حاجة بشخصها كويس جدا وبحس بيها اكنها جزء منى

**mohamedadelemam** · 19-06-2010 04:01 PM

تمام يا أستذ هيرو

**the-hero** · 20-06-2010 07:56 PM

المشاركة الأصلية كتبت بواسطة mohamedadelemam

تمام يا أستذ هيرو

**sterio_504ever** · 07-07-2010 04:55 PM

انا ولله معايا 504 كذا مرا اجربها و اجى اجرى القيها مش بتسحب خالص و اكون قرفان منها و اطلع البيت منكد
و اوقات اجى اجرى القيها وحش وحش بكل معنى الكلمه يا جدعان و ارجع مبسوط و حابب العربيه بس ده بالنسبالى مش بيكون وسواس