الموضوع: المئات من محلات الفول والفلافل تغلق أبوابها

المشاركة الأصلية كتبت بواسطة Ahmed Samy

ايه يا كريم ؟؟ انت بجد مش عارف البلد دي رايحة على فين ؟؟؟
مش قلقان على مستقبل ولادك (ربنا يخليهملك و تفرح بيهم دنيا و أخره يا رب) في البلد دي
السنة دي اصعب من اللي فاتت
و الشهر ده أصعب من اللي فات
و النهاردة صدقني أصعب من امبارح
أنا باقوللك كده لأنك زمان قولتلى انى قبل ما أفكر أسيب البلد أفكر في مصلحة أولادي
طب فكر معايا كده:(

بقت مش قادر افكر ياحمد
اللي بيحصل في البلد عمللي حالة شلل في التفكير
المرتب بيروح البنك قبل 10 في الشهر مش بالاقية
ولولا الاوت سورسيس كان زماني بشحت
بس كل ماراجع كل المعيشة برة وخاصة الدول العربية
خاصة لو اتعودت عليها وعلى الحقوق الادمية الي عندهم
مش هاعرف اعيش هنا وهافضل هناك مواطن درجة تانية
لي عمة زوجها كان بيشتغل في السعودية من السبعينات ووصل لدرجة مدير عام مكتبات جامعة الملك سعود
ودي حاجة كبيرة قوي عندهم وكل ولادهم مولدين هناك ومعاهم جنسية
لما جم يدخوا الجامعة نزلوا
عايز اقوللك ان عمتي عاشت هناك اكتر من هنا
وهو اصلا من اصل شامي وعاش هناك اكتر من هنا
كل ده ماشفعلومش واول ما تم ال 60 رحلوهم من هناك
انت مستوعب
ناس واخدين على افضل معيشة وارقى مستوى في حي السفارات هناك
نزلوا هنا رغم معيشتهم في منطقة راقية الا انهم مش قادرين يتاقلموا على الناس وطباعهم ولا اللي بيحصل في البلد
والاولاد جالهم خوف مرضي وعايشين بنص ثقافة هناك ونص هنا
رغم اننا بنتكلم عن السعودية اقرب البلاد العربية لينا
وكلهم دخلوا القوقعة
هل انت عايز تعيش انت وولادك في القوقعة