المشاركة الأصلية كتبت بواسطة أبو عبدالله
يا أخي الكريم ممكن تفكر فيما تقوله وانت هتلاقي انك بتردد كلام المهاجمين للنقاب بدون التفكير فيه
يعني هو النقاب اللي فيه تستر والباقي لأ
يعني اللي بيلبس لبس ظابط ويدخل وياخد اللي هو عاوزه ويسرق ويقلع الناس هدومهم لو حب
ده مش بيعمل جريمة بالتستر في ملبس الظابط
هل ده يعني اني اطالب بان الظابط ميلبسشي لبس الداخليه لأن فيه ناس بتتستر فيه
يعني بصراحه تفكير غريب جدا
وقيس على كده اللي بيلبس لبس دكتور واللي بيلبس لبس كذا وكذا وكذا مش هتخلص بقه
يبقى النهاية الحل مش انهم ميلبسوش النقاب ولا الظابط ميلبسشي لبس الداخلية ولا ولا ولا
الحل انك تجد طريقة للمعرفة زي دول الخليج على سبيل المثال
المشكلة عندك في الجريمة وليست في النقاب
مصالح النقاب اكثر بكثير من مفاسده ولا تقارن اساسا بمفاسده ده لو ليه مفسده من وجهة نظر احد ده لو لم نتكلم عن حكمه الشرعي
ده غير ان انا مش عارف ايه علاقة النقاب بالمتفجرات
يعني اللي لابسه عبايه مش هتعرف تخبي متفجرات
يعني انا لو لبست بنطلون واسع وتي شيرت واسع برضه ده يمنع اني احط متفجرات
لو قلتلي ان اللي لابسه نقاب محدش بيشوفها برضه ما هيا هتفجر نفسها عاوز تشوفها ليه ههههههههههه
وشكرا للحديث معك انا حبيت بس اوضح امور ملتبس فيها عند الكثير لأننا بنسمع الكلام ونردده بدون التفكير فيه هل هو صحيح او ليس له حل ولا لأ