الموضوع: هل الإحتشام بقي عيب ؟

المشاركة الأصلية كتبت بواسطة lancelot

يا باشا الفكره في المبدأ مش في الترهلات و لا غيره
يعني هوا لبس المايوه بقى اساسه جسمها مترهل ولا لا
مش مبدأ ان هوا اصلا غلط

انا بتكلم من وجهه نظرهم هما ان شكل المايوة الشرعي مش كويس في حمام السباحه و شكل الترهلات و المناظر دي مقبول

المشاركة الأصلية كتبت بواسطة adfarouk

أنا أخر مرة كنت في العين السخنة نزلنا في Jaz محدش قلنا حاجة كنا 3 أسر و مراتتنا كلهم محجبات و نزلوا حمام السباحة عادي مع الولاد

للاسف ملقتش حجز في Jaz لان موقعه علي الانتر بيقول انه فندق كويس

و الفندق اللي نزلت في هو Stella De Marie

المشاركة الأصلية كتبت بواسطة amatoallah

اه حكاية نوادي الجيش دي صحيحه و من زمان كمان

انا كنت متعوده اجيب جاتوه من نادي جيش حلو اوي اللي في الشارع اللي قبل المنصه و كنت بدخل بعربيتي جوه و كان الموضوع عادي

اخر مره الكلام دا من سنه روحته , الامن مرداش يدخلني قلت له هسيب رخصتي او بطاقتي معاك قالي لا خالي والدتك هي تنزل تجيب و انتي استنيها بره :(

طبعا مشيت و ماردتش

كان الاول مسموح اننا ندخل لو هنتشري حاجه و نطلع علي طول

و من شهرين فيه اتنيين من صحاباتي ماكونتش شوفتهم من زمااااان اتفقنا ان احنا نتقابل و نتغدا مع بعض بس للاسف انا ماخدتش بالي انهم قالوليي نادي حرس الحدود الي علي النيل ماجاش في بالي انه جيش اصلا

لحد ما روحنا و احنا علي البوابه الامن رفض يدخلني و مكتوب لوحه بكده

و صاحباتي طبعا اخدت منهم تريقه للصبح و انتي بوظتي خروجتنا و فيها ايه لما ترفعي النقاب و تدخلي و انتي متطرفه و انتي مش عارفه ايه :(

و في الاخر روحنا تشيليز في نايل ستي و طبعا في حرس الحدود كان اخرهم هيدفعوا 40 جنيه بالكتير اوي

في الاخر يعني كنت هضرب و اروح باعاقه منهم بس والله عرضت عليهم اني ادفع الفرق او اشيل انا الليله كلها :) بس يرحموني من كلامهم :)


بس علي العموم الموضوع دا مش بيضايقني يعني خلاص الاماكن خلصت علشان نتحوج لدور الجيش يعني

ربنا يباركلك في حديث عن الرسول صلي الله عليه و سلم فيما معناه انه سيأتي علي امتي زمن القابض علي دينه كالقابض علي جمرة من نار

من الواضح اننا في الزمن دة

انا بقيت احس ان المنتقبات مهاجمين من الجميع بغض النظر عن انه فرض او لأ لكن هو في النهايه حريه شخصيه في التدين

المشاركة الأصلية كتبت بواسطة tammmer

انا مقبلش ان مراتى تنزل البحر او البسين ابدا
مايوة شرعى مش شرعى
انسى

اعذرني لما حضرتك بتروح بتروح تصيف بتنزل انت المايه و هي تقعد في الشمس برة طول النهار و لا بتوديها حمامات سباحه للسيدات و لا هي ملهاش حق تستمتع زي الرجاله و الاطفال

و لو انت اخدت بالك انا يتهكم علي حكايه المايوة الشرعي مبقولش انه شرعي و عنوان الموضوع كان عن الاحتشام لاني عارف ان المايوة دة برضة مش معناه الالتزام دينيا مقلتش الحجاب بقي عيب قلت الاحتشام
اتمني تكون فهمت وجهه نظري

المشاركة الأصلية كتبت بواسطة ahmedgen2

شوف حضرتك هو الموضوع له علاقة بالمكان أكتر من أى حاجة تانية.

يعنى فنادق العين السخنة لا تتبع الشريعة الإسلامية بأى حال ومعظم المستثمرين أجانب وغير مسلمين أصلاً ، فالمعايير اللى اتبنت عليها المكان تغلب عليها الثقافة الغربية ، فكان أولى انك مترحش هناك.

طالما انت مستثمر و ناوي تعمل مشروع في بلد معنيه فلازم تدرس عادات و تقاليد البلد دي و الحكومه الرشيدة بتاعة البلد دي تلزمك بقوانين معنيه مناسبة لعادات و تقاليد و ديانه البلد اللي هتعمل فيها المشروع و للاسف كل الاماكن النضيفه في مصر ادارتها غربيه و اصحابها اجانب او مصريين متامركين فياريت ترشحلي مكان كويس كنت اروحه لان في النهايه بيتي ليه عليا حق و لازم اخرجهم من مود الملل اللي بيعيشوه طول السنه و كمان انا كنت في اروربا لمده شهر و اتفسحت و خرجت من غيرهم و هما هنا في مصر

بعدين المايوه الشرعى اعذرنى لكن دة لا يمت للشرع بأى حال ، بمعنى لو هتتكلم بمنظور شرعى ، مينفعش أصلا المرأة تنزل حمام السباحة وفيه رجالة قاعدة ، فحتى لو سمحلك تنزل بالمايوه الشرعى ، فانت بتعصى ربنا برضه.

مش هرد علي النقطة دي لان واضح انك مقراتش عنوان الموضوع او طريقه الكلام كويس اتمني نرجع تقرأ الموضوع كويس و عنوانه و هدفه و اكيد مينفعشي تصدر حكم من غير ما تشوف حمام السباحه و عدد الرجال اللي بيساوي صفر لان الفندق فاضي هو طبعا انا مش هخش في نقاش في النقطة دي لكن ردي احتراما ليك مش اكتر



والموضوع مالوش أى علاقة بالدين على فكرة هتلاقيها فى الآخر عادات وتقاليد وثقافة أكثر منها دين ، لأن أصلا المايوه الشرعى يصف ويشف وكل حاجة ، لو مش باين قبل ما تنزل ، فى المياة هيبان أكتر بكتير ، فكون حضرتك متقبل المرأة تنزل حمام السباحة بمايوه يصف ويشف كأنه مش مغطى حاجة وفى حضرة رجال دى ثقافة وعادة انك مش متعود زوجتك درجة احتشامها تقل لكن مفيش فرق بينها وبين اللى بتلبس مايوه حقيقة ، حتى لو هنختلف فى درجة الإحتشام بين الاتنين ، هتلاقى الدرجة اللى انت فيها مخالفة جداً للدين ، فالفكرة غلط والأصح ان المرأة متنزلش حمام السباحة فى حضرة رجال.
مش هرد علي النقطة دي لان واضح انك مقراتش عنوان الموضوع او طريقه الكلام كويس اتمني نرجع تقرأ الموضوع كويس و عنوانه و هدفه و اكيد مينفعشي تصدر حكم من غير ما تشوف حمام السباحه و عدد الرجال اللي بيساوي صفر لان الفندق فاضي هو طبعا انا مش هخش في نقاش في النقطة دي لكن ردي احتراما ليك مش اكتر






أنا لو مكانك أتأكد من المكان أثناء الحجز هل يتبع قواعد مخالفة أم لا وهل تقدر تتقبلها أم لا.

بخصوص الحرية فأكيد من حقك انت وزوجتك تلبس اللى انت عايزه ، إنما فى أماكن لازم تلتزم بلبس معين dress code مينفعش تروح الشغل بشورت مثلاً أو تنزل حمام السباحة بالبدلة ، كل مكان وله شروط ، مفيش حرية مطلقة.

يا سيدي انا منزلتش حمام السباحه ببدله اتمني برضة للمرة الثالثه انك تقرأ الموضوع كويس

تصدق اخي العزيز ان للأسف في اشخاص بيساهموا مساهمه فعاله في ابتعاد الناس عن الدين بطريقه النصح زي لما حد يرد و يقولك كدة ( فحتى لو سمحلك تنزل بالمايوه الشرعى ، فانت بتعصى ربنا برضه. ) معن دي حاجة ربنا وحدة اللي يعرفها اذا كنت بعصي ربنا او لأ

المشاركة الأصلية كتبت بواسطة ashouhdy

لو انت فى اوروبا او امريكا محدش حيقولك حاجة لكن قالو ممنوع عشان انت فى مصر و عجبى !!!!!!!!!!!!!!!!!!!!!!!!!!
بيتمحكوا فى الاجانب وهما ابو الفلح ! حاجة عجيبة !

احد العمال قاللي هناك ان المصريين هما اللي بيشتكوا مش الاجانب يعني المصريين هما اللي بيشتكوا ان في ناس بتنزل بملابس سباحه طويله