الموضوع: هل الإحتشام بقي عيب ؟

المشاركة الأصلية كتبت بواسطة m.mosaad

اعذروني للعنوان الغريب بس دة اللي بيلخص الموقف اللي حصللي

شوف حضرتك هو الموضوع له علاقة بالمكان أكتر من أى حاجة تانية.

يعنى فنادق العين السخنة لا تتبع الشريعة الإسلامية بأى حال ومعظم المستثمرين أجانب وغير مسلمين أصلاً ، فالمعايير اللى اتبنت عليها المكان تغلب عليها الثقافة الغربية ، فكان أولى انك مترحش هناك.

بعدين المايوه الشرعى اعذرنى لكن دة لا يمت للشرع بأى حال ، بمعنى لو هتتكلم بمنظور شرعى ، مينفعش أصلا المرأة تنزل حمام السباحة وفيه رجالة قاعدة ، فحتى لو سمحلك تنزل بالمايوه الشرعى ، فانت بتعصى ربنا برضه.

والموضوع مالوش أى علاقة بالدين على فكرة هتلاقيها فى الآخر عادات وتقاليد وثقافة أكثر منها دين ، لأن أصلا المايوه الشرعى يصف ويشف وكل حاجة ، لو مش باين قبل ما تنزل ، فى المياة هيبان أكتر بكتير ، فكون حضرتك متقبل المرأة تنزل حمام السباحة بمايوه يصف ويشف كأنه مش مغطى حاجة وفى حضرة رجال دى ثقافة وعادة انك مش متعود زوجتك درجة احتشامها تقل لكن مفيش فرق بينها وبين اللى بتلبس مايوه حقيقة ، حتى لو هنختلف فى درجة الإحتشام بين الاتنين ، هتلاقى الدرجة اللى انت فيها مخالفة جداً للدين ، فالفكرة غلط والأصح ان المرأة متنزلش حمام السباحة فى حضرة رجال.

أنا لو مكانك أتأكد من المكان أثناء الحجز هل يتبع قواعد مخالفة أم لا وهل تقدر تتقبلها أم لا.

بخصوص الحرية فأكيد من حقك انت وزوجتك تلبس اللى انت عايزه ، إنما فى أماكن لازم تلتزم بلبس معين Dress Code مينفعش تروح الشغل بشورت مثلاً أو تنزل حمام السباحة بالبدلة ، كل مكان وله شروط ، مفيش حرية مطلقة.

المشاركة الأصلية كتبت بواسطة amatoallah

و هما اللي عملوا احداث 11 سبتمبر كانوا منقبين :)

دا حتي علي حسب التحريات اللي cia عملتها انهم كانوا سهرانيين مع بنات في ديسكو قبلها بيومين والله اعلم

و زي ما انت شايف ان من الحريه الشخصيه انك ما تتعامل مع منتقبات من ورا ستاره هما بردوا من حريتهم الشخصيه يلبسوا اللي هما عايزين يلبسوه حتي لو خيمه

ماحدش هيجبرك تتعامل معهم لان زي ما قلت حريه شخصيه فعلا

ربنا يكرِِمك

اللى عايز يعمل مصيبة بيعملها بأى طريقة مش مستنى النقاب عشان يستخبى فية

( أنا أسفة إنى خرجت عن سياق الموضوع )