الموضوع: هل الإحتشام بقي عيب ؟

المشاركة الأصلية كتبت بواسطة amatoallah

انا معاك ان فيه وظائف ما ينفع فيها المنتقبات يشتغلوا و منها الممرضات و الطبيبات ووظائف تانيه

لهم الحق في انهم يرفضوا النقاب فيها

انا بتكلم عن التضييق علينا بمبرر و بدون

زي دور الجيش و غيرها

يعني زي موضوع امتحانات الجامعه

يعني فيها ايه لو يحطوا امن ست و تفتش الطالبات تفتيش ذاتي او حتي يعملوا لجان خاصه لهم و يكشفوا فيها وجههم عادي

هو الغرض مش الغش الغرض انهم عايزيين يزهقوا المنتقبا علشان يقلعوه

عارف انا قرات عن منحه لدراسة ادارة الاعمال و الريادة مقدمه من جامعه وارتون في امريكا و الجامعه الامريكيه هنا في مصر

قبل ما اقدم اتصلت بهم علشان اسالهم ينفع منتقبات و لا لا و طبعا كنت متوقعه الرد بالفرض التام بس قلت اعمل اللي عليا

عارف ردوا عليا بايه ان طبعا ينفع و لو احنا رفضنا دا يعتبر تمييز :)

و روحت و قدمت و اللي عملي المقابله اجانب و كانوا في قمة الاحترام

احترموا حريتي الشخصيه و اختياري و احترموني كانسانه مش يبصولي كواحده متخلفه

و بعد ما اتقبلت في المقابله بفضل الله و منه كان فيه امتحان و اللي كان بيراقب اجنبي

و قبل ما ندخل , كلنا الممتحنين لازم يطلعوا الاي دي علشان ياخدوها

و اللي كان بيشوف الاي دي راجل لما انا روحت له قالي دقيقه واحده و نادي واحده معهم و هي اللي تاكدت ان انا فلانه

و دلوئتي بروح الجامعه الامريكيه في التجمع الخامس لما بدخل فيه امن ست و بتشوفني و عادي جدا


بس انا هقولك انا اعتقادي ايه يعني انا لو ضابط وقفني في الشارع لان شك فيا و طلب مني انه يتاكد مني مافيش مشكله دا حقه

و هكذا في المطار او غيره

بما اننا مش بنحترم ان المنتقبات جزء من المجتمع يبقي انا لازم اتقلم معاه بما لا يسبب مشاكل ليا

لكن لو هتقول انه دخيل علي المجتمع المصري

طيب ما هو الميني جيب و الميكرو و البديهات و البنطلونات السكني و الليجز مادي كلها دخيله علي المجتمع

اشمعني مش بنقول هنا دا شئ دخيل و لازم نتصدي له

هي الحكايه كلها ان الحكومه عايزه تقضي علي النقاب بالتضييق علي المنتقبات

مش علشان خطر

و بعدين يعني معلش يعني هما مش عارفين يفرقوا بين جسم الراجل و الست حتي تحت النقاب و لا كلها حجج

عيل العموم انا الحمد لله عمر ما حد وقفني و طلب اثبات شخصيتي و بفضل الله مافيش حد ضايقني و انا بسوق عربيتي ابدا

و ربنا يكملها علينا بالستر :)

الاجانب عندهم احترام تام للحريه الشخصيه للفرد - المصريين بقي عندهم احترام تام للحريه الشخصيه لاي اجنبي ما عدا المصري
انا شغال في شركه اجنبيه و تعاملي 90 % مع اجانب و في جراج تابع للشركه قدام الشركه من كام يوم كنت رايح مأموريه للشركه و قاعد جنب السواق و خارجين من الجراج لقينا واحدة منتقبه داخله الجراج الامن اتنفض و جري عليها و زعق رايحه فين يا حاجة الست طلعت امريكيه مسلمه الراجل جري جاب كرسي في الظل و اتصل بالتليفون يستعجل السواق

للأسف المصري لا يحترم المصري و بيحترم باقي الجنسيات علشان كدة كل الجنسيات مش بتحترم المصريين و مش موضوع منتقبه و بس هو موضوع مصريه كمان

اكتر الفترات اللي بحس بالاحترام فيها و الامن و اني واخد حقي مظبوط للاسف بيبقي لما بكون مسافر برة مصر

المشاركة الأصلية كتبت بواسطة SeiffoZ

إنتم سبتم الموضوع كله و مسكتوا فى حتت المايوه الشرعى ؟؟؟؟؟ ...

مش ده الهدف من الموضوع ...

و لو تعبتم نفسكو و دورتهم على المايوه الشرعى ده يعنى إيه ؟؟

يعنى قماش معين مش بيشرب مياه .. و بالتالى مش بيمسك على الجسم و مش بيصف ...

انا قلت بس تكونوا عارفين المعلومة دى بدل ما عمالين تتكلموا على الراجل صاحب الموضوع والمايوه

اخي العزيز

متتعبشي نفسك دة حال معظم مواضيع الاجتماعي لو حد بيسأل عن حاجة ممكن الموضوع يوصل 10 و 11 صفحه من غير ما السؤال بتاعه يتجاوب انا قلت في احد الردود اني مش هجادل في نقطة المايوة دي و في اخوة كتير بتنصح لهدف الشو و المشاركه فقط لا غير و في برضة ناس كتير فاهمه معني النصيحه الصح زي الاخ الفاضل samoevil911 اللي بعتلي نصيحته علي الخاص لانه مش منتظر تصفيق و لا منتظر حد يقوله +111111111111 و لا ميه ميه و لا حاجة قصدة النصيحه مش اكتر و لا اقل و متحاولشي تشرح و تقول قماش بيشرب المايه و مبيشربشي المايه لان برضة مش هتلاقي حد عنده ودن يسمعك و لا عين يقرأ كلامك دة احد الاخوة بيقولي لو جلابيه فلاحي اتبلت مايه تبقي خلاص خلصت و اتهمت اني دخلت خمارة و طلبت عصير و اني عاصي لربنا بل للاسف واحدة من الاخوات بتقولي طالما رايح مكان اعرف شروطة لكن متشتكيش و في النهايه انا كنت رايح فندق اقضي كام يوم اهون علي عيلتي انشغالي طول السنه عنهم لقيت حاجة مقيدة لحريتي قلت اعرفكم بيها علشان تاخدوا بالكم و تعملوا حسابكم مش اكتر و لا اقل يعني قصدي الفائدة و قصدي ان الانسان يعيش علي حريته الشخصيه طالما لم يصطدم بحريات الاخرين و قلت زي ما اللي بتلبس قصير و مايوة عادي بتاخد حريتا برضة المحجبه و المنتقبه لازم تاخد حريتها و متتعاملشي اكنها Freak جايه من كوكب تاني و اننا نلتزم بشروط الاماكن اللي بنروحها بس برضة الاماكن لازم يكون شروطها مناسبه للبلد اللي معموله فيها لكن واضح ان في ناس كتير مبسوطه ان حرتها مقيدة و بتقول انها تبعد عن الشر و تغنيله معن لو انا و انت و غيرنا مروحناش الفنادق دي هتلاقي سياستها اتغيرت و بقت متاحه للجميع و ممكن كمان يبقي من ضمن شروط انشائها وجود حمام سباحه للسيدات لكن لأ احنا اللي نبعد و منروحشي و هما يعملوا اللي هما عاوزينه و تروح فندق تبقي مجبر انك تترمي علي البحر انت و عيلتك


هقول معلومه اخيرة stella de marie Grand حاطين علي الشاطيء يافطة ممنوع نزول البحر بملابس السباحه الطويله يعني برضة مايوة و بس و طول ما الناس ساكته هيبقي دة حال كل الفنادق اللي مقامه علي ارض مصر

صدقني متتعبشي نفسك و تخش في جدال ملوش نهايه