الموضوع: هل الإحتشام بقي عيب ؟

المشاركة الأصلية كتبت بواسطة SeiffoZ

إنتم سبتم الموضوع كله و مسكتوا فى حتت المايوه الشرعى ؟؟؟؟؟ ...

مش ده الهدف من الموضوع ...

و لو تعبتم نفسكو و دورتهم على المايوه الشرعى ده يعنى إيه ؟؟

يعنى قماش معين مش بيشرب مياه .. و بالتالى مش بيمسك على الجسم و مش بيصف ...

انا قلت بس تكونوا عارفين المعلومة دى بدل ما عمالين تتكلموا على الراجل صاحب الموضوع والمايوه

اخي العزيز

متتعبشي نفسك دة حال معظم مواضيع الاجتماعي لو حد بيسأل عن حاجة ممكن الموضوع يوصل 10 و 11 صفحه من غير ما السؤال بتاعه يتجاوب انا قلت في احد الردود اني مش هجادل في نقطة المايوة دي و في اخوة كتير بتنصح لهدف الشو و المشاركه فقط لا غير و في برضة ناس كتير فاهمه معني النصيحه الصح زي الاخ الفاضل samoevil911 اللي بعتلي نصيحته علي الخاص لانه مش منتظر تصفيق و لا منتظر حد يقوله +111111111111 و لا ميه ميه و لا حاجة قصدة النصيحه مش اكتر و لا اقل و متحاولشي تشرح و تقول قماش بيشرب المايه و مبيشربشي المايه لان برضة مش هتلاقي حد عنده ودن يسمعك و لا عين يقرأ كلامك دة احد الاخوة بيقولي لو جلابيه فلاحي اتبلت مايه تبقي خلاص خلصت و اتهمت اني دخلت خمارة و طلبت عصير و اني عاصي لربنا بل للاسف واحدة من الاخوات بتقولي طالما رايح مكان اعرف شروطة لكن متشتكيش و في النهايه انا كنت رايح فندق اقضي كام يوم اهون علي عيلتي انشغالي طول السنه عنهم لقيت حاجة مقيدة لحريتي قلت اعرفكم بيها علشان تاخدوا بالكم و تعملوا حسابكم مش اكتر و لا اقل يعني قصدي الفائدة و قصدي ان الانسان يعيش علي حريته الشخصيه طالما لم يصطدم بحريات الاخرين و قلت زي ما اللي بتلبس قصير و مايوة عادي بتاخد حريتا برضة المحجبه و المنتقبه لازم تاخد حريتها و متتعاملشي اكنها Freak جايه من كوكب تاني و اننا نلتزم بشروط الاماكن اللي بنروحها بس برضة الاماكن لازم يكون شروطها مناسبه للبلد اللي معموله فيها لكن واضح ان في ناس كتير مبسوطه ان حرتها مقيدة و بتقول انها تبعد عن الشر و تغنيله معن لو انا و انت و غيرنا مروحناش الفنادق دي هتلاقي سياستها اتغيرت و بقت متاحه للجميع و ممكن كمان يبقي من ضمن شروط انشائها وجود حمام سباحه للسيدات لكن لأ احنا اللي نبعد و منروحشي و هما يعملوا اللي هما عاوزينه و تروح فندق تبقي مجبر انك تترمي علي البحر انت و عيلتك


هقول معلومه اخيرة stella de marie Grand حاطين علي الشاطيء يافطة ممنوع نزول البحر بملابس السباحه الطويله يعني برضة مايوة و بس و طول ما الناس ساكته هيبقي دة حال كل الفنادق اللي مقامه علي ارض مصر

صدقني متتعبشي نفسك و تخش في جدال ملوش نهايه

المشاركة الأصلية كتبت بواسطة viper911s

حقق وحق زوجتك انكوا تستمتعوا فى الصيف بالمصيف والحمام السباحة او البحر دة حقكوا
بس حاول المرة الجاية تدور على العروض الافضل لااسرتك واحيك على الاهتمام دة بمتعتهم الاولاد والزوجة ربنا يبارك لحضرتك فيهم يارب

واسف للااطالة

الواحد بشتغل و يتعب علشانهم و مفيش اي متعه للحباه بيبقي ليها قيمه من غيرهم يعني لو حد مش عايز مراته تنزل المايه اتقاء للشبهات يبقي من باب اولي انه يقعد جنبها برة علي البلاج في الشمس مينزلشي لوحدة و يسيبها الشمس تاكل فيها طول النهار

جاري لسه راجع من المصيف برضة و هو مبينزلشي مراته المايه خالص و لا حتي حمام السباحه بتاع السيدات يعني مش تدينا هو تحكم و خلاص اسبوع هو بيعوم و يبلبط و هي برة في الشمس و هو عنده بنتين يعني كمان كام سنه البنت برضة هتتمنع و بعديها بكام سنه اختها الصغير هتتمنع

حب لأخيك كما تحب لنفسك و اقرب اخ ليك هو مراتك و عيالك
و زي ما ذكرتلك مثل سيء هقولك علي مثل كويس ليا صديق ليقته السنه اللي فاتت نازل بالتي شيرت المايه بسأله ليه قالي علشان مراته بتنزل بهدومها فهو كمان لازم يجرب احساس المايه علي الهدوم و هي ساقعه علشان متبقاش هي بردانه لوحدها بصيتله و بلمت و قعدت ادعيله في سري

صديقق انسان محترم فعلا ويستحق الاحترام انو بيحاول يساعدها فى حاجة زى دى لان المجتمع بيحاول يكون غربى بأأى شكل وبيرفض الاحتشام واحترام الذات وبيعتبرة رجعية وتخلف وللااسف تغلب الناس بتفكر كدة
محدش لية اتكلم على ان الراجل انو لية عورة المفروض متظهرش لو هنتكلم عن الدين وبردو للااسف اغلبنا بيظهرها وعادة وكأن مفيش مشكلة ولا تحريم عليها
ناس كتير هاجمت حضرتك بدون قصد فى الغالب
ياريت لو نفكر صح الاول وبعدين نرد يا جماعة ومنحولش النقاش لحاجة تانية
شكرا

المشاركة الأصلية كتبت بواسطة ahmed4000

للى عايز يفهم المواضيع بصورة علمية
يدخل على جوجل ويكتب
pool rules
او يدور عامة على موضوع نزول حمام السباحة بالملابس

لو دورت على pool rules فى جوجل هيجيب قوانين البلياردو
الافضل swimming pool rules

القوانين مش ستاندارد يعنى فى اماكن بتقوا ok و اماكن لأ و اماكن بتقول لأ بس ممكن لو المدير وافق :
http://www.ffcpool.com/pdf/SwimmingPoolRules.pdf القاعده رقم 10

طيب ايه الفرق؟؟ الفرق يرجع اولا و اخيرا للنظافه الشخصيه سواء لابس مايوه سبيدو او شورت طويل

القطنيات ممكن تشيل عرق و تراب علشان كده مش بينصح بنزول الحمام بتى شيرت و لكن القماش المصنع منه المايوهات (سواء شرعى ولا بيكينى او قصير او طويل) بيتعامل احسن مع الحاجات دى

لو السكين مايوه بيعمل مشاكل مكانش هيبقى حاليا افضل حاجه للسباحين فى السباقات طبعا علشان مقاومته للميه اقل من الجسم بس لو فيه مشكله صحيه مكانش هيتسمح بيه بأى حال...