الموضوع: تفتكرو ممكن نشوف الاسترا الجديدة منتشرة في البلد

المشاركة الأصلية كتبت بواسطة n.a.j.d

ها عملتو ايه في حاجه جديده ولا لسه يا رامي باشا

إن شاء الله يوم الجمعة أو السبت هاروح يا باشا ،إن شاء الله خير .

المشاركة الأصلية كتبت بواسطة n.a.j.d

العربيه دي ياباشا انا شخصيا شايفها من اجمل ما صنعته شركه اوبل من بعد الانسنينا
اانسينيا دي حكايه تانيه خاالص
انما الاسترا 2010 دي واخده بعض اللمسات من الانسينا
ركوبه ايه وراحه ايه لا تعليق وزي ماقالت الشركه احنا هدفنا الاول والاساسي عندنا ف العربياتها توفير الراحه التامه اثناء القياده وفعلا دا موجود فيها
يااخي ع كلام اللى شرو العربيه دي بتحس ركوبه حلوه اوي كدا مش عارف اوصفلك ازاي بس عموما الفيديو دا يوضح اايه هيا الاسترا دي ويا ريت تشوفه وتقولي رايك هوا مترجم من الى الانجليزي ...
youtube - new opel astra review

بس في حاجة غريبه انا مش فاهمها
الراجل معاه ماتور 1.6 180 حصان
و بيقول طلعتها مش رياضية .. وانها تناسب الناس العادية مش هواة المغامره والانطلاق
ازاي دول 180 حصان ؟؟؟؟؟؟؟؟؟؟

المشاركة الأصلية كتبت بواسطة gabrial

شكراً يا باشا ،ربنا يكرمك ،إن شاء الله خير ،أنا خايف بس موضوع التغيير في الضمان دة يكون كلام و خلاص ،بس أنا إتاكدت إن قطع الغيار موجودة عندهم من عضو فاضل معنا في المنتدى و بيشكر فيهم ،إن شاء الله في أقرب وقت أروح أشوف الاخبار .
بالنسبة للبدائل أنا صراحة مفش في دماغي غير الجولف و الاسترا بس مشكلة الجولف السعر ،baseline بتاع الجولف ١٧٦ ألف و تجهيزات أقل من الاسترا ،highline ١٦٠٠ ٢٠٢ ألف،tsi ٢٢٩ ألف .

هوا بصراحه ال tsi حاجة تانية
بس ال 220 الف هيدخلوك في كاتيجوري تاني اصلا
انت ممكن تفكر ساعتها في ال اودي a3
البي ام ال 316 الاوتوماتيك الجديدة
البي ام 116
الميني كوبر 1
قصة تانية ..
انما اعتقد كسيارة في الفئة اللي بنتكلم عليها الاسترا تتفوق

تمام كدة ،يبقى نخرج TSI من المقارنة ،يبقى قدامك غولف baseline-استرا-ميجان -ليون-برافو.

الاسترا و الجولف نفس السعر ،ليون سعرها ١٥٥ ألف ،الميجان highline كنت ١٤٤ ألف و سمعت انها غليت ٣ ألف جنيه،برافو ١٢٠ حصان تبتدي من ١٣٢ ألف إلى ١٥٢ ألف ، برافو ١٥٠ حصان بس منوال ١٧٥ ألف.

التوكيلات رينو و seat كويسين ،فولكس ناس تشكر فيه جداً و ناس تقول وحش ،منصور طبعاً مش محتاج أتكلم عليه ،أمترا بتاع فيات برد وحش و خوش قسم فيات و شوف بنفسك .
هنتكلم بعيداً عن التوكيلات الاسترا تكسب مع سبق الاصرار و الترصد.

نجد باشا ،واضح إن الاسعار عندكم و عندنا متقاربة ،يا ريت لما حضرتك تروح التوكيل تجبلنا أسعار قطع الغيار بالتقريب كدة عشان واضح انها هنا من الاسرار العسكرية ،متنساش برد يا باشا تسألينا على موضوع مصنع بولندا ،ماتروحش مخصوص يا باشا ،لما تكون رايح تعمل صيانة إن شاء الله.