الموضوع: هل لو تمت الذيادة المقررة على زيادة اسعار البنزين

المشاركة الأصلية كتبت بواسطة eng\ahmed

اولا نتكلم على التحويل للغاز وبغض النظر عن اضرارة هنحسبها من وجهة نظر مادية بحتة
هتحول لغاز بكام ؟؟ 5000 جنية
طيب ال 5000 جنية دول لما تحسب الفرق بين تمن تفويلة الغاز وتفويلة البنزين ساعتها ال 5000دول يمشوك اد اية ؟؟؟
دى حاجة .. تانى حاجة نص الشنطة رايح علشان الاسطوانة
يعنى دفعت فلوس وضيعت الشنطة دة غير مشاكل الموتور واللى هتترجم لفلوس فى الاخر .. كل دة علشان تجيب لنفسك وجع الدماغ !!

البنززين هيغلى والناس هتدفع وهتبقى مبسوطة كمان


تعالا نحسبها بالراحة من الاول
دلوقتى حجة زيادة البنزين هو توصيل الدعم لمستحقية لأن اللى معاة عربية بقى من الاثرياء .. مش كدة؟!!
طيب ياعم تامر انت دلوقتى من الاثرياء ومعاك عربية طيب فى ناس على ادها عندها عربيات صصغيرة متكملش 5000 جنية وموظف مطحون وبيجرى على رزق عيالة ولا سواق تاكسى .. دة من الاثرياء ؟؟؟
بلااااش هنعتبرهم اثرياء هما كمان
طيب النهاردة لما البنزين يغلى كل حاجة اسعارها هتزيد اكل وشرب وكل حاجة .. طيب اللى عندة عربية هيقدر يشترى بحجة ان عندة عربية العامل او الموظف الغلبان اللى يدوب بيدبر اليوم بيومة يعيش ازاى بقى ولا الدعم وصلة ازاى .. اية العائد علية من زيادة اسعار البنزين غير ان مواصلاتة واكلة وشربة غلى
طيب بلاااش سيبك من الغلابة والناس دى ونروح للناس اللى ميستحقوش الدعم من بتوع ال 95
النهاردة لو انت صاحب مصنع ولا شركة تكاليف النقل من ضمن سعر المنتج بتاعك لما مصاريف النقل بعد ماكانت x بقت 2x مين اللى هيتحمل الفرق انت كصاحب المصنع ولا المستهلك اللى هيدفع ؟؟؟
يبقى الحكومة رفعت عنك الدعم ازاى !!! اذا كانت بترفع البنزين علشان تدعمك انت !!
زيادة اسعار البنزين + عدم رقابة على الاسعار = سرقة ونهب وفوضى وسلملى على محدود الدخل اللى هيروح فى الرجلين

لو تلاحظ البلد فى السنوات الاخيرة ضرايب على اى حاجة وشوية شوية هيركبولك عداد اكسجين ويدفعوك ضريبة على الهوا اللى بتتنفسة وبنزين بيغلى وكل حاجة بتغلى .. اية الطفرة اللى حصلت فى البلد , اية اللى حس بية الناس ., نسبة الناس اللى تحت خط الفقر قلت اد اية ؟؟
يبقى حدوتة محدودى الدخل والدعم كلام فاضى ملوش لزمة

الله ينور يا احمد
النهارده وصلى قانون 73 لستة 2010 بربط الموازنه العامه للدوله
و شوف بقى بالأرقام
حجم الأنفاق السنوى هكتبه بالحروف ( اربعمائة و تسعه و ثمانون مليار و ستمائة و ثمانية و عشرون مليون و مائتنان و ثمانية و عشرون الف جنيه )
اللى داخل خزنة البلد من الأقراض و الضرائب و مبيعات الأصول و كل حاجة ( مائتان و ثمانية و تسعون مليار و خمسمائة و اثنان و ثمانون مليون و اربعمائة و اثنا عشر الف جنيه )
يعنى بالصلاة على النبى فيه عجز موانة يربو عن 200 مليار جنيه ( طب ازاى )
طيب يدبروها ازاى
السجائر هترفع 1.25
الأسمنت هيرفع ( على كلامهم ) 5%
الحديد 8%
و على كل طن يطلع من المحاجر طفله عليه 27 جنيه ( دى ملايين ملايين الأطنان )
و يتحصل رسم اضافى من الشركات اللى بتنتج الأسمنت
الكلام ده هيجيب قد ايه بالصلاة على النبى بقى
150 مليار جنيه سنوياً
يعنى البلد هتنتعش انتعاش خيالى بس على حساب مين
ما احنا اللى هندفع يبقى مش هنستفيد
و اللى عايز يقرا يدور على القانون هو 10 صفحات
و للمره الأخيره
حسبى الله و نعم الوكيل