سؤالك معقد بس ممكن يتجاوب علية بشكل مختصر و نقول... الدايو = 128 حديثة و متطورة جدا جدا... ليه؟؟... سيارة اعتمادية لاقصى درجة... سهلة جدا فى الصيانة و قطع غيارها فى كل حتة و فى البيع بتتخطف خطف... و فى نفس الوقت واسعة و مريحة و فيها كماليات زى اى عربية حديثة
لو حنخش فى التفاصيل... انت محددتش انت نويت على لانوس ولا نوبيرا... عموما الفروق بين دى و دى ترجع للى حيركب العربية لان الاساسيات واحدة من الناحية الهندسية... الفروق فى حجم و كماليات و برستيج و دول بتوعك انت مش بتوعنا
بالنسبة لقصة مصرى و كورى فا مفيش نوبيرا او لانوس كورى الا اللى جة من برة بنظام المعوقين... و اعتقد ان كل النوبيرا 1 كورى لان دى متجمعتش فى مصر خالص
العيوب الشائعة فى الاتنين هى الرشاشات... حلها ب200 جنية تجيب رشاشات BMW و شكرا... و فى اللانوس من نص 2002 و انت طالع مفيهاش المشكلة دى
يزيد على كدة فى اللانوس ضعف الفرامل.. لو بتسوق عادى مش حتحس اوى بالقصة دى و لو بتجرى ممكن تعدل الفرامل و حتبقى حديد بتكلفة 1000 جنية
النوبيرا ليها مشكلة تانية و هى جلب المقصات... لم الجلب تتلف غير المقص بالكامل و هات مقصات اسبانى ب 450 جنية
غير كدة و لو التزمت بالصيانات الدورية مش حتلاقى اى مشاكل خالص باذن الله
MMamdouh
المفضلات