معاية نوبيرا و بفكر اجيب سيفيك

**fady554** · 23-01-2011 04:54 PM

مساء صباح الفل على كل الهونداوية الى فى المنتدى
انا معاية نوبيرا مود 2002 و احب اعرفكو بى النوبيرا
ثبات قوة وسع اعتمادية قطع غيار مرطرطة فى الحرفين
و اسعارها قليلة
بس انا كنت عايز اغير العربية و كنت عايز حاجة احلى منها
و فى نفس مستوى السعر قالولى اسأل فى منتدى الهوندا
و شوف اخبار السيفيك اللى من مود 92 ل 95 (اعتقد ان ال si هى اللى فى رينج النوبيرا صح؟)
قولت اجى اعمل المقارنة عندوكم
انا محتار يا جماعة بجد انا عايز اعرف هل السيفيك اعتمادية عن النوبيرا ؟
و انا سمعت ان فيها عيب هو مش فى العربية بس بالنسبالى ان العربية
ليها قطع غيار كتير بس غالية
و كمان كنت عايز اعرف شوية اسعار قطع غيار كدة فى العربية مثلا
العفشة بعض اجزاء المواتير لان انا بس عايز ابيع النوبيرا للتجديد مش اكتر و خايف اجيب هوندا و البس فى الحيط

**M_Nabil** · 23-01-2011 05:21 PM

هو بالظبط كدة زى ما أنت قلت اللى في السعر النوبيرا دى هيا السيفيك 93 فئة الـ Si

طبعاً السيفيك اعتمادية واعطالها قليلة جداً قطع الغيار متوافرة للـ Si ما عدا الماتور الاصلى بتاعها نادر والكبالن قليلة شوية

قطع الغيار اغلى نسبياً من النوبيرا بس عمرها الافتراضى أطول يعنى تحط القطعة وتنساها لو لقيت حاله كويسة وبسعر معقول هيبقى اختيار موفق بس لو ناويت أبدأ دور من دلوقتى عشان الموضوع بيأخد وقت لحد ما تلقى الحالة اللى نفسك فيها وبالتوفيق ان شاء الله

**SAMEH_FOUAD** · 23-01-2011 05:22 PM

اولا هلا بيك ياباشا فى قسم الهوندا

ربنا يباركلك فى عربيتك النوبيرا كويسة وسيارة اثبتت وجودها بالنسبة للفئة السعرية بتاعتها

نيجى بقى للمقارنة

1: الاعتمادية : السيفيك تكسب بفرق كبير جدا

2: المساحة : متعادلين تقريبا بس السيفيك اوسع من قدام

3: الخامات والتقفيل : السيفيك ( طبعا بتكلم عن حالة عربية نظيفة )

4: الثبات : السيفيك بجد ثابتة جدا على سرعات عالية اوى سواء ملفات او غرز او مطبات هواء

5: الماتور : السيفيك : Si 1600 130 hp top speed 215 km

6: الهدوء والعزل : السيفيك بس ماتور الsi ال2 كامة خشن شوية قبل ال100 بعد كدة بيبقى ناعم لكن لو معاك الكامة الواحدة هادىء جدا

7: قطع الغيار : السيفيك متوفرة جدا ( اصلى واسنيراد ) بس غالية وفية بعض قطع الغيار نااااااااار

على فكرة دية السيفيك اللى صاحبها مهتم بيها وصاينها بجد هتلاقى كل اللى فوق دة

وبالنسبة للاسعار لو عايز فى الماتور يبقى اقل قطعة غيار هتجيبها مش هتكون اقل من 100 جنية والعفشة مش هتبقى اقل من 120 جنية للجنب الواحد

**SAMEH_FOUAD** · 23-01-2011 05:58 PM

فرق كبير جدا الضعف مرتين

**SAMEH_FOUAD** · 23-01-2011 08:32 PM

المشكلة ياباشا ان مافيش حاجة فى السيفيك رخيصة كلة غالى

يعنى مثلا سير الكاتينة 330 جنية اصلى بيتغير كل 80000 الف اضمن هو بيقعد 100000 الف

تيل الفرامل الاصلى ب275 جنية وريمسا الاسبانى ب235 جنية

ماستر فرامل اصلى ب650 جنية من غير السيرفو

الكبالن سعر الواحد 275 يابانى تقليد الاصلى بلاش اقول الرقم عشان اصحاب القلوب الضعيفة

الردياتير ب1200 جنية , الكباس ب2500 جنية , الطنابير ب1200 جنية يابانى نظيفة

اى سيور دينامو , باور , تكييف ب60 جنية ماركة sun والاصلى ب120 جنية للواحد

فلتر البنزين اصلى ب250 جنية التايوانى ب 125 جنية

اى قواعد بتبدأ من 200 جنية الى 300 جنية السيارة فيها خمس قواعد للمحرك

سعر المقص الواحد ب220 جنية

المساعد الواحد اصلى ب1100 جنية

عايز تانى ولا اقول كمان

**hossamhookman** · 23-01-2011 09:17 PM

سيفيك تكسب و كلام فى اللى اتكب مظنش فى حاجه
بس فى السيفيك اللى بيقعد ورا بيتظلم شوية
و اللى بيقعد ادام ملك
و ابقى ركبنى معاك لفة :)

**No Comment** · 23-01-2011 10:11 PM

هههههههههههههههه كفاية يا رجالة ..... حرام عليكوا كدة الراجل زمانه أتعقد وهيروح يبوس النوبيرا دلوقتى .
مبلاش الكلام اللى يخض ده ورا بعضه ..... دانا لو مكنتش هونداوى مكنتش هشترى هوندا أبداً بالكلام اللى انتوا كاتبينه ده هههههههههههههههه .

-

-

-

الموضوع: معاية نوبيرا و بفكر اجيب سيفيك

LinkBack

أدوات الموضوع

عرض

معاية نوبيرا و بفكر اجيب سيفيك - انشر الموضوع فى :

-

-

المواضيع المتشابهه

بفكر اجيب ميجان ...

بعت نوبيرا و بفكر اجيب ميجان اية رايكو

بفكر اجيب نوبيرا جديا

بفكر اجيب ريس......

بفكر اجيب جين 2

الكلمات الدلالية لهذا الموضوع

المفضلات

المفضلات

ضوابط المشاركة