منع سفر النقل على الطريق الصحراوى ايام الخميس والجمعه والسبت طوال الصيف

**yahiahelaly** · 19-06-2010 02:38 PM

طيب دي بلنسبه لينا بتوع الزقازيق مشكلة كبيرة لان احنا بنمشي حزء كبير على طريق القاهرة اسكندرية زراعي والتيرلايات اصلا على الطريق كتييرة الوقتي هتبقى عاملة ازاي

**neseralshark** · 19-06-2010 03:01 PM

حسبى الله ونعم الوكيل الطريق الزراعى غير موهل للسير به سيارات النقل التقيل وانه به اصلاحات دائما ياعنى عشان الوزراء يصبفوا ويرتاحوا تموتوا الشعب الغلبان منكم لله يارب يخرب بيتكم ونشوف فيكم يوم زى ما بتبهدلونا كل يوم يارب اللى اخد القرار ده تصيبه وهو ماشى على الصحراوى هو واهله واولاده

**TAG_Turbo0** · 19-06-2010 04:49 PM

مش حل خالص
يعني سكان القاهره يستريحو وسكان الدلتا كلهم يتبهدلو
هي المشرحه نائصه
الطريق الزراعي بأه سيء وخطر جدا كل يوم أكتر من حادثة بتحصل حرام كده

**SunSet** · 19-06-2010 05:18 PM

طيب ما يعملولنا طرق موازية

كباري او انفاق وعلى نفس الطريق عشان ماحدش يزعل

**Ralliart** · 19-06-2010 06:19 PM

دا الطريق الزراعي اصلاً بيبقى عباره عن ترلات يوم الخميس ،كده هتخرب عالآخر

الطريق الصحراوي توسيعاته الجديده جامده جداً واليوترن بقى عباره عن كباري والدكتور مدير المشروع كل شغله في امريكا وعامل شغل جامد وبيقول انهم بيدرسو توسيع الطريق الساحلي الدولي ،كل ده كلام جميل بس سايبين الزراعي ليه؟

يعني مليارات هتتدفع علشان طرق عباره عن قرى سياحيه ومصايف ويسيبو الطريق اللي بيوصل لمعظم محافظات الدلتا !!

**elassar2010** · 19-06-2010 06:43 PM

المشاركة الأصلية كتبت بواسطة ralliart

يعني مليارات هتتدفع علشان طرق عباره عن قرى سياحيه ومصايف ويسيبو الطريق اللي بيوصل لمعظم محافظات الدلتا !!

هما بيروحوا القرى السياحية والمصايف
انما الدلتا مالهاش لازمة عندهم مش هيستفيدوا منها

**AMIRELGOHARY** · 19-06-2010 06:55 PM

المشاركة الأصلية كتبت بواسطة magomago

ويبدأ تنفيذ هذا القرار اعتبارا من الساعة 12 ظهر الخميس الموافق 17 يونيو الحالي في المواعيد التالية بالنسبة للقادم من القاهرة في اتجاه الإسكندرية وحتى الساعة 12 مساء نفس اليوم.

وبالنسبة للقادم من الإسكندرية في اتجاه القاهرة من الساعة 12 ظهر السبت وحتى الساعة 12 مساء نفس اليوم.وذلك حسب بيان وزارة الداخلية الذي أذاعته وسائل الإعلام المحلية الأربعاء.

كده الحظر الخميس مساء للمتجه الى الاسكندرية و السبت مساء للعودة.
كنت اتمنى انها تشمل صباح الجمعة بس كده احنا نضبط نفسنا على الخميس وخلاص.
وشكرا لادارة المرور. الواحد مستنى القرار ده من السنة اللى فاتت وعقبال السنة اللى جاية يكون الطريق احسن ومدخل الاسكندرية يبقى 3 حارات

**mada121977** · 19-06-2010 11:32 PM

اهم حاجه راحه الطبقه العليا من الشعب اللى بتروح مارينا وبورتو وقرى الساحل الشمالى .. اما الطبقات الدنيا فيشربوا من اتخن ترعه تقابلهم عليه او يلبسوا فى ترله من التريلات اللى هاتملى الطريق ويستريحوا ويريحوا ..

**kemoelord** · 19-06-2010 11:58 PM

معلش يا جماعه يعني اساسا الطريق الزراعي ده مش طريق اساسا حتى لو بدون تريلات بمعنى ان المشكله اساسا في تصميم الطريق ده بالاضافه الى انعدام دوريات الامن والشرطة فيه فبقى حاجة خياليه كده واول مره في حياتي الصراحه الاقي طريق " سفر وسريع " وبيعدي داخل مساكن شعبيه ومناطق ماهوله بالسكان وواحد بجرار بيعدي بالعرض وحاجات عجيبه يعني انا مره سافرت بالزراعي وحلفت ميت يمين اني ما مسافر عليه تاني , وبعدين يا جماعه بالرغم من التطور الرهيب الي نفسه اشوفه بالطريق الصحرواي الا انهم ما كلفوا نفسهم وفكروا يعملوا طريق فردي فقط لسير الشاحنات والتريلات ويكون مفصول عن طريق العربيات الملاكي والميكروباصات ,, يعني هم اصلا فاكرين ان البهايم بتوع التريلات والمقطورات هيلتزموا بالحارة اليمين ,,, يبقوا قابلوني وبكره نشوف مسابقات رالي بينهم على الطريق