كماليات تويوتا ياريس

**Samir Elshahawy** · 19-06-2010 02:17 AM

المشاركة الأصلية كتبت بواسطة bloody_stone

تخزين الطاقة ماااااشي دي انا لاحظتها قبل كده
لكن ايه الابواب تقفل دي ؟؟؟؟؟؟؟؟؟؟؟ ريموت يعني ؟؟

لو حضرتك نزلت من العربية و معاك المفتاح و نسيت تقفل العربية بالريموت هيا بتقفل لوحدها أنا لاحظت الموضوع ده أكثر من مرة في عربيتي لدرجة أني بأخاف أسيب المفتاح في العربية و الموتور واقف

**KiNgMaX** · 19-06-2010 03:02 AM

المشاركة الأصلية كتبت بواسطة se_coralsea

لو حضرتك نزلت من العربية و معاك المفتاح و نسيت تقفل العربية بالريموت هيا بتقفل لوحدها أنا لاحظت الموضوع ده أكثر من مرة في عربيتي لدرجة أني بأخاف أسيب المفتاح في العربية و الموتور واقف

لا مش كده هى الفكرة انك لو فتحت العربية بالريموت ومفتحتش بعدها اى باب هى بتقفل اوتوماتيك تانى لوحدها بعد حوالى 40 ثانية
يعنى لايمكن تقفل والمفتاح جوه لان معنى المفتاح جوه ان الباب اتفتح يارب تكون فهمت قصدى

وايه حكاية مؤشر التانك المفتوح دى انا معنديش اللمبة دى

**KiNgMaX** · 19-06-2010 03:07 AM

فى حركة لذيذة ممكن تعملها بس مش عارف ضررها بصراحة انا مش بعملها كتير عموما
انك وانت بتدور العربية لف المفتاح الاول من غير ماتكون دايس دبرياج
وبعد كدع دوس دبرياج دور منه اكنه هو المفتاح

**BLOODY_STONE** · 19-06-2010 03:43 PM

المشاركة الأصلية كتبت بواسطة kingmax

لا مش كده هى الفكرة انك لو فتحت العربية بالريموت ومفتحتش بعدها اى باب هى بتقفل اوتوماتيك تانى لوحدها بعد حوالى 40 ثانية
يعنى لايمكن تقفل والمفتاح جوه لان معنى المفتاح جوه ان الباب اتفتح يارب تكون فهمت قصدى

وايه حكاية مؤشر التانك المفتوح دى انا معنديش اللمبة دى

تصور انا معرفش الموضوع ده بتاع الريموت ؟؟ حبقي اجربه

**HAMADASAIED** · 25-06-2010 03:28 AM

العداد فيه لمبة او شرطة كده بتنور لما يكون غطاء التنك مفتوح
أنا معايا تويوتا ياريس فول أوبشن و أوتوماتيك
موديل 2007 و مافيهاش أزاى

**hero** · 26-06-2010 02:11 PM

1- لو قفلت السنتر من مفتاح الباب ايلي جانبك (السواق يعني)...الابواب الثلاثة الباقية بتعمل lock و مش هاتفتح من جوة ولا برة الا لما تعمل unlock من مفتاح السنتر ايلي في الباب تاني او مفتاح السنتر ايلي في الريموت....ودي ليها ميزة لو مش عايز تشغل الـ Child Lock علي طول...يعني لو معاك اطفال في الكنبة الخلفية ..كل ايلي تعملوا انك تقفل السنتر من جنبك...وتفتح لما تحتاج..طبعا باب السواق هايفتح من جوة فقط ....لو فتحتة من الاكرة الداخلية من غير ما تعمل Unlock للابواب الباقية...

2-الزراير بتاعة عدادات الرحلات ...آخر اوبشن ليها بيتحكم في شدة اضاءة العدادات...

3- مش عارف حد لاحظ الحكاية دي ولا لا....بس انا حاسس ان زجاج الياريس كلة مش ابيض شفاف 100% يعني زي ما يكون عسلي خفيف او فوتو براون..ودة بيبان بالنهار في ضوء الشمس.

4- في انذار صوتي ...لو حاولت تتحرك بالعربية والهاند بريك مرفوعة ...ودي حركة ظريفة جداا...لاني ساعات كتير بانساها في الاشارات..او مطالع الكباري...

5- في انذار صوتي لو خرجت المفتاح وكنت سايب اي نور مفتوح في العربية....ودي مهمة برضة علشان الحركة دي بتقتل البطارية لو حد نسي نور العربية مفتوح...

تقبلوا تحياتي...