الموضوع: إن شاء الله هستلم السيراتو sx خليجي من سمير ريان... أي نصايح؟؟؟

دى مشاركة ليا انا كنت كتبتها فى موضوع سايق من فترة ممكن تقراها ويمكن تستفاد منها فى شى

بس الجديد بقى انى بعد فترة طويلة طلعت العربية جايه من عمان على حسب الموقع اللى بندخله ونعرف منه مواصفات العربية (مع العلم انه المفروض سعودى )


انا تعاملت مع سمير ريان واشتريت عربيتى من هناك فعلا معرض محترم وتشترى منه وانت مطمن وخصوصا لو كانت خليجى زى عربيتى انا قبل ما اشترى اشترطت عليه انى اشوف العربية الاول وتكون هى دى بتاعتى مش زى دى لالا تكون اللى هشوفها هى اللى هشتريها علشان اتاكد من كل حاجه فيه انا كنت بدور على موصفات معينة ومعنديش استعداد اتنازل عنها .
طيب لاازم تحجز الاول قلتله لا لما تكون العربية موجوده ابقى كلمنى اجى اشوفها وابقى اديلك دفعة الحجز كل ده بعد ما اتفقنا على السعر وبعد مشاورات وفعلا الحاج سمير نزلى الف جنيه من قيمة العربية ( اول مرة اشوفه )
ومشيت على كده

تانى يوم لقيت المندوب اتصل تعالى عربيتك موجوده ولاازم تحجز قلتله نفس الموصفات قلى اه قلتله انا جى

وانا جى فى الطريق لقيته اتصل بيا قلى عربيتك مش موجوده هنا فى المعرض دى موجوده فى م نصر فى المخازن ( انا جى من الهرم ) قلتله خلاص اشوفها هناك وكان اليوم ده اللى المطره كانت مغرقه مصر فيه وسيول من المطر نازله .رحت شفت العربية وسط مئات من العربيات فى المخزن واخد رقم الشاسيه علشان اعمل شهاده تامين عليها علشان اعرف استلم ومشيت قلتله انا جى الصبح ومعايا الفلوس المقدم .

قبل ما انزل من البيت كلمته قلى العربية اللى شفتها امبارح لسه ورقها مجاش وهتتاخر شويه بس فى لون تانى موجود قدامى ..قلته لما المواصفات اللى اتفقنا عليها تكون موجوده ابقى كلمنى سلام ....

على المغرب لقيته اتصل قلى لقينا اللون اللى انت عايزه وعربية واحده وهات الحجز وتعالى قلته موجوده قدامك قلى اه قلتله طيب انا هجيلك بكرة علشان انا عندى شغل دلوقتى ..قلى بكرة مش هضمنهالك تكون موجوده قلتله ..لو ليا خير فيها تاكد ان ربنا هيضمنهالى ... انا مكنش عندى شغل ولا حاجه لانى اخدت اجازة من الاساس بس قلت لاازم اشوف العربية بالنهار لانه هما شككونى فيهم بالموقف اللى حصل منهم .

رحت تانى يوم لقيت العربية اخدت رقم الشاسيه ودفعت عربون حجز الف جنيه وطلعت على شركة التامين وجبت مندوب عاين العربية وجبت البوليصه وخلصت مع البنك ومضيت الشيكات كل ده فى يوم واحد ( تساهيل ربنا ) دفعت المقدم واستلمت العربية اللى شفتها واللى عايزها ومشيت وقلى تانى يوم المندوب هيكلمك علشان تتقبلو فى التراخيص وترخص ...

عشر ايام وانا مستنى المندوب وكل يوم بكرة ...بكرة ...اصلى اجازة ..اصلى الورق راح المرور اصل مندوب المرور اللى انت تابع ليه مرحش المرور الرئيسى علشان يستلم ورق الجمرك ...

اصل اصل اصل كل ده وانا ماشى من غير نمر 10 ايام اخر مرة رحت المعرض ووقفت وسط الشارع بالعربية قدام الحاج سمير رحت نازل واديته مفتاح العربية قلتها لما الورق يخلص ابقو كلمونى سلام ...

فى ايه طيب تعالى مكتبى طيب فهمنى قعدنا وجاب مدير المعرض واداله اللى فين النصيب قدامى وقله الراجل ده يرخص بكرة وفعلا رخصت تانى يوم

انا اسف جدا جدا جدا انى شغلتك بموضوع ميهمكش بس الامانة خلتنى اقلك وارجع تانى واقول انا كان ليا ظروف خاصه العربية خليجى وبموصفات انا مصمم عليها ونزللى الف جنيها عن السعر اللى سالت عليها بره بس لاازم تعرف والناس كمان تعرف ان المعرض بسم الله ماشاء الله ربنا يبركله بيسلم كل يوم لا يقل عن 30 عربية المكان جوه ولا تقول واقف فى كارفور من كتر الناس وده معناه انه معرض محترم وليه سمعته ...

صمم على ميعاد محدد واتفق عليه ولاازم تعرف انه محتجالك اكتر منك والمندوب هو اللى هيجرى علشان يسلمك

والف مبروك وربنا يبارك فيها ويحفظها من العين ....قولو امين