انا في فرع الدقي قالولي مفيهاش ebd
مع ان هنا قالو ان فيها ebd
ايه الصح؟
رقم العضوية : 40985
تاريخ التسجيل : 23May2009
المشاركات : 1,317
النوع : ذكر
الاقامة : 6th October
السيارة: VW Polo 97
السيارة[2]: Fiat Punto Evo 2011
الحالة :
انا كنت بافكر في عربية ثانية (مش اساسية ) للمدام و للمشاوير الصغيرة و كنت حيران بين عربيات كتير هاتشباك و بصراحة قررت اجيب فيات لانها واضح انها عربية ممتازة و بدات تنتشر بعكس عربيات تانية مش موجودة في الشارع خالص و كمان اسعارها معقولة مش زي البولو اللي نازلة ب 130 الف و كمان اسباني...المهم انا ناوي اجيب فيات
و شفت معلومات كتير في المنتدي بس لسه الدنيا مش واضحة عشان في باكيدجز كتير و كمان في كلاسيك و جراند و ايفو يعني الدنيا ملخبطة معايا
انا عايز اعرف الاتي:
-بالنسبة لل ايفو...هي 77 حصان..هل سحبها معقول؟ الجيتز 106...الانوس 86...الفيرنا حوالي 100 برده...بصيت علي كذا عربية و حاسس ان 77 قليل شوية...طبعا اكيد الموضوع مرتبط بالعزم و وزن العربية...و علي فكرة انا مش بتاع شد ولا حاجة... و كان معايا لانوس 99 و كيا ريو 2001 و سبيرانزا 2007 و بصراحة كله شغال مش وحش و طبعا التكيف بيخنق العربية حاجة بسيطة...بس لما تبقي 77 التكيف هايكتم العربية جامد ولا ايه...انا ساكن في اكتوبر و سكتي دايما دائري و محور يعني مش كل استخدامي جوه البلد ايه نظامها علي الطرق السريعة و التكيف شغال
- طبعا انا هاجيب ايفو 2011 لان واضح ان الجراند خلاص اخرها 2010..هل فعلا الايفو نازلة من غير ebd او انظمة الثبات و منع الانحراف اللي بتنزل في كل الاوروبي؟ و هل الجراند كان فيها ebd وشالوه في الايفو
-لو هاجيب ايفو هاجيب اعلي فئة اوتوماتيك باكيدج 2 ب 105 الف....البرافو اقل فئة ب 130 الف....هل تستاهل ازود و اجيبها؟ بس البرافو مش منتشرة زي الجراند و انا باخاف من العربية اللي مش منتشرة
ممكن حد يقولي مقارنة بين اعلي حاجة في الايفو و اقل فئة برافو...
-في شكاوي من اوماترا الي واخدة توكيل فيات...انا توكيل سبيرانزا باروح الصيانة 8 الصبح و باخلص 4 او 5 يعني متعود علي قرف التوكيل بس بصراحة قطع الغيار موجودة...و علي فكرة اسعار قطع غيار الصيني مش رخيصة قوي زي ما الناس فاكرة...يعني لو علي قد التاخير و غلو الاسعار هاستحمل...لكن ماروحش اجيب قطعة غيار يقوللي مافيش!!
احسن حاجة ان في شباب كتير هنا معاهم فيات و اكيد هيفيدوني...عايز اعرف كل صغيرة و كبيرة عن العربية دي عشان ان شاء الله اجيبها علي شهر 9
رقم العضوية : 69484
تاريخ التسجيل : 02May2010
المشاركات : 729
النوع : ذكر
الاقامة : cairo
السيارة: ....
السيارة[2]: Punto EVO PKG2 Auto
دراجة بخارية: ................
الحالة :
انا في فرع الدقي قالولي مفيهاش ebd
مع ان هنا قالو ان فيها ebd
ايه الصح؟
رقم العضوية : 40985
تاريخ التسجيل : 23May2009
المشاركات : 1,317
النوع : ذكر
الاقامة : 6th October
السيارة: VW Polo 97
السيارة[2]: Fiat Punto Evo 2011
الحالة :
مادام في ناس بتقول فيها و ناس بتقول مافيهاش يبقي مافيهاش...واضح ان في ناس لسه مش عارفة انه اتشال و بتقيسها علي الجراند عشان كده بيقولوا ان فيها ebd
رقم العضوية : 44416
تاريخ التسجيل : 03Aug2009
المشاركات : 1,678
النوع : ذكر
الاقامة : Maadi
السيارة: Nissan Tida Hatch 2012
السيارة[2]: Fiat Punto 2003
دراجة بخارية: لا يوجد
الحالة :
بص مطور ال evo هو ال جراند ومفيش حد هنا اشتكى منه بالعكس فيه ناس شكرت فيه زي العضو hema قال إنه أحسن من النيو اكسنت الي كنت معاه وده لو ده ال على حاجة هيدل إن حتى لو هو اقل فـال راجل محسش ب فارق ومعروف عن مواتير الهويندي إنها بتعت جري فـده يدل إن المطوور مش ميت وأكيد مش وواوو برده بس أنا قصدي إنه مرضي جدا وبتهيألي التكييف فـفيات عموما مش بيبقى مقصر جدا أنا كان معايا بونتو 2003 مكنتش بأحس بالتأثير زي عربيات تانية بس ده هيفيدك فيها أكتر اللي مجرب فعلا علشان أنا بقول على حاجة مختلفة بالنسبة للمقارنة مابين البرافو وال evo aw el grand فـبتهيألي هتبقى صعبة علشان فيه فرق فئة وده هيخلي البرافو تكسب علشان مطور اعلى شكل مختلف ممكن يعجبك أكتر بس قطع غيار اغلاه فـكل حاجة ليها ميزة فاهم قصدي
رقم العضوية : 72139
تاريخ التسجيل : 02Jun2010
المشاركات : 1,178
النوع : ذكر
الاقامة : cairo
السيارة: ToYoTa CoRoLLa ..97
السيارة[2]: FIAT Tempra ..Regata
دراجة بخارية: لا يوجد
الحالة :
بص انت بتقول فكرت فى الفيرنا عشان 100 حصان ولانوس عشان 86 حصان و الجيتز ال 106 حصان
بص انا مش هقولك ديه ايطالى وده كورى وشركه بقالها 100 سنه ومش عارف ايه
اولا حضرتك مش بتاع جرى او المدام اكيد مش بتاعه جرى هتحتاج 106 حصان فى ايه انت مش داخل سباق
ثانيا لو انت بتاع جرى مثلا ماتور الجراند او الايفو مثلا السرعه القصوى بتاعته 170 و مثلا الفيرنا السرعه القصوه 180 ديه لو متقلبتش الايفو تقدر تمشى على 170 اكبر فتره ومثلا هيقعد معاك 10 سنين مثلا مثلا ركز فى مثلا لو انت بتاع جرى و لعب كتير الفيات معروفه ماوترها بتقعد اكبر فتره ممكنه فى الفيرنا بقى او الانوس مش هيكمل 4 سنين فرق فى تصميم الماتور وكمان فيات فى ايطاليه عندهم زحمه زى مصر وبيجولو يوفرو كل لتر بنزين يا راجل دا انت لما تقف العربيه تفصل ولما تدوس بنزين تدور لوحدها تانى فى توفير بنزين اقل من كده و كمان ثبات وامان 5 نجوم
واحلا شغل اللنوس الجديده بصراحه ومن غير زعل مدفعش فيها 3 جنيه ابيض خشنه وبتكركر وبسمع صوت نقله الفتيس وانا فى عربيتى حاجه ارف تخليك تكرها الجيتز مفيش اختلاف كبير بينها وبين الفيرنا تقريبا واحد و الجيتز ماتورها فيرنا ياعنى الهاتش باك بتاعتها تقريبا ومعتقدش الالتكييف هيأثر على السحب وهتلاقى فى موضوعات عن الجراند بونتو الناس مشتكتش من التكييف ولا التقفيل ولا عزل
[marq="3;right;3;scroll"]فياتاوى و اعتز ... زملكاوى و افتخر والى مش عاجبه ينتحر[/marq]
رقم العضوية : 4434
تاريخ التسجيل : 18Jan2008
المشاركات : 6,965
النوع : ذكر
الاقامة : Cairo
السيارة: Volvo 144
السيارة[2]: Opel Corsa 1.6
دراجة بخارية: ..
الحالة :
رقم العضوية : 40985
تاريخ التسجيل : 23May2009
المشاركات : 1,317
النوع : ذكر
الاقامة : 6th October
السيارة: VW Polo 97
السيارة[2]: Fiat Punto Evo 2011
الحالة :
انت فهمت غلط...انا مافكرتش في الفيرنا ولا الانوس و لا اي كوري...انا بعد الصيني 3 سنين لا عايز كوري ولا حتي ياباني..اوروبي و بس....انا بس حبيت اشوف المواتير الموجودة في السوق كام حصان و لقيت ان معظم العربيات المنتشرة اعلي من 77 حصان...و زي ماقلت الحصان مش هو المقياس الوحيد و انا عارف ان الهيونداي بتحط مواتير كبيرة في عربيات ورق و النتيجة تسارع عالي و زيرو أمان...انا بس حبيت اقول ان لما كنت باركب اللانوس موديل 99 ال 86 حصان ماكنتش زعلان و سحبها شغال مش وحش...لو البونتو 77 حصان و ووزن اخف يبقي كويس..انا بس عايز حد عنده بونتو ياكدلي الكلام ده و ياريت يكون جرب معاها لانوس او كيا ريو او سبيرانزا عشان يقولي هل في فرق ...يعني يقربلي الصورة و يقارنهالي بعربية اكون انا عارفها و ركبتها...يعني لما تقارنلي سحب البونتو بالانوس سواء اقل او احسن...هاقدر اتخيل...لكن لما تقولي سحب البونتو كويس...الصورة مش هاتبقي واضحة...كويس بالنسبة لايه؟
رقم العضوية : 44416
تاريخ التسجيل : 03Aug2009
المشاركات : 1,678
النوع : ذكر
الاقامة : Maadi
السيارة: Nissan Tida Hatch 2012
السيارة[2]: Fiat Punto 2003
دراجة بخارية: لا يوجد
الحالة :
http://www.nilemotors.net/Nile/146053-2010.html شوف تقرير العضو hema هو كان معا نيو اكسنت وجاب جارند بونتو
رقم العضوية : 33656
تاريخ التسجيل : 22Feb2009
المشاركات : 20,472
النوع : ذكر
الاقامة : مصر الجديدة
السيارة: Fiat 128
السيارة[2]: Fiat Linea
دراجة بخارية: no
الحالة :
تسارع الإيفو زي تسارع اللانوس تقريبا الجراند ثبات أعلى بمراحل
الفرق بين الإيفو والبرافو كماليات لصالح الإيفو ومتور لصالح البرافو وقوه فرامل لصالح البرافو
الشكل الإتنين شبه بعض
وسع البرافو
الراحة في الكنبه الي ورا الإيفو
أي سؤال أنا تحت أمرك
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
إزاى الإيفو تنزل من غير ebd !!!!
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
المفضلات