تظبيط ال 127 من الالف اللى الياء وارجوا المساعده

**disha_2020** · 02-06-2010 09:05 AM

بسم الله الرحمن الرحيم
اولا انا الموضوع ده يا جماعه عاوز من كل واحد يعرف حاجه ميبخلش عليه بجد انا عارف اننا هنا اسرة واحده.
انا دلوقتى ان شاء الله هشترى عربيه 127 توب او ايطالى بس هشتريها فاضيه من غير موتور و عاوزة شغل هشترى ان شاء الله موتور 1300 اسمع ان ال 127 ليها موتور 1300 عاوز اولا اعرف سعره تانى حاجه عاوز لكل من ليه خبرة يقولى نصايح فى الموضوع ده علشان انا ده اول مرة اعمل كده ومش عازو حد يضحك عليه وعاوز اعرف كده ايه اللى ممكن اصرف وايه مجمل اسعارى حوالى بغض النظر عن سعر العربيه علشان انا لسه مش عارف هيا سعرها كام عاوز اعرف كل حاجه اخلى بالى منها و اكون عامل حسابى على رنج كام وايه احسن مكان اشترى منه الموتور واكيد هحتاج اظبط عفشه واكيد هحتاج ارشها عند واحد محترم و عاوز انضف حاجه فى الدوكو علشان ده من اهم حاجه بحبها ان العربيه تكون مصروف على البويه بتاعتها وكل ده عاوز كل ده احطه فى اعتبارى انا عارف انى هطول على عليكم معلش بس الموضوع ده اكيد هيفيد ناس كتير مش انا بس.
و لو ايه نظام لو جيبت مثلا عربيه من طنطا و عاوز احول رخصتها الى الاسكندريه.
....ادعولى ربنا يوفقنى....

**disha_2020** · 03-06-2010 08:32 PM

21 واحد دخل ومحدش كتب اى حاجه بجد الف شكر

**memononos** · 03-06-2010 09:20 PM

هقولك على اسعار تقريبيه موتور لانشيا 1300 بالفتيس بالتركيب بالمصنعيات زيوت سيور..... بالحاجه كلها حوالى 3200 تقريبا
سمكره ودوكو ودهان اعمل حسابك فى حوالى من 1500 جنيه
عفشه مساعدين وسوست حوالى 1500 جنيه لو هتجيب حاجه محترمه زى المونرو
كبالن صينى حوالى 160 بالتركيب

**disha_2020** · 03-06-2010 09:27 PM

هوا الموتور غالى ليه كده؟ طيب انا لو عاوز الموتور بتاع 127 التوب ال 1300 ده فى حدود كام وبعدين انا سمعت ان موتور الريتمو ال 1500 بيبقى جامد جدا على 127 ايه رايك فيه وهل هجتاج تقويه ولا لا؟

**rotanamasoud** · 04-06-2010 01:25 AM

يا باشا انا وقعت نفس وقعتك وبعت بعد ما صرفت15 غير سعرها ال9 يعنى24 وفى الاخر اكتشفت ان العربيه السليمه والبيتى حاجه تانيه خالص وبعت ب13 وربنا عوض عليا بعربيه حلوه برضه127 بس سليمه (متنساش الن التوب بابين وده مش حتحس بيه غير لما والدتك واختك تركب معاك حتحس انك موصلتش للتوكتو ك)
خلاصه الكلام عربيه سليمه بيتى وتكو4 ابواب افضل من كل القصه دى

**misoalex** · 04-06-2010 04:07 AM

اول مره اسمع ان ال127 فيه منها موتور 1300
ال 127 معروف اكبر موتور ليها 1050 وده اكبر موتور نزلت بيه
اكبر من كده يبقى حتسقط موتور الاونو

**memononos** · 04-06-2010 09:45 AM

المشاركة الأصلية كتبت بواسطة rotanamasoud

يا باشا انا وقعت نفس وقعتك وبعت بعد ما صرفت15 غير سعرها ال9 يعنى24 وفى الاخر اكتشفت ان العربيه السليمه والبيتى حاجه تانيه خالص وبعت ب13 وربنا عوض عليا بعربيه حلوه برضه127 بس سليمه (متنساش الن التوب بابين وده مش حتحس بيه غير لما والدتك واختك تركب معاك حتحس انك موصلتش للتوكتو ك)
خلاصه الكلام عربيه سليمه بيتى وتكو4 ابواب افضل من كل القصه دى

فعلا يا باشا عندك حق العربيه الكوبيه او البابين دى مؤرفه جدا لو هتركب معاك حد كبير هى منظر مش اكتر..انا مش عارف معظم الشباب بيحبوها ليه
:b4_237:

**disha_2020** · 04-06-2010 11:56 AM

على فكرة حضرتك فى موتو 1300 ل 127 نزلت بيه وده بيكون 75 حصان بس هوا مش مشهور اوى على فكرة

**MedoTune** · 04-06-2010 02:00 PM

لا وجود للتجار بين اعضاء المنتدى الا بصفة رسمية
ادارة المنتدى

**magyver** · 04-06-2010 05:27 PM

المشاركة الأصلية كتبت بواسطة memononos

..انا مش عارف معظم الشباب بيحبوها ليه
:b4_237:

علشان عربية رخصية
وبتتظبط باقل الاسعاار
ودة اكيد بتكون عربية اضافية في البيت مش عربية رئيسية
صاحبي معاة سويفت كابورلية اتنين بيب بيعاني برضو من المشكلة دة لما نكون كتير

بالنسبة للمكنة لو عايز شد وجري شوف اللانشيا ال 1300