انا حبيع عربيتى... حد يشترى؟؟

**mmd3** · 23-06-2010 12:56 AM

شوفت يا بشمهندس الموضوع في فترة قصيرة اثار ضجة قد اية لمجرد انك قولت بفكر اشتري BMW وابيع الدايو

انا معاك ان الbm حاجة تانية خالص بس شكللك هتعمل زي لما اشتريت زمان 128 وكانت حالتها وحشة وفضلت معاها ايام وليالي و هديتها وبنيتها من اول وجديد وغيرت فيها كل حاجة وعملت كل حاجة فيها علي مزاجي و بدماغي وبراحتي ... لغاية لما خليتها عروسة

وفي الاخر بيعتها بعد سنتين ولغاية دلوقتي مش عارف اعمل ولا عربية زيها وكأن احلي حاجة مش هتتعوض تاني

بقي بعد لما عملت اللانوس علي مزاجك ووضبت فيها براحتك وبنيتها زي ما انت عايز ... تقوم تبيعها
الBM دي مشكلتها انها قليل لما تلاقيها وعشان كدة سعرها مش متوازن في السوق

انا لما غيرت من فيات الي بيجو حسيت اني ركبت طيارة ... لكن امام الاحساس الجميل دة لقيت اني بدفع ضعف استهلاك البنزين ولقيت قطع الغيار غالية ونادرة وكفاية اني مكنتش عارف اعمل العربية علي مزاجى
ولغاية دلوقتي مش عاوز اغير صورة ال128 مع اني اشتريت عليها عربيتين لاني مش عارف اعمل زيها تاني

في النهاية عاوز اقوللك احسبها كويس لانك كل لما هتعلي بالعربية هتعلي معاك حاجات تانية

ربنا يوفقك الي مافية الخير

**engahmedsamy** · 23-06-2010 01:05 AM

اللي بيشتري مش بئدر التعديلات لكن لو حد من المنتدي هياخودها باي سعر عشان محمد ممدوح

**محمد محمد** · 23-06-2010 01:08 AM

طب ما تبدل مع والدك وبيع عربيته وهات البي ام علشان تفضل محتفظ بعربينك المعدلة.

**ragel_mo7trm** · 23-06-2010 01:54 AM

ربنا يحسن بيعها
بس عاوزين نعرف حضرتك بتبيع بكام بعد تقييم السوق

**silver_som3a** · 23-06-2010 04:17 AM

في حل تاني..حضرتك ممكن تعرض الحجات كلها اللي عايز تشيلها للبيع.. حد ياخدها يحطها في عربيته..و تدور علي بيعه للعربيه لوحدها لأن اعتقد صعب تلاقي تمن عادل لتمن العربيه بالتعديلات كلها لأن الناس مش بتقدر فعلا و اللي حيشتريها حيقارنها بلانوس موديلها و خلاص..و ربنا يوفق حضرتك

و يا ريت تقولنا الحجات ديه ينفع تتفك و تركب عند حد تاني بنفس الكفأه ولا في اجزاء مش حتنفع..ولو كده حضرتك تقيم التعديلات ديه بكام لو حتبيعها.......
حاجه تانيه انا شايف اقتراح التبديل مع والدك ده جامد جدا عشان متحسش انك تعبت في العربيه وبعدين سبتها..بس اظن كده فرق الفلوس مش حيبقي متوفر بسهوله,,

**MMamdouh** · 23-06-2010 12:37 PM

المشاركة الأصلية كتبت بواسطة احمد المصرى

وابسط حاجه العربيه عايزاها هو البنزين وانت بتمون اسبوعيا بس 50 جنيه مثلا لو هتركب البى ام يبق انت عايز 100 جنيه اسبوعيا مثلا يعنى فرق البنزين بس 200 جنيه شهريا

معتقدش البنزين حيبقى بالفرق الكبير دة... العربية 1600 فقط

MMamdouh

**MMamdouh** · 23-06-2010 12:38 PM

المشاركة الأصلية كتبت بواسطة ahmedtefagad

الفكرة ان الناس مش عايزاك تسيب المنتدى يا محمد لانك فعلا انتا واحد من الناس الى حببتهم فيها ومنهم انا ومن الناس الى بيتاخد برائيك من غير تفكير.....فدة الى مصعب الموضوع علينا ..

يا رجالة مين قال انى حسيب المنتدى لو بعت العربية؟؟

MMamdouh

**MMamdouh** · 23-06-2010 12:39 PM

المشاركة الأصلية كتبت بواسطة karim_monir

بالتوفيق في التبديل ان شاء الله يا محمد
البي ام ركوبه تانية خالص حتى لة موديل اقدم وانت اكترنا فهما و
الناس دي سابقة عصرها بكتير
وطبعا مش هاوصيك انك تكون عارف تاريخ العربية لانها من العربيات اللي بتتفحت تحت رجلين الشباب بسهولة زيها زي الجولف
اختيار موفق
وبالتوفيق ان شاء الله لو فيه الخير ليك ولاهلك

انتم السابقون ونحن اللاحقون ان شاء الله بس بعد شوية

ربنا يخلليك يا كيمو... انا المشكلة اللى بفكر فيها دلوقتى هى قصة الباب الواحد و الهاتش باك... طبعا انت family man زى حالاتى و عارف مساوىء الهاتش باك و الباب الواحد ايه مع واحد صاحب عيلة

MMamdouh

**MMamdouh** · 23-06-2010 12:39 PM

المشاركة الأصلية كتبت بواسطة عصام غنايم

هو ليه الكل متخيل ان لما ربنا يوفق محمد وينقل النقله دى انه هيسيب المنتدى او حتى قسم الدايو ؟

محمد معانا بعربيه او بغير

بدايو او حتى ببوجاتى

والحب والعشره هى اللى بتجمع اعضاء القسم مش العربيه اللى راكبينها

ولا انتوا ايه رأيكم ؟

+99999

’’شةيخعا

**MMamdouh** · 23-06-2010 12:41 PM

المشاركة الأصلية كتبت بواسطة ENG\AHMED

عندى اللانوس 2001 هاف زى عندك , العربية دى وش موتورها نفس اللانوس 1
سؤالى بقى عن مكان فيشة الاوكتان علشان قلبت عليها الدنيا مش لاقيها
تحت الكرسى الشمال زى باقى اللانوس 2 مفيش غير سلك حزام الامان ومش لاقى اى حاجة تانية
وتحت الكرسى اليمين زى اللانوس 1 فى مكان الكمبيوتر فى الموكيت ( مكان بارز لفوق) وفاضى مفهوش حاجة وبرضة مش لاقى الفيشة

الفيشة موجودة تحت الكرسى اللى جنب السواق بس مش جوة العلبة البلاستيك اللى تحت الكرسى... هى برة العلبة... الافضل تفك فبرة العتب و ترفع الموكيت و تمد ايدك تلقطها من تحت الموكيت

MMamdouh

الموضوع: انا حبيع عربيتى... حد يشترى؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

حبيع الاليجانس!!!! :(

سفرى اتاجل ومش حبيع

اخوانى الهونداويه انا حبيع موتورى

باي باي inazuma حبيع البيك

الى عاوز يشترى بروتون يشترى بسرعه قبل اخر اكتوبر

الكلمات الدلالية لهذا الموضوع

المفضلات

المفضلات

ضوابط المشاركة