اسبوع من الجحيم..الدنيا حر موت

**Lion_Heart** · 20-06-2010 08:36 PM

ربنا يلطف بينا دنيا و آخرة

**heshamzaky** · 20-06-2010 08:42 PM

يا جماعة انا وانا راجع من الغل مشيت الساعة 5 من التحرير و لعاية ما وصلت مدينة نصر شفت ما لا يقل عن 20 عربية واقفين وفاتحين الكبوت و كلة عمال يحط مية عايز اقول نصيحة لو العربية مركونة وجيت تمشى ممكن تدلق جركن مية على الرادياتير من برة كدة تبردة شوية انا حاسس انى لو طلعت المية من الرادياتير قبل العربية ما تدور ممكن تسلق فيها بيض من الحرارة ربنا يستر من ضربات الشمس

**M.Osman** · 20-06-2010 08:43 PM

Willkommen bei Facebook

الأرصاد تنصح بعدم التواجد بالشارع من 1 لـ 4 عصر الاثنين

**nabaster** · 20-06-2010 08:44 PM

انا بقي شوفت يوم موووووووووووووووووووووووو وووووووووووووت

وحسيت مخي بيسيح جوه دماغي

انهارده كنت علي السطح بتاعة البرج كانت الماسوره بتاعة الخزان بتتصلح

والحج من مجلس ادارة البرج

فانا واقف مكانه :(

(مع اننا دور تالت يعني ملناش دعوه بالخزان اساسا)

عارفين اسلاك النت والدش الي فوق السطوح؟؟

سلك النت كنت بمسكه عامل اكني ماسك حتت لبان

وادوس عليه دوسه بسيطه الكفر يتفتح وتبان الاسلاك من جوه

ده غير مية الخزان لما كنت بفتح اي محبس الاقيه قدامي والله ميه بتغللللللللللللللي

مينفعش تحت ايديك تحتيها

والله حمدت ربنا اني مش بشرب من الخزان ده (بالذات بعد الي شوفته جواه)

وكله كوم ولما كنت بتمشي فوق ده كوم تاني والله كنت بحس ان الجزمه بتلزق من الحراره

لما نزلت حمدت ربنا اني وصلت بيتنا بالسلامه :)

A.Yakout

**الغزالى** · 20-06-2010 09:06 PM

المشاركة الأصلية كتبت بواسطة أم حمـــاس

النهاردة يوم فعلا مش هيتكرر كل شوية تحصل حاجة تقوللي روحي البيت وكبري الدي وروقي الجي....

من كتر الصهد اللي كننا فيه والزحمة اللي كانت الصبح فلشارع وكأننا أول يوم مدارس مثلا...قلت اهرب من ش الهرم وقرف النفق ودخلت ملعمرانية وخاتم المرسلين وقلت اطلع من قدام ش المحطة... وفالاخر الاقي طريق القطر مقفووووووووووووووووول وارجع الشارع كله بضهري... واطلع فوق الرصيف واخبط العربية واتأخر علي شغلي

بجد يوم مش هيتكرر

ونا هناك ملقتش مكان اركن فيه غير فحتة شمس وجيت قبل العصر كدا لقيت واحد ابن حلال زاققها في الضل قلت ياسلاااااااااااااااااااام ...

ركبت وفخلال خمس دقايق لقيت مؤشر الحرارة ضارب فلسما

بجد كنت بقف كل خمس دقايق بظبط عشان العربية متسخنش

وش الهرم كان بانوراما ونا مروحة كل الناس ماسكة ازايز وبتزود العربيات مية والباقي ماسك ازايز وبيدلق علي وشه... ومحلات العصاير واقف عليها طوابير طوابيررررررررررررر

يارب ارحمنا برحمتك يارب.. وهون علينا الحر واعتقنا من حر جهنم آمين يارب العالمين

بس شوفتى اصيلة ازاى كلة بيزود ومية وعلطان ودى اصيلة معاكى

**الغزالى** · 20-06-2010 09:09 PM

طيب اية الحل يا جماعة انا عندى امتحان بالظبط فى الوقت الى ممنوع الناس تمشى فى الشارع اعمل اية
-----------
جورج وباقى الرجالة الى حصلهم كوارث ربنا يكون فى عونكم