بعد تغيير طقم بلى امامى

**elshinzawy** · 20-06-2010 04:29 AM

كان فى عندى صوت فى العجل الامامى مع المشى خصوصا مع السرعه وروحت لاقيت المشكله فى البلى وغيرت بلى امامى وربط عافشه وظبط زوايا وكله تمام المهم بعد شويه لاقيت صوت تخبيط فى العجله الاماميه اليمين المهم قلقت رفعت العربيه وبصيت لاقيت حاجه حديد كده ورا الكوبلان روحت لبتاع العافشه قاللى ده تقل شيله ملوش لازمه فى النوبيرا مصدقتش كلامه ومشيت بالعربيه شويه الصوت زاد قوى وبقى مش محتمل المهم روحت لواحد تانى قاللى نفس الكلام وشيلت التقل ده خالص المهم العربيه بقت كويسه بس المشكله انه طلع معايا نجرب قاللى فى بوش خفيف فى الدريكسيون ولما وصلنا بص على الصليبه وقاللى عاوزه تتغير صليبه الدريكسيون ياريت اعرف سعرها كام وازاى اعرف ان ده فعلا عيب صليبه مش اسكترا مثلا وفى مشكله تانيه فى سخونه جامده قوى من الكبوت لدرجه انى وانا حتى مشغل التكييف بحس بسخونه مع ان مؤشر الحراره فى وضعه الطبيعى تحت النصف وكنت عاوز اغير سير كاتينه احتياطى اجيب ايه وبكام ولو فيه اى صيانه اخرى اعملها العربيه بقالها معايا 3 شهور وعملت 3 الف كيلو وغيرت زيت مره وحغير بكره طولت عليكم قوى بس ياريت تفيدونى

**khalid9411** · 20-06-2010 08:43 AM

ننتظر رائ خبارئنا فى موضوع بوش الدركسيون والصليبة
مدام العربيه اديلها 3 شهور تقريبا زى ما حضرتك ذكرت
لابد من تغيير جميع السيور +فلاتر + زيوت
مع التشيك على جميع اجزاء العربية من فرامل ودبرياج وكاوتش
وربنا يديك خيرها ويكفيك شرها يا رب

**elshinzawy** · 20-06-2010 02:05 PM

متشكر جدا على مرورك بس قبل ما استلمها باسبوع كان صاحبها عامل كل اللى حضرتك قولت عليه وادانى ورقه من التوكيل تفيد بكده وان شاء الله حكشف عليها بالاسكانر