العبره بال كيلو متر ولا حاله السياره والحفاظ عليها

**elshinzawy** · 20-06-2010 04:43 AM

ياجماعه انا لاحظت كتير الناس اهم حاجه عندها العربيه عامله كام الف كيلو بس انا شايف ان ده مش مقياس انا قبل ما اشترى عربيتى شوفت عربيات كتير وكان فى حاجات عامله 20 الف و 30 الف ومعجبتنيش لان حالتها كانت مش كويسه والحمد لله ربنا وفقنى فى عربيه محترمه وكل الناس شكرولى فيها وكفايه ان صيانتها فى التوكيل دايما وانا شاريها عامله 220 الف كيلو بس بصراحه نضافه العربيه مخلتنيش ابص على عدادها
ليه بتاخدو الكيلو مقياس انا ظروف شغلى بتخلينى امشى 40 كيلو فى اليوم يعنى 1200 كيلو على الاقل فى الشهر بس الحمد لله مش بستنى على حاجه فى العربيه اى مشكله بعالجها فورا وبقطع اصليه ياريت اعرف رايكم فى الكلام لانى بجد بتعجب من المقياس ده

**amrelsaqqa** · 20-06-2010 04:54 AM

صح كدة 100 100

**ahmedfouad** · 20-06-2010 05:24 AM

+11111111111

**احمد المصرى** · 20-06-2010 07:50 AM

الكيلو متر وحاله العربيه الاتنين لازم الاهتمام بيهم

اخى الكريم تخيل لو فى انسان عنده 20 سنه وبياكل اكل صحى جداااااااااااااا وحياته تمام ووصل سن 50 سنه مثلا هل هيكون بنفس القوه بتاعت زمان مع انه مهتم بنفسه جداااااااااااااااااا وبياكل وبيشرب اكل صحى اكيد كل ما العمرو ما بيتقدم اكيد ما قوته هتقل ودى سنه الحياه

بالظبط العربيه كل ما العداد بيكبر كل ما العربيه بتقل فى االكفائه مهما كان صاحبها بيعمل حتى لو حطلها احسن حاجه

مش مهنا كدا ان العربيات ال شفتها ال عامله 20 الفغ دى كويسه ما احتمال يكون اصاحبها شايلين الفيشه بتاعت عداد السرعه وهيا فى الحقيقه عامله 300 الف مثلا النصابين كتير

اخيرا ..... ربنا يباركلك فيها ويكفيك شرها

**mahdyez** · 20-06-2010 10:25 AM

الف مبروك ممكن تفاصيل اكثر .....واشتريتها بكام

**elshinzawy** · 20-06-2010 02:02 PM

متشكر جدا ليكم وكلامك مظضوط يا اخ احمد وزى ماقولت ممكن 20 الف دى يكون ملعوب فى العداد او تكون متبهدله فى العشرين دول وصور عربيتى فى البوم الصور ممكن تشوفوها
http://http://www.nilemotors.net/Nile/158649-a.html
وانا اخدتها ب 52000 بطقم زينون وارد الامارات المانى