استفسار عن قطع غيار الافينسيس

**alaa_dash** · 20-06-2010 01:48 PM

السلام عليكم :)..
كان اخويا اخد سيارة افنسيس 2008 للتوكيل ... و المهندس هناك قاله ان في بعض الاجزاء محتاجة للتغيير .. و هي كالتالي :
تيل امامي ب 600
فلتر تكييف 270
طنابير خلفية 1700
و كمان طقم دبرياج بس ما قالش سعر لانه هيتغير في الضمان ...
انا استفساري هو عن سعر هذه الاجزاء هل هي مناسبة ؟
و هل ممكن يلاقيها برة بسعر اقل و نفس النوع ؟و ياترى يلاقيها فين ؟
..........................................
في حاجة تانية ..هما في الاول اللي اتقال انه اللي هيتغير بس التيل و فلتر التكييف
و طقم الدبرياج والتيل و الفلتر هيندفع تمنهم و الدبرياج هيتغير في الضمان ..
و النهاردة حد كلموا تاني و قالوا ان التيل كمان هيتغير في الضمان بس الطنابير محتاجة تتغير و هتتكلف 1700 ؟! هوه كده عادي و ايه اللي بيحدد ايه اللي يتغير
في الضمان و ايه يندفع تمنه ! و ازاي تكون حاجة هيندفع تمنها امبارح و النهاردة الكلام يتغير ؟
انا مليش خبرة نهائي في المواضيع ديه فعذرا لو ما كانش فيه حاجة واضحة في كلامي ..
و شكرا جزيلا .... :) ..

**أبو عبدالله** · 20-06-2010 02:42 PM

لو القطعة اللي هتتغير بسبب عيب فيه صناعتها او خامتها يعني حاجه ملكش دعوة بها انت
يعني مش عيب سواقة
يبقى تبع الضمان
لو عيب سواقة او سوء استخدام او اهلاك طبيعي للشئ او هتتغير بسبب انها متعلقة بحاجه هتتغير على الضمان يبقى عليك

بس المفروض ان الطنابير عليهم لأنها مش عيب منك
انت ممكن يكون التيل اللي هو عليك لأن التيل اهلاك طبيعي
وهما بيحتاجوا يغيروه لما يغيروا الطنابير علشان لو فيه حاجه منه ميبوظشي الطنابير الجديده اللي لسه راكبه

**محمد محمد** · 20-06-2010 02:48 PM

اهلا يا استاذ علاء....
المفروض بيحصل العكس الطنابير في الضمان والتيل علي حساب العميل.

**alaa_dash** · 20-06-2010 03:29 PM

انا شاكر ليكم اهتمامكم جدا ...و جزاكما الله خيرا يا ابو عبد الله و ابو الوليد المصري :)
انا فيه حاجة فاتتني ما دام السيارة لازالت في الضمان يبقى مفيش حاجة اسمها تجيب قطع غيار من برة صح ؟! ...
طيب دلوقتي هل ممكن يصر انه ياخد الحاجات القديمة ..عشان يتأكد على الاقل انه
فيه حاجة اتغيرت ...ولا مفيش لعب في الحاجات ديه و ده توكيل يعني مضمون ؟!!
هيه حاليا في توكيل العباسية ؟؟

**أبو عبدالله** · 20-06-2010 05:19 PM

لا القطع اللي بتتغير في الضمان مش بتاخدها
لنها بترجع للشركة الأم
فمينفعشي يديهالك
وان شاء الله اكيد بيغيروها متقلقشي

**alaa_dash** · 21-06-2010 01:41 PM

تم ضم الطنابير خلفية و امامية الى الضمان بجانب طقم الدبرياج ...
و تغيير التيلين الامامي و الخلفي بسعر 600 للاول و 550 للأخير و فلتر ب 270
بإجمالي 1500 ...
شكرا على المساعدة :)) ...