نجاح السيارات الكوريه واكتساح السوق المصرى من خلال الاعلانات

**momopersona** · 21-06-2010 01:00 PM

اكبر دليل على كلامك الرينو لوجان
قبل الاعلانات ماشوفنهاش
بعد مامشيت عالحيط وعامت كسرت الدنيا

للاسف الشعب المصرى لا ينظر للجوده او لخدمات بعد البيع مثلما ينظر للامكانيات والسعر
وهو نفس سبب انتشار السيارات الصينى ايضا
اسعار وكماليات + اعلانات = مبيعات
انما جوده وخدمات وخامات صناعه = فشل فى مصر

ولكن ايضا بعض السيارات الكوريه تستحق الانتشار ولكن صعب مقارنة الجوده باليابانى والاوربى
ولكن كسعر مقابل قيمه سيارات جيده

**amrseba** · 21-06-2010 01:35 PM

تعرف اصلا ان الرينو لوجان رومانى مش فرنساوى فرنسا مش حطا ايديها فيها اسمها داتشا لوجان بس تبع شركه رينو فا لما نزلت فى مصر بأسم رينو الناس اشتارتها امال لو نزلت بأسم داتشا مكنش حد قلاب منها ياعنى العربيه الجاك و الم11 احسن منها

وكمان متقرنش البروتون مع اللوجان البروتون اسايات ميتسوبيشى ولوتس واحلى شغل عربيه بسم الله مشاء الله

واهيه عربيه داتشا نزلت فى التسعينات ومحدش اشترها غير الجيش وكام تاكسى كده

توقيعك جاااااااااااااااااااااامد

**د.محمود صلاح** · 21-06-2010 07:46 PM

دوام الحال من المحال .. الشركات الحديثة صاعدة بقوة والإتجاه العالمي للسيارات الرخيصة الصغيرة

**Ahmed Samy** · 21-06-2010 08:42 PM

ايه المشكلة !!!!

مش احسن من الأوروبي ومش أحسن من الياباني

بس بتبيع ومافيش سلعة وحشة بتفضل تبيع عشر سنين

ولا في سلعة وحشة مبيعاتها بتزيد و نقول ان العيب في المستهلكين

في السوق الرغبة العامة هي الرغبة المناسبة

و ارجع اقولك الكوري مش احسن من الأوروبي ابدا

**wael3m** · 23-06-2010 08:07 PM

بصوا يا جماعة في قاعدة اقتصادية بتقول
لولا اختلاف الاذواق لبارت السلع

وكمان حاجة كنا بدرسها في الكلية بتقول الاعلان 90 % من بيع السلعه
لما ألاقي توكيل بيعمل إعلانات للعربية وبيهتم بيها قوي أكيد هاروحله واشتري منه

يعني علشان احنا شعب امكانياته محدوده فبنختار على اساسها
ولو واحد عنده فلوس إنه يجيب بي ام أو مرسيدس هيجيب بدون تردد

**Samir Elshahawy** · 24-06-2010 12:24 AM

سيدي الفاضل كاتب هذا الموضوع ....

أحييك بشدة علي جرأتك في تناول هذا الموضوع و أضم صوتي لصوتك بأن الاعلانات و الدعاية أصبحت هي المحرك الرئيسي للعقول التي لاتريد ان تفكر

طبعا هذا لايمنع من ان السيارات الكورية لاغبار عليها و لكنها لازالت لاترقي الي مستوي السيارات الاوربية و اليابانية من حيث التكنولوجيا المستخدمة او تقنيات السلامة و لتنظروا حولكم لتروا من هم أبطال حوادث الطرق في مصر ... معظمهم من السيارات الكورية الصنع

السوق في مصر لايحكمه عقل أو منطق مثله في ذلك مثل اي شئ في مصر و الذوق العام أنحرف أو لنقل هبط
فكما ان الناس أصبحت تعرف شعبان عبد الرحيم و زعبولة القلة نسوا عمالقة الطرب الاصيل فهل تتوقع منهم ان يتذكروا الاوبل و الفيات و البيجو و الرينو و تويوتا و نيسان علي حساب هيونداي و كيا

أنا أري أن "ماطار طير و أرتفع ألا كما طار وقع"
- من قبل طارت دايو ثم هوت
- و اليوم تطير هيونداي و كيا و لكنهم حتما سيهوون كما هوت السيراتو من فوق كوبري التونسي

و لكن سيظل الكبار كبار بدون الحاجة الي دعاية أو اعلان لأنهم هم الذين يختارون و لا يختارون

مع خالص تحياتي
م/ سمير الشهاوي

**N.a.j.d** · 24-06-2010 12:38 AM

ناس كتير بهمها السعر الرخيص والقطع الرخيصه والوكيل المحترم

**x512** · 24-06-2010 03:16 AM

أولا الموضوع دا باشا و انا كت اتكلمت عنو بس في تعليقات قصيره...انا شايف فعلا ان في عربيات كتييير بتنتشر بدون حق لمجرد حملات الدعايه زي الكروز و الافيو اللي فيهم عيوب خطيره زي السوفت وير بتاع الكروز و عيوب الدنيا اللي في الافيو....و برضو الاوبترا انتشرت بسبب الاعلانات ....الكوري مش وحش..بس زي مالاخوه قالو كل واحد علي قد فلوسو..و الكوري بيحقق المعادله اللي حققها اليباني في اوائل التسعينات...سياره اعتماديه فيها كل الكماليات المعاصره بسعر معقول يغطي شريحه كبيره من المستهلكين...انا والدي كان جايب تويتا 88 موديل السنه...كان اللي يشوفها في الشارع يتهبل عليها ..و كان نفس الحكايه للهوندا و المتسوبيشي...لان كل السوق كان فيات...و اللي معاه فلوس بيجيب بي ام او مرسيدس...بدأ اليباني ينتشر لحاد اواخر التسعينات أواءل 2000 و اكتساح العربيات اللانسر بمختلف موديلاتها...بدأ الكوري يظهر...دلوقتي بيكتسح...أكيد في ال 10 15 سنه اللي جايه هيكتسح حد جديد (انا بخمن الماليزي)....بس نرجع و نقول الالماني الماني و الايطالي ايطالي....و الكبير هيفضل كبير مهما عدت الايام ...و الا مكنش شركات زي فيات و اوبل و مرسيدس استمرت لاكثر من 100 سنه...و اسف علي الاطاله

**x512** · 24-06-2010 03:20 AM

ارجو من اخوانا اللي بيكتبو تعليقات طويله زي حالاتي يبقو يكبرو الخط عشان النظر

الموضوع: نجاح السيارات الكوريه واكتساح السوق المصرى من خلال الاعلانات

LinkBack

أدوات الموضوع

عرض

-

-

-

-

-

-

المواضيع المتشابهه

تعاون بين الحكومه المصريه و الحكومه الكوريه في مجال صيانه السيارات الكوريه

اسعار السيارات الجديدة فى السوق المصرى

السيارات الصينى حتغرق السوق المصرى

فين السيارات الجديدة فى السوق المصرى

الكلمات الدلالية لهذا الموضوع

المفضلات

المفضلات

ضوابط المشاركة