مروحه التكييف اعلنت الحرب عليا.. المساعده يا قووووم

**amraction** · 20-06-2010 05:35 PM

من فتره كده كنت لاحظت صوت تخبيط وتكتكه فى مروحه التكييف.. بس كانت الدنيا مظبوطه.. فكبرت وقلت اهو اى هبل

وبعدها باسبوع.. حراره العربيه عليت ووصلت قرب ال 100
روحت للكهربائى .. خلى المراوح تشتغل بسرعتها العاليه اوى.. التكتكه راحت
والعربيه بقت حرارتها 85 بالكتييييييير اوووووى فى عز الحر ومع تشغييل التكييف

دلوقتى التخبيط ده بقا صوت طبول حرب.. وبقا صوت لا يطاق.. والعربيه بدات توصل ل 90 ف الحراره
معنا كده ان المرواح لو مش شغاله ع السرعه العاليه العربيه هتوصل ل 100 تانى

قولولى اعمل ايه؟؟ اغير مروحه التكييف.. ولا اعمل ايه بالظبط

واروح لمين ثقه وشغله نضيف.. سواء فى مصر او الزقازيق... اللى يعرف حد ف الزقازيق ثقه اوى يقولى عليه

بليييز هيلب.. عشان انا هتجنن ع العربيه

**ENG\AHMED** · 20-06-2010 06:31 PM

غير المروحة
الاحسن انزل مصر اعملها

**amraction** · 20-06-2010 06:35 PM

اوك.. طب المروحه اجيبها منين.. وهتتكلف كام؟؟
واعملها عند ميييييييييييين؟؟ انا معرفش حد فى مصر

**tamertamer** · 20-06-2010 06:51 PM

يا سيدى بسيطة جدا المروحة بتجيب اخرها ولحقها ابل متبوظ خالص الصوت قلى فى الاول دة صوت بوش المروحة وزادت السرعة ذادت التاكل وهتبوظ لا محالة انت مشغل حاجة على سرعتها العلية جدا انا مرة عملتها عندى فى عز الحر 70 75 بالكتير غيرها طبعا ورجع كل حاجة زى ما هى وعلى فكرة فكهاء سهل جدا انا فكتها كتتتتتير اوى وممكن اصورلك تعمل اة بسهولة متنهية هى كلها مسمرين وفيشة واسلاك وتبقا فى ايدك غيرها انت او لو تيجى مصر انا ممكن اعلمك تعملها ازاى وببلاش كمان والعدة عندى كمان هيس هيس

**amraction** · 20-06-2010 06:58 PM

ربنا يخليك يا تامر باشا.. هشوف ظروف كليتى كده ولما الاقى يوم فاضى هقولك واجى.. بعد ازنك يعنى لو مفيهاش تعب او ازعاج

**tamertamer** · 20-06-2010 06:59 PM

المشاركة الأصلية كتبت بواسطة amraction

ربنا يخليك يا تامر باشا.. هشوف ظروف كليتى كده ولما الاقى يوم فاضى هقولك واجى.. بعد ازنك يعنى لو مفيهاش تعب او ازعاج

يا باشا انت تنورنى وتنور القاهرة كلها ومتخفش احنا مش بخلة

**amraction** · 20-06-2010 08:09 PM

ههههههههههه
لا طبعا مش بخلا.. ولا اقدر اقول كده

سوال بس.. مروحه التكييف دى مش تبعوز يتفك الاكصدام والشبكه عشان الواحد يوصلها؟؟؟ اصلا عندى ورا الاكصدام كده !!

**tamertamer** · 20-06-2010 08:17 PM

ايوة طبعا لازم يتفك
طيب انا هديلك خط سير فك الدنيا عشان تبقا عارف
اولا هتفك مسمير الكرتيرة سواء يمين او شمال
ثانيا هتفك الشبكة مسمرين وسعات 3
ثالثا هتفك الفونيس من الاكسدام
رابعا هتفك الاكسدام مسمار يمين ومسمار شمال
خامسا هتلقى موسير البور متركبة بكلبسات 2 كلبس على المروحة هتفك الكلبس بحرص عشان ميتكسرش بالضغط لفوق بكل بساطة هتفك موسير البور قلى مسكة فى المروحة
سادسا هتفك اربع مسمير 13
سابعا هتنزلها لجنب اليمين من ثم تنزلها لاسفل هتلقيهاء فى ايدك هتفك الفيشة وخلاص تمت العملية

ما ستحتاجة من عدة
1- مفك صليبة
2- مفك عادة
3- بيبة 8 10 13

**tananybasha** · 20-06-2010 10:01 PM

الله ينور يا تامر
لو المراوح ريش و موتور سليمه يبقى انت بتتكلم فى بلية ب 10 جنيه بس الفن كله فى فك و تركيب المروحه
و لو كده يبقى مروحه جديده بدل ما دى تفصل

الموضوع: مروحه التكييف اعلنت الحرب عليا.. المساعده يا قووووم

LinkBack

أدوات الموضوع

عرض

-

-

-

-

المواضيع المتشابهه

مروحه التكييف

مروحه التكييف

مروحه التكييف

صوت مروحه التكييف الى فى الصالون

و اعلنت الحرب على استيكرات المعارض

الكلمات الدلالية لهذا الموضوع

المفضلات

المفضلات

ضوابط المشاركة