الموضوع: سؤال بخصوص تنك البنزين

بالامس وانا بفول العربية من محطة (امارات مصر قبل كارفور المعادى ) المسدس بتاع البنزين اغلق اتوماتيكياً عندما امتلا التنك ولكن الراجل فى البنزينة استمر فى وضع البنزين وعندما سالتة قال انه فتح التنك الاحتياطى ووضع فيه البنزين الى فاضل عشان كان عايز يكمل عدد اللترات الى رقم صحيح - المهم عشان مطولش عليكم ايه موضوع التنك الاحتياطى دة وهل معنى كدة انى انا الى بفتحة واقفله ولا خو بياخذ من التنك الرئيسى عند الحاجة ولا هو كان بيشتغلنى ولا ايه مش عارف - اصل انا بصراحة بسوق من سنه 95 مسمعتش عن الموضوع دة قبل كدة ... وشكرا على الردود مسبقاً وتحياتى للجميع

على ما أعتقد أن مسدس البنزين قفل عشان إندفاع البنزين وقرب وصوله لفتحة التانك
لكن مفيش حاجة إسمها إنه فتح التانك الإحتياطى
وبعدين حتلاقى أن الكمية اللى بيضفها بعد أول فصلة فى حدود لتر الى لتر ونصف

chery a15 f

يا امام باشا اكيد دي اشتغالة
وعمتا برضو ممكن يكون فيه حاجة في عربيتك كده

المشاركة الأصلية كتبت بواسطة hamdy

يا امام باشا اكيد دي اشتغالة
وعمتا برضو ممكن يكون فيه حاجة في عربيتك كده

مع احترامي للردود كلها وبالذات رد الاستاذ حمدى - إمبارح حبيت اتأكد بنفسى من موضوع التنك الاحتياطى الى قولتلكم عليه - خليت الراجل فى المحطة يفول التنك وقولت ابص على الفتحة لقيت فى فعلا زرار بسوستة بيتفتح موجود على الشمال وبعدها حطينا حوالى لترين ونصف زيادة

نو طبعا يا رجالة - المسدس بيقفل أوتوماتيك بعد ما مستوى الوقود يعدى الماسورة والراجل بيكمل بعد كدة مانيول لحد شفة التانك أو أنة يقفل رقم فى دماغة يكون كسرة 25 قرش علشان يضربها بجانب النص جنية أو الجنية بقشيش - وهو حافظ موضوع التانك الحتياطى دة علشان يضحك على الزبون أو الله وأعلم يكون هو كمان مضحوك علية
على العموم التانك الأحتياطى دة مكان أفتراضى ويبداء من بداية لمبة البنزين لما تنور ودة بيكون فى حدود 15% من سعة التانك

هو خلاص ما بقاش في ذمة في أي حاجة في المخروبة دي يا ناس ؟؟؟

هو مفيش حاجة اسمها تنك احتياطى.هى الفكرة ببساطه ان مسدس البنزين فيه حساس بيفصل اتوماتيك عند امتلاء التنك ولكن بيكون فية لسة شوية كمان بيكونوا فى الزور و هو بيملاهم عشان فعلا يعمل كسر جنية و ياخدوا بقشيش يعنى مثلا يعمل 30.10 تقوم انت طبعا تديله 31
يعنى من الاخر نصب