السلام عليكم ,
يا جماعة فى حد يعرف الطريق الدائرى اللى عند مدينة بدر دة بيربط بين ايه ؟
عرض للطباعة
السلام عليكم ,
يا جماعة فى حد يعرف الطريق الدائرى اللى عند مدينة بدر دة بيربط بين ايه ؟
جروب جديد على الفيس بوك عن مدينه الشروق
الشروق مش مدينه سكنية بل هى نمط حياه،وهذه المجموعه للترحيب بكل العائلات الجديده فى الشروق وعرض معلوماتنا لمساعده بعض، مشاريع و افكار، بيع و شراء, و كل ما تودون ان تضيفوه
http://www.facebook.com/group.php?gid=139385576072299
انا بالفعل رحت الشروق ..
واول حاجة طبعا فرق كبيييييييير كبييييييييييير جداااا عن اخر مرة رحتها ..
ومينفعش تعتمد على زيارة قديمة لاي مكان من المدن الجديدة لان واضح كده ان التغيير فيها بيبقى سريع وبيخلي الشكل يختلف خالص ..
مبدأيا رحنا من طريق السويس ودخلنا من اول بوابة اللي هي الرئيسية تقريبا ومحستش ان
اول لما دخلت اتوهمت بجد .. المكان تحفة ونضيف وشكله رائع .. عدينا على الجامعة الفرنسية والبريطانية وشوية فلل جميلة جدا ما شاء الله .. كل ده وانا متفائلة ومبسوطة
فضلنا ندخل يمين في شمال في يمين في شمال .. كنت عايزة احفظ الطريق بس تهت من كتر التحويدات ..
وكل شوية العمار بيقل .. الفلل بتقل .. تبتدي تظهر العمارات والفلل اللي لسه بتتبني واللي مش عمرانة
فييييين لحد لما وصلت شقتي .. حواليها فلل وعمارات لسه بتتبني .. مفيش ولا عمارة ساكنة
كله عمال ورمل وطوب .. تحت الانشاء لسه .. غير خالص العمار اللي شفته اول لما دخلت .. بس ماشي الحال يعني المنظقة معقولة بس يتشال منها الرمل والطوب وتتسفلت كده .. يعني كمان 5 سنين مثلا ..
والحمد لله شفت شقتي جميلة جدااا الحمد لله .. وانا كده كده مش قاعدة فيها دلوقتي .. على بال ماستقر فيها تكون الدنيا ظبطت شوية ان شاء الله ..
هي نظام ارض وحمايا بنى عليها 3 ادوار .. انا الدور اللي في النص :)
فهو اللي عامل التصميم على مزاجه بقى ومقسم الشقق تقسيمة لذيذة اوي الحمد لله ..
المهم واحنا مروحين بقى خرجنا من باب تاني وكان قريب جدااا من الشقة .. اعتقد ده الباب التاني اللي على طريق السويس ..
بس مبدأيا يعني .. واضح ان مستقبل المكان هيكون كويس جدا ان شاء الله ..
مدخل طريق السويس احسن فعلا بكتير من مدخل طريق الاسماعيلية
الاولاني يوهم بجد
الناس الى بتقول ان الشروق وحشه هل شفوها او جم اتفرجو على المدينه فى الوقت الحالى؟؟
والناس الى بتقول انها معمرتش هل برضو شفوها !
والناس الى بتقول ان الخدمات صفر جم وشفوها ؟؟
ان من سكان المدينه والى بقوله مش دفاع اعمى بس المدينه ممتازه والخدمات جيده والاسعار هى الى ممكن تكون عليه شويه وفى ازدياد لاكن المدينه فيها 3 جامعات خاصه وفيها كرفور وفيها هيبر وان وبالنسبه للخدمات جيده جدا والمدينه دلوقتى عمرت جامد وبقا من الصعب انك تلاقى شقه او قطعت ارض والى مش مصضق ممكن يشرفنى بزياره وانا مستعد افرجه على المدينه ويتاكد بنفسه
السلام عليكم,
انا حاليا بشطب شقتي في الشروق , بس مش عارف ليه كل لما باروح باحس انها مهجورة يعني مش زي التجمع الخامس خالص, جايز ان شاء الله كارفور يفوق المدينة و هايبر وان كمان بس اعتقد محتاجين وقت.
انا سامع ان في طريق جديد هيربط شارع التسعين بطريق السويس عند مدينتي كده....حد عنده فكره عن الطريق ده؟
علي فكرة مترو فتح في مدينتي في منطقة خدمات المنطقة الاولي عمارات.....و سمعت ان اولاد رجب هيفتح في ميني مول مدينتي.