افضل مدينتين في نظري الأن التجمع والعبور الأسعار في العبور تبدأ من 950ج للمتر لو حبيت( بس ما انصحكش تشتري بالأسعار دي) والتجمع تقريبا بتبقي الضعف.
عرض للطباعة
افضل مدينتين في نظري الأن التجمع والعبور الأسعار في العبور تبدأ من 950ج للمتر لو حبيت( بس ما انصحكش تشتري بالأسعار دي) والتجمع تقريبا بتبقي الضعف.
شوف انا هاقوبك رايى الشخصى بناء على انك هتنقل بعد 5 سنين
بعد 5 سنين التجمع هيكون بقى زحمة وكل الخدمات موجودة زى مدينة نصر بس على تنظيم اكثر ومستوى ارقى يعنى لو شقة 120 متر فى التجمع افضل بمراحل من شقة 250 فى الشروق
انا هاكلمك ليه انا فضلت بدر على الشروق
بدر فيها مصانع زى العبور بس مصانع نظيفة كلها وصناعات خفيفة وواخدة العام الماضى اكثر مدينة صديقة للبيئة
وجود المصانع دى بيجعل المدينة عمرانة بسرعة جدا زى العبور كده مع العلم ان الشروق بدات مع العبور
ممكن وجود المصانع بيادى ان المستوى بيكون اقل شوية ولكن فيه احياء ممتازة فى بدر
وجود الخدمات فى بدر اكثر بكثييير من الشروق
وجود مدينتى وبعد افتتاحها وافتتاح دريم لاند2 فى بدر وايضا مدينة المستقبل ومدينة الفاتح هتنقل مدينة بدر الى مستوى ثانى
والاهم هو الطريق الاقليمى الجديد اللى بين التجمع وبدر والعبور وبلبيس والسادات
النقطة الاهم بقى ان بدر لسه الاسعار فيها رخيصة جدا جدا مقارنة بباقى الاماكن يعنى هترتفع وانت هتاخد خيرها انما الشروق خلاص ده اخرها هتاخد شقة الان لو حبيت تبيعها بعد 5 سنين هتزيد حاجة بسيطة اما بدر لسه قدامها مشوار
حاجة كمان نقل الزارات والحى الدبلوماسى للتجمع ( يعنى هيبقى فعليا هو العاصمة ) هيجعل بدر والشروق من مراكز المدينة لقربهم من هذه الخدمات
وعلى فكرة الحمد لله انا عندى شقة فى الشروق واخرى فى بدر يعنى باكلمك عن اقتناع ودراسة السوق وكل حائزى الاراضى فى بدر الان من الشركات وتجار العقار الثقال وبيجهزوا لقفزة جامدة فيها مع افتتاح مدينتى
الشروق مدينة سكنية هادئة و فيها أحياء فلل و أحياء عمارات و في وسطها جهاز المدينة و فيها مستشفى جديدة كويسة و مركز طبي و سوق تجاري هتلاقي فيه كل طلباتك بأسعار عادية جدا زي اللي في مصر ....
صحيح عدد السكان مش كبير أو نسبة الاشغال مش عالية فيها
بس أي حاجة هتعوزها هتلاقيها موجودة
و هيفتحوا فرع كارفور فيها على طريق اسماعيلية
اولا ربنا يوفقك للخير
ثانيا انا من سكان العبور وعلى علاقة بمدينة الشروق
مميزات الشروق اولا
انها سكنية فقط وتمتاز بهدوء تام
لها اكتر من مخرج على طريق السويس والاسماعلية
بها اماكن راقية جدا
كارفور هايفتح فيها قريب يعنى قبل الخمس سنين اللى حضرتك محددهم بفترة كبيرة
امام مدينتى ودى ميزة الكل هايعرفها لما مدينتى تشتغل
عيوبها
نسبة الاشغال فيها ضعيفة جدا
خدمات قليلة تتناسب مع حجم الاعمار
المناطق المميزة فيها اللى موجودة فى كومباوندز
مميزات العبور
انها مدينة سكنية صناعية زراعية
اقرب من الشروق
الاسكان فيها متفاوت وفيه كل الطبقات وده بيدى روح صحية جدا للمدينة
خدمات كثيرة فى كل الاحياء واصلا كل الاحياء قريبة جدا من يعضها
كارفور فرق كتير وتحديدا لما السينمات اشتغلت ومنطقة المطاعم اتعملت بقت جو تانى خالص
سعر متر المبانى النظيف فيها لكن مش الاماكن التوب يعنى بيبدا من 1500
جامعة عين شمس هاتفتح فرع فيها فى القريب وتمتاز بوجود جميع انواع المدارس اللى ممكن تتخيلها وبكل المستويات
عيوب العبور
المدينة تعتبر لها مدخل واحد فقط عن طريق نفق العبور للقادم من القاهرة ولها اكثر من مدخل بعد كدة عن طريق جمعية عرابى لكن مش مداخل رسمية
المدينة الى الان قائمة باكملها على محور واحد فقط وتتفرع منه لاى حى تريده وطبعا هو دلوقتى مش زحمة خالص يعنى بتجرى وتشد عليه براحتك خالص لكن فى المستقبل مش عارفة هايحلوا المشكلة دى ازاى بالذات لما الجامعة تشتغل
وفى النهاية انا والله حاولت اكون حيادية تماما فى نقل المعلومات مع انى باعشق مدينة العبور ونفسى كل الناس تتمتع بالسكن فيها
اقولك العبور عاملة زى ايه
لو تفتكر مناطق العباسية ومصر الجديدة والاحياء دى فى اواخر السبعينات كدة وجمالها ... لما تسكن فى العبور بتحس بنفس الاحساس ده بالظبط
وربنا يوفقك
يانهار ابيض انا لما شفت اللى انا كتبته لقيته كلام كتير قوى
اعذرنى على الاطالة
لا طبعا فيه طرق مختصرة عن طريق مدينة السلام ولها اكتر من دخلة من العبور ده غير ان فيه كوبرى بيتعمل على طريق الاسماعلية دلوقتى وده هايحل الازمة تماما
واى استفسار فى مدينة العبور ماتترددتش انك تساله وباذن الله اساعدك فيه