i agree with u, i prefer el-sherouk more than El-Oubour.
عرض للطباعة
مدينة فكسانة
كل الميزة اللي فيها إنك ممكن تخشها من طريق السويس أو الإسماعيلية و الرحاب مش بعيدة عنك و العبور و مش بعيد عن مدينة نصر و مصر الجديدة
بس طول ما إنت فيها طالع عينك و الخدمات قليلة و مفيهاش ولا مطعم غير مطعم عجيب كدة إسمه نانيدا
و ال rate بتاع العمار بطئ أوي يعني فين و فين لما تلاقي بقال ولا صيدلية فتحوا و تحس إنها مدينة "تخزين"! الناس واخدة فيها لولادها إحتياطي و قافلين الشقق و الفلل
المدينة كويسة لكن ميتبصلهاش دلوقتى لكن بعد كده
مفيهاش اى مناطق صناعية كلها سكنية بس
العمارات هناك ارضى و3 ادوار يعنى عدد سكان اقل
فيها جامعات زى البريطانية
قريبة من مدينتى والرحاب بالنسبة للتسوق والفسح
اسعار متر الشقق من 1400 وانت طالع والتقسيط على 5 سنين
عيوبها
ان خدماتها قليلة الان
محتاج يكون معاك عربية
شكرا يا جماعة على الاهتمام , بس ماحدش قال هيا تبعد اد اية عن التجمع الخامس و خاصة المنطقة اللى فيها بتروسبورت
بص المسافات هنا ملهاش لازمه لأنك كده كده محتاج عربيه فى اى مكان سواء الشروق و العبور و التجمع نفسه
الشروق اقرب لبتروسبورت من العبور
بس التجمع نفسه اقرب
و ممكن فين فى التجمع علشان ممكن تكون قريب قوى (سعر المتر فووووق) او بعيد قوى (مازلت اقرب من الشروق و لكن مسافه متقاربه مثلا لو الشروق على بعد 12 كم ممكن فى حتت جوه التجمع تكون على بعد 8 كم)
شوف يا صديقى انا هاقولك المسافة بالظبط لان فيلتى فى التجمع
نادى بتروسبورت فى حى الياسمين وعلى شارع ال90 الموازى وعندك طريقين للوصول
الاول عن طريق السويس ثم الدائرى ثم 90 التجمع وده فى حدود 20 كم بس طريق سريع طبعا يعنى 20-25 دقيقة
الثانى انك تدخل من مدخل الرحاب الى البنفسج ثم النادى وده قصير ممكن 15 كم تقريبا بس طريق مش مرصوف الرصف النهائى لان المبانى لسه بتطلع بجواره وبالليل مش كويس طبعا
كل ده كمان بيفرق انت طالع من اى حى فى الشروق نفسها
الحاجة الثانية اللى تحدد هتاخد شقة وهتعيش فيها امتى
يعنى لو هتنقل هذا العام انصحك بالتجمع ( ارقى مكان فى مصر الان ) يليه العبور ثم الشروق وبدر ( بدر اكثر عمرانا من الشروق والافضل استثماريا الان )
لو هتعيش بعد فترة هناك يبقى ارشحلك بدر بقوة والشروق معاها
فى الشروق فيه نوادى كويسة زى جرين هيلز
اه حاجة كمان لو اخدت فى الشروق ليه ما تشتركش فى نادى مدينتى مباشرة ؟ الاشتراك هناك 35000 جنيه بس تقريبا الان ؟
شكرا يا فندم على الرد,اولا انا ممكن انقل فى الشقة بعد فترة يعنى ممكن 5 سنين بس طبعا حضرتك عارف انى ماينفعش استنى لحد ماجى انقل عشان الاسعار
ثانيا بالنسبة لنادى بتروسبورت انا متمسك بية عشان انا شغال فى البترول و عندنا عروض حلوة للنادى دة
اما بالنسبة لمدينة بدر انا بسمع عنها انها سيئة جدا مش عارف دة صح ولا لا حضرتك ما تعرفش حاجة عنها؟
و جزاك الله كل خير
مدينة بدر زى العبور فيها منطقه صناعيه
انا مدخلتهاش و معرفش الدنيا جوه عامله ايه
اخويا كان بيقارن بين العبور و الشروق فدول انا لفيت فيهم
لو هتاخد فى الشروق انصحك بالمنطقه السابعه علشان اقرب حاجه لطريق السويس و مدينتى بس هتلاقى سعرها اعلى من المناطق الاخرى خصوصا ان حركة العمران فيها اسرع
بالنسبه ل 12كم ده كان مثال للمقارنه و شكرا لرءوف لتوضيح المسافه حوالى 20كم