اشكرك اخى الفاضل انا يشرفنى اكون جارك
اشكرك اختى الفاضلة
طيب عندى سؤال ليكوا انتوا الاتنين بعد اذنكوا
ما هو سعر المتر لشقة فى فيلا من الفلل وهل المتعارف علية هناك ان تستلم الشقة مشطبة ام تقوم انت بالتشطيب
خالص تقديرى,,
عرض للطباعة
اشكرك اخى الفاضل انا يشرفنى اكون جارك
اشكرك اختى الفاضلة
طيب عندى سؤال ليكوا انتوا الاتنين بعد اذنكوا
ما هو سعر المتر لشقة فى فيلا من الفلل وهل المتعارف علية هناك ان تستلم الشقة مشطبة ام تقوم انت بالتشطيب
خالص تقديرى,,
السعر بيختلف من منطقة لاخرى
مثلا الارض بتاعتنا فى الحى الرابع وسعر المتر فيها 1500 جنيه على مااذكر وبتتسلم نصف تشطيب يعنى على المحارة
فيه مناطق ارخص وفيه اغلى لكن لازم حضرتك تيجى بنفسك وتلف كويس فى المدينة علشان تعرف ابعادها ابه وايه هى المناطق المميزة وايه المستوى اللى يناسب حضرتك وربنا يوفقك
المتر يبدأ من 1400ج بس خللي بالك من تقسيمة الشقق في الفيلات لأن الواحد بقي يشوف مهازل يعني مثلا الشقة اللى انا عارضها في التوقيع بتاعت التاسع 160م تقسيمتها 3غرف وحمامين ومطبخ وريسبشن 3قطع لسة معاين واحدة في الخامس 200م لقيت تقسيمتها غرفتين وحمامين ومطبخ والريسبشن بتاع ال160م احسن من بتاع ال200 ...فخللي بالك من الموضوع ده وهي اصلا المساحات بتاعت الأراضي في الفيلات 600م او 600 وشوية (ما عدا بلوك واحد في الخامس متقسم 500م) طب ازاي الفيلا تبقي علي نصف المساحة وتطلع شقتين 200م واكبر كمان.
ممكن 125م لكن 100 صعبة اوي.
لو إنتا بتفكر على إنك هتسكن فيها مش دلوقتي
سنه سنتين قدام
فأنا برشحهالك وبقوه
طالما معاك عربيه
ليها مداخل من على الطريق الاسماعيليه
ومن على طريق السويس
الرحاب قريبه جدا
العبور علشان تدخل من طريق الاسماعيليه لأي حته جواها هتاخد وقت أطول من انك توصل من العبور للشروق
العبور لسه فيها حتت أسعارها كويسه
الحتت القديمه اللي فيها، البيئات اللي ساكنه فيها مش قد كده
ابعد عنها
أنا بقالي سنتين قاعد فيها مفيش أي خدمات إحتاجتها من بره
اللهم إلا لما بحب أجيب حاجات كتير من كارفور
وأنا راجع من الجامعه بعدي على كارفور العبور
هوا اسمه كارفور العبور
لكن فعليا هوا مش في العبور
هوا على طريق الاسماعيليه الصحراوي
نص كيلو بص من الطريق
فميعتبرش في العبور
الشروق فيها مركز شباب كويس جدا
وفيه ناس اسمه جرين هيلز ممتاز
المفاجأه بقه إنه كارفور بيتبني جوا مدينه الشروق دلوقتي
والبناء فيه ماشي على قدم وساق زي ما بنقول
اقل من سنه وهيبقى فاتح
بالإضافه إلى إن هايبر وان برضه بيتجهز في الشروق
بس معدل البناء فيه بطئ شويه
لكن المؤكد إنه سنه بالكتير وكارفور هيبقى فاتح
وهيكون طبعا جوا مول كبير بيتبني على أول المدينه هيكون فيه كل الخدمات الترفيهيه
المدينه بصراحة آمنه جدا، مسمعناش عن أي حادثة أو مشكله فيها
فيه بنزينه شيل نضيفه جدا في المدينه
ودي أضافت ميزه كويسه جدا للمدينه لإننا كنا بنحتاس علشان نمون
دلوقتي البنزينه بقالها سنه
بس مبيجيبوش بنزين 80
90 و92 و93 بس
والبنزينه فاتح فيها سيلانترو وماكدونالدز
مشكلتها إنها صحراويه، فالحر شديد
معاك عربيتك بتكيفها وشفتك فيها تكييف تبقى الحياه زي الفل
أما بالنسبه لموقعها من التجمع
فأنا شايف إنها مش هتكون قريبه قوي من التجمع
هيا المدينه عشر دقايق بالكتير لطريق السويس
وكمل بقه طريق السويس لحد ما توصل للتجمع
هوا مش كتير قوي
بس الرحاب ومدينتي أقربلك طبعا
أنا تقييمي للمدينه إنها هتكون الفتره اللي جايه ممتازه وبالذات بعد ما المول وكارفور يفتحوا فيها
لو عايز تشوف حاجه فيها
الحق وروح شوف من دلوقتي لإن كافور هيرفع سعرها جااااامد لما يفتح
بالمناسبه
المدينه مش صناعيه
مفيهاش أي مصانع
جوها نضييييييف جدا
دا الأمر اللي حسيته أول ما رحت أسكن فيها
صحيح دلوقتي اتعودت على جوها
لكن وقتها بجد كنت حاسس قد إيه هواها كويس
ميعيبوش بس إلا الحر في الصيف زي ما قلت لحضرتك
بس الصراحة، في الشتا، أنا بحب جوها جدا
طبعا انا بشكر حضرتك من المقارنه الجميله جدا والحياديه في الكلام , لكن انا عندي بعض الاستفسارات :-
1- دلوقتي حضرتك قلقتيني من العبور لما ذكرتي من ضمن عيوبها انا في المستقبل القريب هتتزحم جدا جدا خصوصا ان الطرق الي فيها مش هتستحمل هذا الزحام وهذا بسبب العدد الهائيل من المدارس وكارفور وجامعه عين شمس الي هتفتح هناك (وبالمناسبه اول مره اعرف المعلومة دي) فالواحد لما بينقل بيكون عاوز مكان بعيد الزحام ويكون مجهز للزحام مستقبلا.
2- بالنسبه للشروق او العبور الحقيقه طوال الموضوع لا احد تكلم عن المرافق (ماء+ كهرباء) خصوصا اني سمعت ان كان فيه مشاكل في الماء والصرف الصحي في العبور وهذا بالاضافه هل متوافر سنترالات ومستشفيات واجهزة الامن واقسام الشرطة في المدينتين ؟
3- وده الاهم هل مستوى الخدمات نفسها كويسه وفيه كده اهتمام ومتابعه وذوق واحترام للسكان الي هناك ولا كالعاده مثل باقي مناطق مصر ؟؟؟
4 - من اسبوع كده كنت قرات خبر في الجريدة " الاهرام " على اعلان فلل في الشروق مش فاكر المساحه اوي لكن كان بتقسيط على 20 سنه تقريبا وكانت ب 360 الف تقريبا او في الرينج ده
فمش عارف هل حد اخد باله منه ولا لا ؟ ولو كده هل الفلل دي بتبقى كويسه ولا لازم اروح اعاين الموقع
انا اسفة انى قلقت حضرتك بس انا مقلتش هاتتزحم جدا جدا انا قلت هاتتزحم بس والزحام مش مقصود به هنا مساحة الاراضى بالنسبة لعدد السكان لان ده مستحيل لطبيعة تقسيم الاراضى ومساحتها بالنسبة للشوارع والمناطق الخضرا
انا كنت اقصد ان المدينة كلها قائمة الى الان على طريق رئيسى واحد ولكنى اعتقد فى المستقبل الطريق ده هايكون 3 طرق
بالنسبة لمشكلة شبكات الصرف اللى حصلت فى بعض مناطق العبور فتم التخلص منها تماما ولم تظهر المشكلة من سنة ونص تقريبا
اما بالنسبة لمستوى الخدمات فهو محترم جدا يعنى الشوارع نظيفة وضغط المياه عالى والكهربا نادرة الانقطاع ولا يدوم الانقطاع ان حدث اكتر من 5 دقايق
وبالنسبة للاخ شنوانى اللى بيقول ان كارفور فعليا مش فى العبور بصراحة مش عارفة ازاى لانه بداخل مدينة العبور بجوار ملاهى جيرو مباشرة ده بالاضافة لانه فى مول اسمه الجولف سيتى وده فى العبور لكن ده مايمنعش انك تقدر توصله من على طريق الاسماعلية لان العبور مدخلها من على الطريق مباشرة
واى استفسار تانى انا موجودة
مستر صفوت صعب جدا تلاقى مساحة 100 متر فى منطقة فيلات ولكن هاسال برده وارد عليك قريب
يا اخوانا بالنسبة لمشكلة المياه اللى بترشح للمرة المليون بقول دي مش مياه جوفية دي بتبقي عيوب في شبكات المياه والصرف ممكن تتكسر لأنها مكانتش بتتحمل الضغط وتصميمها مكانش مناسب للكثافة السكانية الموجودة بدليل عدم وجود مياه في الأحياء الجديدة مثل الخامس والرابع والثالث والتاسع والثامن والشباب وكمان الحي الأول عمري ماشوفت فيه حتي الأن مشكلة مياه والحي الثاني نادرا لما تلاقي فيه حاجة زي كده.....بالنسبة للمرافق خاصة المياه انا مغير محبس البيت عندنا مرتين بسبب شدة المياه مع اننا ساكنين فوق في الحي الثاني والفترة الوحيدة اللى كانت المياه بتقطع فيها لما كان بيمدوا خط للمياه من العبور للسلام والكلام ده من حوالى سنتين.