اية رايكم فى مدينة الشروق

**vodo** · 17-10-2011 10:15 PM

يا جماعة بجد انا عايز اشكر كل اللي شارك في الموضوع ده لأنه اصبح مرجع قوي جدا..
و عايز رأيكم في عرض معروض عليا وهي شقة في الحي التالت شرق
مساحتها 145 متر وسعر المتر بـ 2000 جنيه وده من المالك.
انا عايز اعرف مميزات و عيوب و تقييم الموقع ده وهل السعر ده فعلا فرصة و لأ..

**WalidAdel** · 20-10-2011 01:39 PM

المشاركة الأصلية كتبت بواسطة vodo

يا جماعة بجد انا عايز اشكر كل اللي شارك في الموضوع ده لأنه اصبح مرجع قوي جدا..
و عايز رأيكم في عرض معروض عليا وهي شقة في الحي التالت شرق
مساحتها 145 متر وسعر المتر بـ 2000 جنيه وده من المالك.
انا عايز اعرف مميزات و عيوب و تقييم الموقع ده وهل السعر ده فعلا فرصة و لأ..

كتييييييييييييير ياباشا 2000 جنيه في الحي التالت شرق
دي قدامها مده كبيره لحد ماتعمر زائد انها كمان علي حسب المجاوره الكام
عموما الاسعار في المنطقه السابعه او التامنه بقيت ب 1950-2000 و استلام فوري 50% و الباقي تقسيط و الخيارات كتيره جدا و الظريف ان المنطقه كلها طالعه و مستنين الكهربا لما تخش علي اخر السنه و تبتدي تسكن
ارجوا اني اكون افدتك

**WalidAdel** · 12-11-2011 03:29 PM

المشاركة الأصلية كتبت بواسطة vodo

شكرا على الرد يا باشا

انا فعلان روحت وشوفت المكان.. هو لسة كتير عشان يتعمر.. بس هل الأ سعار فيها قدام حتبقى عاملة ازاي.. يعني مش دي حتى تبقي استثمار كويس ؟

الحاجة التانية اللي انا مش فاهمها .. ايه الفرق بين المناطق و الأحياء.. انا شايف ان حتي الأحياء الفيلل فيها 3 ادوار .. والمناطق العمارات فيها مش اكتر من 3 ادوار ؟

اسف لتأخر الرد لاني ماشفتش مشاركة حضرتك دي الا دلوقتي
بص حي الفلل بيبقي ارضي و دورين و روف و حي العمارات بيبقي ارضي و 3 ادوار و روف
كل الشروق (شركات و افراد) علي حد كلامهم يعني بيقولوا رفعين قضيه علي الجهاز انهم يعلوا و يبنوا دور مكان الروف ده لان الروف ده متحدد مساحهة البني عليه تقريبا 20% من مساحة المباني حاجه كده
الاسعار قدام اكيد اكيد هاتزيد عن كده ليه ماعرفش بس خالي بالك المنطقه بتاعة العمارات دي مافيهاش لييسه كهربا بيقولوا هاتتوصل علي اخر السنه
شوف بقي السعر دلوقتي كام و لما الكهربا تخش هاتبقي بكام