الموضوع: ارجوا المساعدة مشكلة فى النوبيرا مش لاقى ليها حل

ممكن السبب يكون من جلب تحميل ( سبايك عمود الكامات )

مع هبوط ضغط زيت التزييت

أو سبايك عمود الكرنك مثلا

أما من الكستبانات أو الكامات نفسها فغير وارد

ولكن من الوارد حدوث أصوات دق عاليه

ولكن نظرا لظروف سنة صنع السياره

فمازلت ميال للرشاشات أو علبة البيئه ( إن كانت لسه موجوده على خط الشكمان )

انا اسف يا جماعة انقطعت عنكم كدة كنت مسافر و لسة جاى
بالنسبة لاستفسار الاستاذ سمير
العربية موديل 2005
عاملة 82000 ك
المهم انا كنت فى اسكندرية بس المرة دية كنت مركز انى اخود بيانات دقيقة بالنسبة لاستهلاك البنزين و من غير ما اشغل التكييف
المهم العربية فى ال 200 ك بتوع اسكندرية حرقت 17لتر بنزين
بالنسبة ل ريحة العادم اكتشفت حاجة غريبة اوى انا مش عارف دة صدفة والا هو دة الطبيعى ريحة العادم الى انا بشمها لاقيتها خارجة من عربيات كتير جدا و عربيات موديل 2010
هى ريحة من غير لون
المهم انا جريت بالعربية لحد 170 وصلت 180 بالعافية الغريب انة سواء العربية فيها حد او ما فيهاش يعنى سواء معايا 4 او لوحدى هى ما بتعديش السرعة دية
اخرها 170 - 180
دية طبعا مش السرعة الثابتة الى بمشى عليها لكن لما بوصلها وبمشى عليهافترة فى لمبة بتاعة الحساسات بتنور
بالنسبة صوت النعرة و الخشانة و الترتية دول اسؤ ما فى العربية و الكابوس الى ملازمنى كل ما بركب العربية
النعرة دية او الصوت العالى دة مش مستمر يعنى ممكن ما بين ال 2000 و ال 3000 على عداد الار بي ام بعد كدة الصوت بيهدى كتير بعيدا عن مقرنتها باى عربية تانية
انا علبة البيئة غيرتها مرتين ولاقيت انة من الافضل انى اشيلها خالص عاملت ماسور بمصفى جوة علبة البيئة بعد ما فضيتها و ركبتها
المهم
انا والدى مصر انة الصوت دة صوت الماتور و انة اكيد لو فك تحت هيلاقى فى شغل فى السبيكة و البساتم و الباقى انتوا عرفينوا (الماتور استاندر)
المشكلة انة بيقولى انة المواتير دية حتى لو اتعمرت صوت النعومة ما بيرجعش تانى والافضل اننا نجيب ماتور استيراد و انا مش موافق على الموضوع دة مش عايز اخش فى حاجة زى البطيخة كدة
مش عارف اعمل اية يا ريت تفيدونى افادكم اللة
وحستنا ردك يا استاذ سمير

المشاركة الأصلية كتبت بواسطة lakany

اولا استهلاك البنزين ممتاز و خصوصا انك كنت بتجرى على 170 و 180 بعض الطريق و حتى لو كنت ما بتجريش فهو استهلاك معقول جدا صوت النعره اعتقد انه ممكن يكون من الشكمان او اى حاجه تانيه لان مش معقول بكون العربيه بتجيب 180 و استهلاك البنزين كويس و المكنه يكون فيها حاجه

المشكلة انة الزيت بينقص بس انا محتاج ارفع العربية اتاكد انة ما فيش اى حاجة بتجييب زيت الاول

انا علبة البيئة غيرتها مرتين ولاقيت انة من الافضل انى اشيلها خالص عاملت ماسور بمصفى جوة علبة البيئة بعد ما فضيتها و ركبتها

غير القصه دى

وركب ماسوره لوحدها بفلنشتين

وحتروح معاك النعره أو الترتيله

ومكنتك حلوه أن شاء الله


وأبقى أغسل المكنه وتابع

هل فيها ترشيح زيت عندك ولا لا

وخللى ميكانيكى برضه يراجعلك على رباط جوايط فرن المكنه

وأنسى موضوع الرشاشات حاليا

طالما أستهلاك البنزين كويس والمكنه بدور معاك تمام وشكل حريق البوجيهات حلو