الموضوع: سيفيك ولا مكوة !!!!!!!!!!!!!!

بسم الله الرحمن الرحيم

ان شاء الله هسقط مكنة شديدة بس نجيب العربية الأول....

انا عايز اعرف كل حاجة عن العربيتين دول :
1-هوندا سيفيك موديلات 1996-1998
2-لانسر مكوة موديل 2001-2003

ودي الحجات اللى عايز أعرفها:
1-التكيف مين أفضل ,, لأن دا أهم حاجة بالنسبالي ,,,
2-مكن المايفك أجمد ولا ال SIR ولو ينفع أنواعهم اللي تتسقط في الموديلات دي وكام سي سي وكام حصان ؟؟؟ ومين هيخلى التكييف يبقى جبار ؟؟
3-مين فيهم أكتر ثباتا على الارض (انا عارف ان المكوة أعلى في الارتفاع ودي ميزة ليها)
4-مين فيهم قطع غياره أرخص ,, وهل الفرق كبير؟؟ (اعتقد المكوة)
5-مين فيهم قليل الاعطال والمشاكل ,, مبيصرفش كتير
6-مين فيهم أكبر حجما(صالون وشنطة) ؟؟
7-مين فيهم أقوي في الشاسيه والصاج والعفشة ؟؟ مين يستحمل الطرق الوعرة يعني ؟؟
8-مين فيهم جودة التقفيل أفضل (من وجهة نظري تابلو اللانسر أحدث) ؟؟
معلش يا جماعة الاسألة كتير هتعبكم معايا بس الواحد لازم يعرف كل حاجة وانتم ماشاء الله فيكم كتير أوي عنده كل المعلومات دي ......

ملاحظة مهمة : الغرض من السيارة اولا قوة التحمل (عشان كدا ياباني) ثانيا الشد مش لازم توب سبييد عالي اوي )يعني حلو أوي 150 170 حصان بس لازم العزم والطلعة الاولي ألاقي طيارة ,,, التكييف التكييف التكييف دا من أهم الحاجات المطلوبة وأديكو شايفين الجو عامل أيه اليومين دول وانا بكون في الشارع كتير ,,, متصرفش بعد ما أعدلها وأظبطها ,,,, يدوبك عايزها تصرف صيانات دورية بس وممكن حاجة كل كام شهر مش كل يومين تحتاج حاجة ....

انشاء الله الميزانية أخرها 70000 جنيه ,,, هنجيب العربية على 60000 او أقل كدا وال 10000 الباقيين هنسقط مكنة بعفشة بفرامل وفتيس وممكن تكييف ولو محتاجة اي حاجة تانية نغيرها نظبطها يعني ,,,,,, وبعد كدا نحلم بقى بعدييييين بالسوند سيستم والجنوط واللعب في الشكل ...

لو فيه أي مقترحات تانية أنا معاكوا في اى حاجة ,,, واسف على الاطالة وشكرا لسعة صدركم ,,,,,,,,

المشاركة الأصلية كتبت بواسطة i_am_legend

طبعا هوندا سيفيك وسقط موتور sir

وياريت لو جيبت هوندا تخدها وتنزل بيها بور سعيد تقعدلك اسبوعين ولا حاجة وتشدها هناك ..........

وسقط تكييف للهوندا هاتة استيراد من بور سعيد بردة ........

الهوندا سيفيك روعة ..........

هية فعلا روعة بس كل الناس قالولي ان قطع الغيار نااار

المشاركة الأصلية كتبت بواسطة yuyu0000yuyu

[size="4"]انا برشح المكوه شكل احلى من السفك بكتير صلون اشيك وقطع غيار متوفره جدا فى كل مكان ورخيسه عربيه حموله من افضل السيارات الى انتجتها متسوبيشى وكمان مفيش كتير معدل فيه يعنى لو عملت شغلى هيليق عليه وهتبقى منفرد بالعكس السفك كتير عدلو فيه وكتير غيرو فى شكله
المكوه ممكن تحوله ايفو فى الشكل وممكن فى الاداء بس هتتفع شويه انا بحترم المكوه عن السفك لان فى كتير اسف على الى هقوله فلحين وصنيعيه ركبين السفك ومعدلين فيه بشكل مقرف ومقظز

+111111
بس السيفيك رهيبة برده

المشاركة الأصلية كتبت بواسطة amrseba

بص يا باشا المكوه مبيتسقطش فيها مواتير كتير ومنصحكش بيها نهائى الانسر كريستاله افضل منها فى حكايه التسقيط والتعديل و شكلها بيبقى احسن والانسر كريستاله اصلا احسن منها
http://www.nilemotors.net/nile/153655-a.html
اقرا الموضوعات الى هدهالك بالكامل
http://www.nilemotors.net/nile/154786-a.html
بس لو هندخل السيفيك يبقى انت بتتكلم فى عربيه سباق ثبات حاجه ملهاش حل عشان واطيه اكتر عربيه ينفع فيها التعديل يتركب عليها كل حاجه فى التعديل ليه مواتير جباره الشكل افضل بكتير
http://www.nilemotors.net/nile/153610-a.html

شكرا أوي يا باشا على تعبك,,,بس محدش أفادني يا جماعة في موضوع التكييف

المشاركة الأصلية كتبت بواسطة m.zaki

انا سمعت اسعار غريبة جدا لمواتير الهوندا, مقارنة بالميتسوبيشى فمواتيرها أرخص و متوفرة اكتر.

عندك ال 2.4 4g69 يركب عندك....

فعلا اسعار الهوندا أعلى بكتير بس 2400 سي سي مش مستحب ,, بفكر في ال مايفك 1600 172 حصان على الكرستالة

المشاركة الأصلية كتبت بواسطة amrseba

وكمان مش هتفرق معاك قطع الغيار الاتنين هتجبها استيراد

المشاركة الأصلية كتبت بواسطة fouady

واللهِ إنت 100 100 أنا إن شاء الله هاعمل كده قريب بس فـعربية بونتو إن شاء الله ومن دول أنا مش عرف بصرحة أنهي الأحسن بس علشان كل واحدة ليها ميزة الهوندى ماوطير أكتر وشكل شبابي أكتر المكوة شكل احداث وطبله احداث بس ممكن تبدلها زي مااله بالكرستلة فـال تظبيط جامدة قوي أكتر من البوما

ربنا يخليك بس أنا كل الناس مخوفاني أوي من موضوع التسقيط دا الكل بيقول هات زيرو وريح دماغك ,,, والبنتو بصراحة جميلة بردو...



شكرا يا جماعة على الردود ومستنى المزيد والقول الفصل في الموضوع دا ..