الموضوع: لأصحاب الخبرة مشكلة تعبتنى جدا فى سيفيا 99 اوتوماتيك

معقول مفيش اى رد او اى حد يعرف ايه سبب المشكلة
مستنى ردودكم

طيبب ماتعمل أسكانر علشان تعرف كود العطل اللى بيخللى لمبة الأعطال تنور معاك وقت تبطيل المحرك

وغالبا حتلاقى المشكله فى حساس الكرنك

والصح كمان تشيك وتنظف كل فيش العناصر المؤثره فى تشغيل المحرك

زى

- فيش الرشاشات

- فيشة حساس الكرنك

- فيشة البوبينا

- فيشة طلمبة البنزين

أحتمال كبير تكون فيشه مهزوزه شويه وعاوزه تتنظف وتتركب بأحكام

وبرضه شيك كويس على جودة تثبيت كل الكتاوتات والفيوزات فى علبة

الفيوزات الكبيره والصغيره

أحتمال تكون فيهم حاجه عاوزه تتثبت كويس

اشكر ردك يا باشمهندس سمير ودائما عند الميعاد نجدك حاضر
بس كنت عاوز اسال هل حساس الكرنك ده هو حساس الشكمان ولا حاجة تانية
وللعلم لما وضعت السيارة على الجهاز قال الفنى ان حساس الشكمان هو اللى قراءته مش مظبوطة
وشكرا لسيادتك مرة اخرى

لا حساس الكرنك حاجه

وده اللى بتعتمد عليه وحدة التحكم فى تدوير المكنه

غابت أشارته ...المكنه مش حدور

_____________________

أما حساس الشكمان

غير مؤثر على دوارة المكنه

ولكن مع وجود خلل فى أشارته زى الكلام ده

قال الفنى ان حساس الشكمان هو اللى قراءته مش مظبوطة

المكنه حتاكل معاك بنزين والعادم ممكن تلاقى ريحته بنزين نىء

ولونه أبيض مسود

سيادتك يا باشمهندس المكنة بتدور عادى والعربية بتمشى لكن وانا ماشى بحس زى ما يكون بتنعر او بتزوم وrpm بيعلى ويوطى تانى وعندما ادوس فرامل بقوة شوية ممكن تبطل يعنى عايزة ما تهداش ولكن بعد فترة من المشى بحس ان السحب بدأ يضعف شوية
فطالما ان حساس الكرنك مش بيدور المكنة خالص يبقى مش هو لان عندى المكنة بتدور عادى
بس انا شاكر لسيادتك جدا ومازلت مش عارف اعمل ايه

لكن وانا ماشى بحس زى ما يكون بتنعر او بتزوم وrpm بيعلى ويوطى تانى

الحساس ده جديد ولا أستيراد

وكمان غيرت حساس tbs ومفيش فايدة

وهل ال rpm بيعلى وينزل وأنت مدور وواقف مكانك على السلانسيه ولا ثابت

وبيبقى كام على السلانسيه

معلش يا باشمهندس هل ممكن يكون العيب ده من منظم الهواء او حساس منظم الهواء لأنى بسمع كلام كثير ومش عارف اعمل ايه
وبالنسبة للحساس tbs جديد مش استيراد
وبالنسبة للـ rbp ساعات وانا واقف بعد التدوير وحتى لو العربية سخنة وساعات وانا ماشى بس مش على السرعات العالية وبحس انى بقيت ادوس زيادة على دواسة البنزين اكثر من الأول علشان تشد معايا
المهم هى لما اكون على سرعة عالية وبعدين اهدى علشان مطب او اشارة او اى حاج تتبتدى تهتز وتبطل .
فى ناس قالوا شوف منظم الهواء ونظفه وحساس منظم الهواء ممكن يكون باظ وانا بصراحة مش عارف فين مكان المنظم ولا الحساس وخايف اغير حاجة تانية وفعلا تعبتنى ماديا جدا" .
واحب اقول انى منظف الرشاشات وجميع الفيش غير كل الحاجات اللى غيرتها سابقا"
اشكرك يا باشمهندس على سعة صدرك وردودك الكريمة