متناااااااااااااااازل وفداهيه
متناااااااااااااااازل وفداهيه
و هو عشان احنا معندناش الحاجات دي نقوم بدل ما نصلحها نسيبها و نمشي!!!
هو ده الحل النهائي الساحق و الماحق للمشكلة
و لا حل فردي مؤقت ؟!!!
و الله انا ممكن اكون مخطئ و حضرتك صح....بس قولي انت الحل ايه...الفساد بيزيد يوم عن يوم و الناس حاجه من 3 يا اما بيسايرو الوضع الحالي( يعني مظبطين نفسهم بالمعارف و العلاقات و الوسايط و الرشاوي) و دول اغلبيه يا اما ناس معترضه و بياخدو فوق دماغهم و دول قليلين...يا اما ناس مش عايشه معانا اصلا و كل همها الاكل و لقمه العيش و دول معذورين الصراحه
لا طبعا الي مبوظينها هما اللي يتنازلوا ويمشوا من مصر
السلام عليكم ورحمة الله وبركاته
آآآآآآآآآآآآآآآآآآآآآآآه
ياما بحلم بيك يا أزرق يا مجننى
مازيراتى
هما الامريكان لما كانوا في حروب أهليه سابوها و مشيوا
لما حصل اللgreat depression سابوها و مشيوا
الماليزين لما كانوا من 30 سنه دولة زراعية متخلفه سابوها و مشيوا !
الفرنسيين بعد الثورة و البلد كانت ضايعه سابوها و مشيوا !
الألمان بعد الحرب العالمية لما البلد إتسوت بالارض حرفيا سابوها مشيوا !
الكوريين لما كانت بلدهم فيها مجاعات في الخمسينات سابوها مشيوا و لا حققوا المعجزة الإقتصادية !
لييه الإنهزامية الفظيعه دي عمرنا ما هنتقدم كده عمرنا
و ياريت نحافظ على كلماتنا
بلاش في داهية
مع 60 سلامه و الكلام الكبير ده
محدش فينا عاوز يسيب البلد علشان فقيرة , احنا عاوزين نمشي من الفساد والظلم
لبلد فيها خير وعدل
مفيش طرف مخطئ و طرف صح
الرأي القائل بأنك تسافر تهاجر تحسن مستواك الاجتماعي و تحافظ علي صحتك الجسدية و النفسية و لو امكن تأخد جنسية مع الاحتفاظ بجنسيتك الام صح مفيش فيه مشكلة
تطلع مشروع جدا طالما وجدت القدرة علي تحقيقه
الرأي القائل انك تخليك في بلدك تحاول علي قدر المستطاع قدر جهدك انك تعمل فرق و تغير و لو جزئيا الناس اللي حواليك
برضه سليم
بس الفرق
الاول حل فردي و مؤقت
الثاني حل نهائي جماعي
و زي ما حضرتك تفضلت و اشرت بأن الدول اللي تحب تعيش فيها دول متميزة بسلوك افرادها
فده مش صفة جينية فيهم دي عادات مكتسبة و ممارسات يتم التعود عليها جيلا بعد اخر
و بما ان هذه الشعوب من ضمن مميزاتهم التي نتحدث عنها هي الايجابية
فكيف نطمح الي العيش وسطهم و نحن لا نتخلق بأخلاقهم التي تعجبنا ؟!
الوضع القائم لن يستمر طويلا بل له نهاية :khd:
اين و متي الله اعلم :B4_611:
لكن ما اعلمه جيدا ان المصريين الذين بنوا الحضارة الفرعونية و بهروا العالم كله بحضارتهم قديما و حديثا
هم الذين هدموا الدولة الفرعونية و شتتوا اركانها و نزعوا الفرعون من علي عرشه - نتيجة ظلمه و فساده بعد حوالي 60 سنة حكم:36_1_34[1]: - و لم تقم بعدها للدولة الفرعونية قائمة ..:shine[1]:
متنازل و تغور بزبالتها. حسبى اللة و نعم الوكيل
كنت هاكتب تقريبا المشاركة دي
الخليج مش جنة
بس احسن من هنا
ولو اني عمري ما هافكر اعتبه ولا احط رقبتي تحت ايد حد
بس هو للأسف ...احسن من هنا
نبرر !!
حضرتك اللي شغال في النقاش على خط ان كل البلاد وحشة برضه
يعني عايز تقول ان العالم وحش زي مصر !!!
انت بتحاول فين بس الله يكرمك
ده المرار بقى يحرق القلب
مش السبب هو الفرق
انا تعبان من النتيجة
هي بقى إحنا أو اللي حكموها و لا اللي فكوها
الواقع هو المشكلة
و الله انا أحييك على شجاعتك و قدرتك على التحمل
ربنا يقوييك
انت بتخلط ورق كتير في بعض
احنا مش عازين نسيبها علشان فقر احنا اغنيا الحمد لله ولو سافرنا برا ممكن مستوانا يقل عن هنا شوية
أما الماليزيين و تالفنسيين و الألمان و اليابانيين و الأمريكان
دول كانوا قاعدين يعمروا و يبنوا في بلدهم ...علشان مستقبل لولادهم فيها
احنا بنحفر في البحر لا البلد بلدنا و لا المستقبل لولادنا
ما اقدرش لما بنتي أو ابني يكبروا يقولولي ما سافرتش ليه !!
زي ما باترحم على ابويا و اقول ياريته كان سافر
والدي ترك فرصة الهجرة وهو قدي تقريبا لأنه أمن بالبلد دي و ان فيه أمل فيها و فيها مكان ليا
و قبل مايموت كان دايما يقول لوالدتي ...انا اللي عملت كده
انا بقى مش هاعمل كده
دا كلام يوجع القلب فعلااقتباس:
قبل مايموت كان دايما يقول لوالدتي ...انا اللي عملت كده
رحمة الله عليه
فعلا يوجع القلب
والدي كان خريج علوم عين شمس بتقدير جيد قسم كيمياء و جيولوجيا
و طلع بعثة لروسيا في الستينيات لدراسة الكيمياء
ورجع مصر بعد النكسة باختياره و دخل الجيش كضابط احتياط لمدة ست سنوات من 69 الى 74 و ترك الجيش برتبة نقيب
و بعدها اشتغل في حديد و صلب حلوان مراقب وحدة في الأفران
و وقتها عرض عليه زميل الجيش و صديق الخندق السفر لأستراليا أو كندا و كان عادل صديق والدي ممرضا و قاله ان خبرته و مجال شغله مطلوبين هناك و ماكانش في وقتها معادلة و لا القرف ده
ورفض والدي بدعوى البلد و العيال و المستقبل
و لما الدنيا ازمت هنا قرر يسافر بس قسم البلد نصين
طلع السعودية و عشنا هناك 18 سنة
و رجع والدي بعد ما استقال من كتر اللي شافه من معاملة البدو (مع انه كان مدير ادارة تخطيط شبكات الكهرباء)
ما عرفش يعيش بفلوسه
و شاف من الناس اللي ما قدرش يتعايش معاه
و حاول يعمل مشروع أو يبدأ شغل
فوجيء بكم الفساد اللي ما اتعودش ولا اتعلم يتعامل معاه و اتنصب عليه مرة و اتنين
و قرر في النهاية يتقاعد تماما عن اي نشاط
و لحد موته اللي ما كانش بعيد
كان دايما زعلان على اللي عمله (فينا) انه ما سابهاش من زمان
والدي توفي وهو عنده 56 سنة بمرض مناعي يهاجم خلايا الدم الحمراء بدون أي سبب عضوي
و كان دايما الطبيب اللي بيتابعه " سوداني بريطاني" يقوله يا (سامي غير مخك و سافر اتفسح )
يبقى مين اللي موت أبويا !!!
والله يا factorial x عالرغم اني مش متفق معاك اوي فوجهه نظرك
بس احسدك بجد علي التفاؤل الي لسه جواك دا و اتمني انه يكون عندي شوية منه حتي عشان اقدر اكمل الكلية هنا حتي :((
سؤال مؤلم و صعب جدااقتباس:
يبقى مين اللي موت أبويا !!!
بغض النظر عن الحوار البيزنطي ،،،
التنازل عن الجنسية المصرية قرار مش سهل ،،
1- لو اتنازلت عنها من أصعب الجنسيات للحصول عليها
2- ولادك لأي سبب ( و ده غالبا اللي انتا شخصيا هتقرره ) لو قرروا إنهم يعيشوا في مصر ،، هيعيشوا في مصر علي إنهم أجانب ؟؟
3- أملاكك و حاجاتك أو حته أرض سبهالك أبوك ،،، هتابع الحاجات دي إزاي و تتعامل معاها إزاي و أنتا مش مواطن مصري
الخلاصة أنا عايزها مش عشاني لو عشاني مش فارقه بس عشان أولادي ،،، مينفعشي أقطعهم عن بلدهم للأبد
فعلا اتفق معاك .
لان خالتى لما نزلت تعيش سنة فى مصر و كانت عايزة تسقط الجنسية اكتشفت ان ليها استخدامات ( جوه مصر ) .
لو حد خد اى جنسية مش هيسقط الجنسية المصرية لانه لازم يشيل " الدرس " من جذوره و ده صعب بس ميمنعش الرغبة فى الحصول على اى جنسية محترمة .
خالتى لما حبت تدخل اولادها الجامعة هنا لاقت ان الجنسية ليها فائدة .
بس بصراحة مهما الواحد سافر و عاش فى ازهى و ارقى بلاد العالم لازم هيرجع مصر يقعد فيها شوية .
و مش المواطن المصرى بس , لا ده اى حد فى الدنيا لازم لازم يرجع بلده يشوف الناس اللى كان بيشوفها زمان و يشوف الشوارع اللى مشي فيها و اصحابه القدامى و و و و و و ألــــــــــخ .
و بعدها لما ياخد قسط من الذكريات يرجع لبلده التانية حبيبته , فالجنسية المصرية لما ترجع هيبقي ليها فوائد اياكش تكون بنسبة 1 % .
انا شايف ان الخسارة الاولى و الكبرى ان الابناء هيتربوا في محيط غير اسلامي ...
و اذا كان المهاجر هيحافظ عليهم و يعلمهم هويتهم فهل يضمن انهم يعملوا كده مع اولادهم ؟!!
فكرة ان احتمال (مجرد احتمال ) ان ذرية تفقد انتمائها و بالتالي دينها حتى و لو في الجيل الثالث
فكرة مرعبة جدا ... و هيبقى المهاجر مشارك فيها و شايل ذنبهم ..
الدين شيء جوهري و اساسي و اغلى من كل و اي شيء..
انا شايف انه فيها قدر من الانانية اني الواحد يدور على راحته و استقراره و ما يفكرش في احفاده..اعمل اللي عليا على الاقل
اللي بيتربى في بيئة معينة بيتأثر بيها ..مش بمزاجه ...حتى لو كان لايفعل مثلهم ..
فالي بيحصل حواليه هيبقى شيء غير مستنكر ..هيبقى عاادي يعني .. و ديه البداية ..
لو مهاجر طلب مني نصيحة ... هقوله سيب اولادك هنا في مصر ...يتعلموا و يكبروا و يدرسوا
هنا .. و لما يوصلوا لمرجلة النضج ..يسافروا اذا عايزين .. و يوصيهم يربوا ولادهم هنا برضه...
رحم الله والدك يا أستاذ أحمد سامي
مين قال محيط غير اسلامي ؟؟ ما كل واحد ينام على البلد اللي تريحه !!!
أنت عندك بعد ديني لا تغفله , يبقى ما تهاجرش إلا لبلد إسلامي علشان متتعبش
إنما احنا مش بناقش الهجرة -ماهو دي المفروض محسومة- , إحنا بناقش اسقاط الجنسية المصرية عن المصري , أمر مقبول أم غير مقبول؟
ولحد دلوقتي ومن أول الموضوع ما اتفتح و حزب الموافقون على إسقاطها أكبر من المتمسكين بيها و إن كان بنسبة بسيطة (حتى الأن)
اسمحلي يادرش
هو خالت حضرتك بقى كانت واخدة جنسية تانية ليه و هي ناوية تعلم عيالها في الخرابات اللي اسنها جامعات حكومة !!!
اول ميزة في الجنسية التانية هي فرصة التعلم في جامعات بجد
اما انك تتمشى في الشوارع و تشوف اصحابك القدامى .........فده مش محتاج جنسية مصرية
اولا ........مش هاتشيل ورز حد
ولو هاتشيل بقى
هم احفادي في مصر هاطلعوا ايه يعني (علشان هما في مصر)
المجتكع المصري يحض على الفساد و السرقة و قلة الأدب و اللي بيربي عياله هو اللي بيربيهم
أما لو كان اختزال الإسلام في الاختلاط و خلع الحجاب (وهي أشهر عيوب الغرب بالنسبة لينا) بهناك من القيم الغربية التي يحض عليها الإسلام في المعاملات و العمل ما تفقده مصر 100 %
لا المجتمع ده بيدي دين ولا هناك بيدي دين
الدين في قلب الأهل
انما في حاجات تانية بتبقى عايزها من المجتمع حواليك ...
من الأخر أنا عايز عيالي و أحفادي يكونوا أحرار
حتى لما بنتي تتحجب في بلد اجنبي ابقى عارف انها متحجبه علشان مؤمنة بكده
مش يحجبها مجتمع غصب عنها أو هي تتحجب علشان الناس في مصر ( وهي كل أملها تقلعه زي بنات كتير)
الدين اللي في القلب موجود في أي حتة
الدين اللي بالشبه ده
قلته أحسن
اصل الهجرة غالبا بتبقى شمالا..او على الاطراف...ما حدش بيهاجر على الاجناب :)اقتباس:
مين قال محيط غير اسلامي ؟؟ ما كل واحد ينام على البلد اللي تريحه !!!
أنت عندك بعد ديني لا تغفله , يبقى ما تهاجرش إلا لبلد إسلامي علشان متتعبش
و انا مش بناقش الهجرة ..انا قلت اسباب لرفض اسقاط الجنسية ...لو الهجرة للدول ديه ...
خالتى بره من 20 سنة و لما نزلت اجازة هنا قالت الجنسية ملهاش لازمة ..
لكن الظروف تحكم انهم يقعدوا فى مصر كام سنة و يدخلوا جامعات حكومية 2 دخلوا جامعات حكومية و مستحملوش اللى بيحصل فيها مع انهم الاتنين هندسة و حولوا لجامعات خاصة و التالت جه على جامعة خاصة على طول :)
هما لما نزلوا مصر و قلت لهم مش هتستحملوا الجامعات المصرية مصدقونيش الا لما شافوا بعينهم بس برده الجنسية المصربة كان ليها دور حتى لو كان قرفهم سنة . D:
الفساد و السرقة و قلة الادب vs التحرر ولا قيود لكسر (كل) القيود ..مين اللي يكسب ؟اقتباس:
اولا ........مش هاتشيل وزر حد
ولو هاتشيل بقى
هم احفادي في مصر هاطلعوا ايه يعني (علشان هما في مصر)
المجتمع المصري يحض على الفساد و السرقة و قلة الأدب و اللي بيربي عياله هو اللي بيربيهم
+اللي بيربي العيال مش حضرتك بس ....لا ده المدرسة و الاصحاب و الشارع ...و دول هنا على عيوبهم محدش هيصورله الانحلال على انه شيء عادي و لا حد هيفهمه انه مفيش حاجة اسمها قيود على اشياء معينة ..كله مباح يا فنان .... و هو لو رفض اخبار اولاده ايه ؟
و ارجع اقول و افترض و بيحصل ..الجيل الاول هيبقى تمام .. و اللي بعده ؟ و اللي بعده ؟
يا دكتور احمد التجربة سيئة جدا في الموضوع ده بالذات ...
لو افترضنا ان المجتمع هنا ما بيديش دين ...بس هناك بيدي لا دين...مفيش مقدس..مفيش خط احمر..اقتباس:
لا المجتمع ده بيدي دين ولا هناك بيدي دين
هوه مين ده اللي يقدر يغصب على بنت انها تتحجب !! يورينا نفسه كده :))اقتباس:
مش يحجبها مجتمع غصب عنها أو هي تتحجب علشان الناس في مصر ( وهي كل أملها تقلعه زي بنات كتير)
اعتقد اننا في النقطة ديه وصلنا لمرحلة نظرة محترمة للبنت الغير محجبة ..ما يتهيأليش انه حد بيقربلها..فما عادش حد بيتحجب خوفا من ارهاب المجتمع ..قليل الكلام ده اوي :)
اخيرا عشان ابو رقية ما يتهمناش بزعزعة استقرار الموضوع ...
عايزك تتخيل معايا كده اتوافق لك على الهجرة لكندا و رحت و اخدت الجنسية و ولادك معاك طبعا
و قدمت طلب اسقاط الجنسية و جم ولادك مصر عشان كندا اصدرت قانون منع الحجاب في المدارس و يستقروا هنا لقوا انهم مايقدروش يقيموا في مصر اصلا لعدم انطباق الشروط ..شفت انت هتبقى ظلمتهم ازاي بإسقاط الجنسية:)
و رجعوا تاني كندا مضطرين ...و تعايشوا مع الوضع(ده مثال واحد)
غمض عينيك و اطلع لقدام 60 او 70 سنة ...و قولي شايفهم ازاي :))
ههههههههههههههه سبير يعني...اقتباس:
طيب كده انا معاك في النقطة الأخيرة دي
يعني ممكن نقول نخليها من باب الاحتياط !!
الخطوة الجاية الغاء فكرة الهجرة ان شاء الله :)))
ربنا ييسرلك الخير يا دكتور ... و انا كمان :)
لما تبقي جنسية اساسا ابقي اتنازل عنها دي اسمها اللعنة المصرية
كفاية عدم معاملتي كبني ادم جوا بلدي و خارج بلدي البلاد الي مفروض مشتركين في دين واحد و دم و احد بيدوسو علينا فما بالك بالبلاد الغريبة
انهي جنسية دي الي تجيب لصاحبها العار ؟؟!!!
انهي جنسية دي الي الاجنبي ياخد فيها حقة اكتر من ابن البلد ؟
انهي جنسية الي الطبقة الي واخدة حقها فيها هي طبقة "الراقصات" و الفنانات و الذي منة؟
مع السلامة جنسيتي المصرية مع اول فرصة
احمد حلمي جابها من الاخر
" الباسبور الاجنبي بيجيب هوا حلو "
اعيش برة كمواطن له احترامة و لما احب ازور اهلي ابقي اجي كاجنبي
أحفاد إيه بس , يا بيه إحنا لو فضلنا فيها لا حيبقى في أحفاد وحتى لا عيال !!
دول لو مماتوش من المسرطنات اللي في الأكل (اللي مش حتظهر على الشعب قبل 20 أو 30 سنة) ممكن اتنين مخبرين يدخلوا يموتوهم !!
ده كده تأثير على المصوتين ... الحياد سيدي العضو :))اقتباس:
أحفاد إيه بس , يا بيه إحنا لو فضلنا فيها لا حيبقى في أحفاد وحتى لا عيال !!
دول لو مماتوش من المسرطنات اللي في الأكل (اللي مش حتظهر على الشعب قبل 20 أو 30 سنة) ممكن اتنين مخبرين يدخلوا يموتوهم !!
ماهم ممكن يتوفوا في حادث عربية في منتجعات الريفييرا الفرنسية :))
الكلام فيه شوية مبالغة ...احنا لسة ما وصلناش للبلد البوليسية بعيدا عن السياسة ...
لكن ما اعلمه جيدا ان المصريين الذين بنوا الحضارة الفرعونية و بهروا العالم كله بحضارتهم قديما و حديثا
هم الذين هدموا الدولة الفرعونية و شتتوا اركانها و نزعوا الفرعون من علي عرشه - نتيجة ظلمه و فساده بعد حوالي 60 سنة حكمhttp://www.nilemotors.net/Nile/image..._34%5B1%5D.gif - و لم تقم بعدها للدولة الفرعونية قائمة ..http://www.nilemotors.net/Nile/image...ine%5B1%5D.gif
يعني هااااااانت خلاص فاضل 30 سنه تانين و بس :verygood:
فعلا في استخفاف بعقولنا خصوصا من قبل اجهزه الاعلام و الصحافه المصريه....مفيش اكتر من ان سيد و هناء (الراقصه و الطبال) في 48 ساعه طالعين يوقلو يا جماعه لازم نصدق وزاره الداخليه في قضيه خالد و ان الكسور دي نتيجه انو وقع من عربيه الاسعاف....و الاسبوع اللي قبلها كان ابتلع لفافه بنجو....دا غير مصر النهارده (طبالين الحكومه) و خيري رمضان الكلب اللي نهش في عرض خالد مع انو انسان متوفي..تامر امين....هو فعلا امين بس امين شرطه
البعد عن الدين و الفقر سبب المشاكل كلها
البيروقراطية المحسوبية الرشاوي كل حاجه
مصر مش هتتقدم إلا لما يتم توزيع عادل لثروة البلد إلا لما نؤمن إحنا إن دي بلدنا و إحنا هنخليها أحسن
هما ( و محدش يقولي هما مين ) عايزن كدا عايزين إننا نفقد الأمل في البلد عايزنا نقول تغور و تروح في داهية عايزنا نحس إن مافيش فايده
بس الأمل موجود صاحي و بيلعب كمان
السلام عليكم و رحمة الله و بركاته
كلاكيت تاااااااااااالت مرة
أنا بقه والدى حصل معاه نفس الموضوع بالمللى بس الفرق أنه توفى بالسكتة القلبية و هو عنده 52 سنة و ماكانشى بيشتكى من جنس حاااااااجة .
بس الفرق أنه اتعرض عليه اييييييييييييييييه:Oc_sun1[1]:؟؟
اييييييييييييييييه تتخيلوا يا جماعة:Oc_sun1[1]:؟؟؟؟
الجدع يقول:10D5C8w1107: ؟؟؟؟؟
اتعرض على والدى الله يرحمه ؟؟؟؟؟؟
سويسرا:biggrin2:
شوفتوا الهنا اللى أنا فيه
الآدمية و الاحترام اللى فى سويسرا و اللى أنا شوفتها بعينى , تخليك تعيط و الدموع تنزل من عينك .
آه و الله العظيم, لما تشوفوا الناس هناك بتعامل بعض ازاى و بتعاملك كمواطن من دولة فقيرة من العالم التالت المتخلف ازاى, و الله تعيط و تتدمع من حلاوة المعاملة و العيشة اللى هناك.
و على فكرة , أنا كمسلم لى كاااااااااااااااامل الحرية فى ممارسة شعائر دينى هناك أكتر من مصر بكتييييييير:khd:.
و ده اللى خلانى أقرر ان أهاجر كندا و الحمد لله و لله الفضل و المنة , ربنا وفقنى فى اجراءات الهجرة بسهولة و يسر منقطعى النظير, زى ما يكون ربنا سبحانه و تعالى عاوزنى فعلا أسيب البلد دى.
أنا لما كان حد من أصحابى يسألنى على اجراءات الهجرة كنت أقولها له , لما كنا نيجى عند نقطة التكلفة و الفلوس , ألاقيه يطنش و ينسى الموضوع:H_angry[1]: .
أنتوا عارفين أنه و لله الحمد و بفضل الله تعالى, اجراءات الهجرة من الألف الى الياااااااااااااااء , شاملة رسوم التقديم ( 550 دولار كندى ) و الأوراق و استخراج الشهادات و ارسال الأوراق الى سفارة كندا اللى فى لندن بالبريد السريع الدولى- لأنى كنت مقدم من السعودية - و الكشف الطبى اللى اتكلف لوحده 750 جنيه و رسوم امتحان الأيلتس بتاع الانجليزى فى السعودية ( 800 ريال ) و تكاليف الفيزا ( 490 دولار كندى ) لحد ما استلمت الباسبور و فيه الفيزا, كااااااام يا ترى ؟؟؟؟؟
و الله العظيم عشرة الاف جنيه مصرى لا غير.
يمكن لأن أنا مقدم لوحدى و مفيش معايا لا زوجة و لا أولاد :B4_033:.
و النبى ده مبلغ يخلى الواحد يشاور عقله, ده فيه شباب من قريتى ( ميت الكرمة و جوجر ) جمبنا هنا فى المنصورة - دقهلية, بيدفع الواحد فيهم ستين ألف جنيه عشان يسافر ايطاليا بالبحر تهريب من ليبيا , اللى هو لو ماوصلش و حرس الحدود قبض عليه , يبقى غرق و ماااااااات.
أقوم انا استخسر 10000 جنيه مصرى فى الموضوع ده.
ربنا ييسر لكل الشباب الجاد المحترم اللى عنده استعداد للتعب و الكفاح يا رب.
مازيراتى
بلدياتي يعني انا من المنصورة كماناقتباس:
و النبى ده مبلغ يخلى الواحد يشاور عقله, ده فيه شباب من قريتى ميت الكرمة و جوجر جمبنا هنا فى المنصورة بيدفع الواحد فيهم ستين ألف جنيه عشان يسافر ايطاليا بالبحر تهريب من ليبيا , اللى هو لو ماوصلش و حرس الحدود قبض عليه , يبقى غرق و ماااااااات.
و ربنا يسهلك إن شاء الله في كندا
بس إستعد لسيل من الاسئله من الأعضاء