مش محتاجة الراجل حاطط لينك فى توقيعه فيه الخلاصة :)
انا مش فاهم اللى يقولك مصر وطنى وبتاع و بموت فيها والحواديت دى ع اية ؟!!! هى كانت اديتلك اية ؟!!
الأهل أهلى هم اللى صرفوا عليا مش مصر واتعلمت بفلوسنا دروس خصوصية ودم قلبى و الكلية برضوا من فلوسنا و بنصرف ع نفسنا من عندنا و ضرايب و بندفع اتاوى و مش مكافية صرفت عليا فى اية مصر انا مش فاهم غير الغم و الهم و الحيرة و القلق و الضغط وكل الامراض المصرية العصرية هاهاهاهاهاهااا مياة ذفت و اكل ضايع حتى الحاجة بنشتريها أغلى 10 اضعاف من كل باقى شعوب العالم !!! بتحبوااا فيها اية !!!!!!!!!!!!!!!!!!!!!!!!!!!!!!!!!!
والله حتجنن بتحبوا فيها اية غير كاس افريقيا و جدو و ابو تريكة و و و و و اعلانات ميلودى !!
السلام عليكم و رحمة الله و بركاته
أنا على استعداد لأى سؤال من أى حد كان , فى صحرا كان أو بستان أو فى بلاد الواق واق أو بلاد الهند و السند و بلاد تركب الأفيال.
لأنى على قناعة تامة أن أى خير بعمله , عيعود لى فى كل شئ فى حياتى و أنه هيكون السبب أن ربنا ان شاء الله هيوفقنى و يجبر بخاطرى .
مازيراتى
هاهاهااقتباس:
والله حتجنن بتحبوا فيها اية غير كاس افريقيا و جدو و ابو تريكة و و و و و اعلانات ميلودى !!
The Worst of the Worst - By George B.N. Ayittey | Foreign Policy
مصر إدتنا لأ ده كتير اوي بقى
إتعلمت بفلوسك !!
أنا في كلية هندسة جامعة القاهرة بدفع 166.88 جنيه في السنه + دروس 2000 في السنه بالكتير
يبقى إنا أتعلمت بفلوسي صح !!
خليك بقى أمريكي هتفضل 10 سنين من عمرك بتسدد في قرض التعليم الجامعي اللي أخدته عشان تدخل كلية هندسه
هو صح في فارق تعليم كبير بس التعليم في جامعة القاهرة ب166 جنيه في السنه و لا تعليم في جامعة أمريكية 166 ألف دولار
و عجبي بجد
لا كدة هتزعلنى :) يعنى انت ممكن تقول على مصر أى حاجة ، ممكن تحبها زى مانت عايز وتموت فى ترابها وحكومتها زى ماتحب ، إنما المقارنة مش فى صالحك أبداً.
انت فى العشر سنين دى دة بفرض صحة كلامك يعنى لأن خد بالك ان المتميزين هناك ليهم منح وامتيازات تانية كتير ، والمتميز هناك مش لازم يكون ألبرت أينشتاين يعنى عندنا فى مصر منهم كتير أوى.
بس بفرض صحة كلامك فتأكد تماما انه هيقضى ال 10 سنين دى بعد ما يتخرج من الكلية بياخد مرتب قادر انه يغطى تكاليف القرض والسكن والأكل والشرب والعيال والمصاريف ويفيض منه كمان ....
مش نظام بيحف تراب ال 10 سنين دى عشان يسدد القرض مفيش كدة :)
هو حضرتك فاكر انك بتتعلم !!!
انت ما بتتعلمش
انت بتشارك في مسرحية هزلية ابطالها هم بعض من يسمون أعضاء هية التدريس و شوية أوض اسمها معامل و لا مدرجات على كام طن ورق و حبر
أنا باشتغل في الجامعة و بادي كورسات و باعمل معادلة اجنبية
أنا عارف 100 % اني ضيعت خمس سنين من عمري في المسرحية دي
و طلعت بجيد جدا بمرتبة و ترتيبي ال15 على دفعتي
ولما بدأت المعادلة اكتشفت اني مانفعش اشتغل فعلا الا في مصر
احنا بيتعمل علينا شغل في التعليم يا باشا
166 ايه بس
أنت واخد بالك من اللى بتقولة !
أنت مدرك اساسا بتقول اية ؟!!!!
يا بشمهندس الخريج هناك بيعمل فى اول سنة شغل اللى انت و انا و كل المنتدى دة حيعملوا فى عشر سنيين !!
أنت عارف يعنى شهادة مثلا مثلا مثلااااا الجامعة الأمريكية الصغنونة دى اللى قد ربع جامعة القاهرة اللى فى التحرير دى !!
انت بالشهادة دى بس ضامن شغلك وانت لسة فى سنة تانية !! و كمان ضامن مرتبك !
قرض اية بس اللى انت بتقول علية اللى حسددة فى عشر سنين ! ياراجل اتقى الله بقى بدافع عن اية !
والله دفاعك خسران ولو جبت لجنة ثلاثية برضة ههههههههههه
و بعدين القرض اللي هاتقعد تسده طول عمرك
بتسده و انت شغال في احسن حته و من مرتبك و تعليمك عايش كويس و محترم
هنا بتطلع عواطلي و بتدور على أي حد يشغلك في أي حتة علشان "تتعلم" في الشغل
ال166 دول تمن الورقة اللي بتثبت انتماءك لمهنة ما ....مش كفاءتك فيها
أمال المعادلات معموله لينا ليه من فلاحتنا مثلا
أة ونسيت اقولك بعد اربع سنيين مذاكرة و فحت وسهر عشان الماجيستير أخدت العلاوة
انا بس بقولك عشان العشر سنين القرض اللى بتقول عليهم
علاوة الماجيستير ياباشا
17 جنية ونص يا حبيبتى يا مصر يامصر ترااالملم
السلام عليكم ورحمة الله وبركاته
أنا كنت مقدم انجليزى مش فرنساوى لأن معلوماتى عن اللغة الفرنسية زى معلومات حضراتكم عن اللغة بتاع منغوليا:Zb_sor1[1]: , أنا مارضيتش أقول اللغة اليابانية أو الصينية لا يطلع حد فيكم بيعرف يابانى أو صينى !!!!!:ma(30):
مازيراتى
السلام عليكم ورحمة الله وبركاته
مبدئيا اللينكات دى فيها كل البهاريز للى عاوز يعرف كل حاااااااجة عن الليلة دى
مازيراتى
maseratii بجد الف شكر وان شاء الله ربنا يوفقك و تطلع برة و تشوف الدنيا يارب و كلنا وراك أمييين
ربنا يكرمك انا بقول تشيل اللى يفيض فى دفتر توفير عشان الأولاد ، لما يكبروا كدة يحسوا بنعمة مصر عليهم وتشوف أثر ال 17 جنيه ونص على عيالك وعيالهم.
يا ساتر على الناس الجاحدة ، مصر تأكلك وتشربك وتسكنك ب 17 جنيه ونص وتعلمك ب 166 جنيه ونص ومع ذلك تلاقى ناس ياكلوا وينكروا ...
سبحان الله,
و لا حول ولا قوة الا بالله,
انا بجد مستغرب جدا من الكلام ده!!!
معلش يا جماعه لو انتوا مبتحبوهاش و مش طايقنها و مش عايزينها دي حريتكم الشخصيه,
و يا رب كلكم ربنا يوفقكوا جميعا و تخرجوا منها بسلام,
بس يا ريت محدش يغلط فيها,
لان زي ما انت بتكرهها في غيرك بيحبها و مستعد يموّت نفسه علشانها و اكيد مش هيستحمل منكم كلام عليها,
المشكله ان الناس بتقول ان ده نقد!!!
انما للاسف ده ليس الا تجريح و سباب علني لبلدي الي اكيد مش هسمح لحد يغلط فيها
ده لما واحد فيكوا حد بيغلط في عربيته و يقول عليها كلمه بتقوم عليه حرب و مواضيع و الراجل ده مبيسلمش لمجرد انه غلط في حتة حديد ماشيه على اربع كاوتشات هوا, ما بالكم في واحد بيغلط في بلدي !!!!!!!!!!
ارجو من الاداره انها تقفل الموضوع لانه بجد مستفز لاقصى درجه لانه قلب على تريقه و تهكم على بلدي و ده شيء انا عن نفسي معتبروش من بنود حرية التعبير او الراي
مصري و افتخر
( و ان لم يكن حب الوطن عباده لما كان الموت في سبيله شهاده )
دي حاجه مبتدرسهاش و تحفظها صم عشان لما حد يسألك تسمعها,
دي حاجه بتتحس
لو حضرتك هتمنع الحديث علشان الإستفزاز يبقى هينتهى الأمر ان ميكنش ليك الحق انك تكلم لا فى شئون سياسية ولا اجتماعية ، مش كل حد استفزته كلمة ولا موضوع هيعمل حكاية.
ما أنا المفروض كمان أستفز لما حد يقولى مصر خيرها مغرقك وبتعلمك ب 166 جنيه ونص وتأكلك ب 17 جنيه ونص ، بس عادى باخد الكلام وأتعامل معاه.
ثم إن مصر ليست من المقدسات التى تمنعنا من السخرية والتهكم كما نشاء ، دة واقع نعيشه يومياً.
Enough of the crying about being offended
حضرتك انا ليا الحق اتكلم و انتقد حكومه و شعب و مواقف و سلبيات,
انما مينفعش انتقد و اتريق و اتهكم على بلد و ارض و كيان بقاله الاف السنين عدى عليه الكويس و الوحش و الظالم و العادل و الفاسد و الامين و السلبي و الايجابي,
عايز تشتم اشتم الي ظلمك انما البلد دي فوق كل شيء,
و معلش انا مختلف معاك لان مصر دي وطن و الوطن فعلا شيء مقدس " لأهله "
المشكله ان نفس الناس الي بتهاجم هي نفس الناس الي بترفع علم مصر ساعة ماتشات امم افريقيا و بتنزل تهيص في الشوارع,
ده نسميه ايه؟؟؟؟
هي على الحلوه و المره ولا على الحلوه بس و لما تمرر يبقى تغور في داهيه!!!!!
هو في كده في الدنيا ؟
حضرتك الوطن ينكون من أرض و شعب و حكومة
محدش عاب في الأرض و أعتقد كل اللي عاوزين يسيبوها لو حسوا إن الأرض في خطر حيفدوها بأرواحهم و ده العادي من الشعب ده
الشعب رغم إن لينا فيه بعض التحفظات إلا إنهم أهلنا و ناسنا ومحدش عاب فيهم (قوي)
أما التالته دي هي اللي يتفاتلها بلاد وهي سبب ضعف الإنتماء و الإستعدادا للتنازل عن جنسيتها
أحييك بجد
أنا قلت بغض النظر عن المستوى التعليمي
بال166 جنيه إدانا في الكلية أحسن دكاترة هندسة في الشرق الأوسط كله
أنا بقارن بين واحد بيدفع ملاليم في التعليم و واحد بيدفع كتير جدااا في أمريكا
لو بال166 دولا علموني إزاي أصمم كمره بس يبقى عداهم العيب و أزح
يا جماعه ما هو لو كانت كلية هندسة 166 ألف كنا هنتعلم أحسن تعليم
بس بالنسبه لمستوى دكاترة كلية الهندسه جاحد ثم جاحد اللي هيقول أنا متعلمتش حاجه بال166
stop the hate
سؤال صعب
حال البلد فى النازل ومش باين ليها قومه إلا بإنتفاضه زى أحمد عرابى او سعد زغلول
بس فين تلاقى شعب و رجاله زى دول تانى
كل واحد بيقول يلا نفسى
وطالما باكل وأعيش ميهمنيش
مايعرفش إن بكره كده كده الدور جاى عليه
بمزاجه او غصب عنه
مش عارف لو انا سيبتها وده سابها وانت سبتها مين هيقومها تانى بس فى نفس الوقت حرام الواحد يضيع حياته هنا فى بلد مجهوله المستقبل
وعجبى
السلام عليكم و رحمة الله و بركاته
أنا عن نفسى كانسان مسلم و مؤمن بالله - سبحانه و تعالى - حليت مشكلة الوطن دى حلا سهل و جدرى بالنسبة لى أنا مش بالنسبة لأى حد تانى و كل واحد حر مع نفسه.
أن الله سبحانه و تعالى خلق الناس على سطح الأرض باختلاف أشكالهم و جنسياتهم و ألوانهم و أن كل هؤلاء الناس ينقسمون الى قسمين لا ثالث لهم, اما أناس يؤمنون بالله سبحانه و تعالى و هم بصرف النظر عن مكانهم و جنسهم و أرضهم و ألوانهم و أشكالهم و جنسياتهم, فهم - ان شاء الله - سوف يدخلون الجنة بدرجات متفاوتة , كل على حسب عمله و أن الله سبحانه و تعالى يوم الحساب لن ينظر الى الشخص المؤمن, ما ادا كان مصرى أو كويتى أو ماليزى أو أمريكى أو سعودى الى آخره........, هده الأمور لن تساوى شئ عند رب العالمين سبحانه و تعالى يوم القيامة و يوم الحساب.
القسم الآخر و هم الناس الدين لا يؤمنون بالله سبحانه و تعالى و لا يعتقدون أن الله سبحانه و تعالى هو الاله الواحد الوحيد - تعالى الله علوا كبيرا عما يقولون - و هؤلاء سوف يكون مصيرهم الى النار و العياد بالله, و أيضا بصرف النظر عما ادا كان هدا الشخص مصرى أو يابانى أو كويتى أو قطرى أو صينى أو أمريكى أو روسى و الى آخره............
و بالتالى , لأننى أرجو من الله سبحانه و تعالى أن يحسن ختامى فى هده الدنيا حتى يكون مصيرى الى الجنة و ليس الى النار, فأنا أرى لشخصى أنا و لا ألزم أحد غيرى بدلك, أننى يجب أن آمن بالله سبحانه و تعالى و أن ألتزم بأوامره و نواهيه بقدر ما أستطيع و أن لا أضيع أى ثانية من وقتى فى الحرب و الجدال و الكلام عن أن مصر هى وطنى و أن مصر هى شئ مقدس لا يجب المساس به و أن الموت فى سبيل مصر هو شهادة لأن الشهادة تنال بالموت فى سبيل الله و فى سبيل اعلاء كلمة الله و فى سبيل نشر دين الله و ليس بالموت فى سبيل الوطن؟؟؟؟؟.
كلمة الوطن و التعصب للأوطان الاقليمية كمصر و ليبيا و الكويت و السعودية و ما الى دلك, و أن يتعصب المصريون لمصر و أن يتعصب الليبيون لليبيا و يتعصب الكويتيون للكويت - اللى لما حصل الغزو العراقى, كل واحد ركب عربيته و جرى - , كل هدا, أنا اعتبره أمور مما قال عنها الرسول - صلى الله عليه و سلم - دعوها فانها منتنة و كان يقصد بيها القبلية المنتنة, و هى التى وضعها الاستعمار الأجنبى مند أن جاء الى البلاد العربية فى اواخر القرن التاسع عشر و حرص على أن تظل بعد أن ترك هده البلاد و عاد الى دياره حتى تظل هده البلاد فى تقطع و تشرزم و حروب و منافسات و ضغائن, حتى لا يأتى اليوم الدى تتحد فيه و تصبح قوة .
لو بصينا على التاريخ الحديث نظرة سريعة, سوف نجد أن الاستعمار الأجنبى ترك البلاد العربية ساعة ما ظهر فيها البترول و الثروات فى منتصف القرن العشرين تقريبا, هدا فى حد داته تصرف غبى:T_thum1[1]:, بقى هو الاستعمار يسيب البلاد اللى كان مستعمرها أول ما تبدأ تتغنى و يظهر فيها الثروات !!!!
لأن الاستعمار تركها و هو سايب وراه سياسات و نظم و عملاء و قواعد و قوانين هتجعل هده البلاد لن تقوم لها قائمة و بالفعل, قد كان, و الدليل هو ما وصلنا اليه الان بعد مرور 60 سنة على خروج الاستعمار, و من ضمن هده الأشياء التى تركها الاستعمار فينا ,هى التناحر و الكراهية و الضغينة بين الدول العربية بشكل يندى له الجبين خجلا و اللى هو مش موجود مثلا بين الانجليز و الفرنسيين دلوقتى و لا بين الألمان و الانجليز و لا بين الألمان و الانجليز و لا بين أمريكا و اليابان, ده بالعكس , الدول دى عندما ترى أنه من الصالح لها أن تتحد فانها تنسى كل الماضى و تهدم كل الجواجز و تتحد و تتفق و كأنهم لم يكن بينهم أى شئ فى الماضى .
و ده رأيى أنا و انا حر فيه .
شكرا
مازيراتى
بعد متابعة للموضوع و شوية تفكير فضائي و شوية احلام
وجدت ان الإختيار رقم واحد هو الأنسب (و هو المتقدم على فكرة بفارق كويس!)
يا اخواننا ... كونك تتخلى عن الجنسية المصرية لا يعني إلا نهاية ارتباطك بالحكومة المصرية! طب و هو يعني الحكومة باسطاكم اوي ؟
تعليم ؟
مجاني... بجودة = الصفر الصحيح شبه بتاع المونديال بالظبط!
و التعليم العالي كذلك... لا يوجد تخصص بالمعنى الصحيح ... لا يوجد تعليم و لا بحث علمي حقيقي... دا الواحد لو كان قرأ الكتب اللي كان بيدرس منها بدون دكاترة ... كان طلع بمنفعة اكبر ... كفاية إحترام عقلية القارئ اللي موجودة في الكتب دي(انا كنت في تجارة انجليزي و الكتب كانت اجنبية)
العدد الضخم من الخريجين من التعليم العالي كل سنة شئ غير منطقي و لا يحدث غير في مصر ... اصلاً في ناس الجامعات جهلاء ... لية الحكومة بتصرف عليهم ؟
166 جنيه اية بس يا جماعة ... هو دا تعليم ... دا فعلاً مش تعليم ... كل حاجة بقت بيزنس فعلاً ... دا تمن الورقة ... اللي بعد ما تاخدها هتبدأ تدور بقى على مكان تبداً تدرب فيه او كورسات او او او ... لأنك اصلاً متعلمتش و بالتالي غير مؤهل!
صحة ؟
صفر برضه ... و اكبر دليل الأطباء اللي اشتغلوا فترة في الخارج ... مش هقول اشتغلوا في كوكب زحل .. بس كانوا في دولة عربية ... فرق شاسع بين المستوى الصحي هنا و هناك ...!
حتى مفيش وعي صحي اساساً عند الناس هنا ... مفيش ثقافة استخدام الـdisposables في العيادات إلا ما ندر
و لا المقاهي.... لا تعليق اساساً من البلاوي اللي فيها و قلة النظافة و كله شغال.
ابسط حاجة... برة حدود مصر لو سمعت صوت سرينة إسعاف هتاخد يمينك بطريقة تلقائية ... هنا هتبص في المراية عشان تتأكد إذا كان اللي مشغل سرينة دا توك توك ولا موتسيكل و لا "ثعبان البحر" راكب عربية متفيمة دارك !
دا غير انك لو لا قدر الله احتجت عربيتك في موقف طارئ .. ممكن بكل بساطة متعرفش تتطلعها من الركنة لأن واحد قافل عليك ...
قانون و أمن ؟
زيرو برضه....
اكيد خايف على عيالك و مش بتنزلهم من البيت لوحدهم إلا في اضيق الظروف و بتوديهم المدرسة و الدروس بعربيتك و لو في إمكانية هتجيب للمدام عربية عشان توصل العيال و تستناهم لأن المواصلات غير آدمية و انت هتخاف على عيالك.
دا غير التسييب المروري...يتكتب فيه منتدى كامل
اية تاني؟
كهرباء و بتقطع عشان البلد مش قادرة يا حرام عالتكييفات
كباري و عليها مطبات
طرق سريعة و عليها نقر و حفر مميتة
مياه ما يعلم بيها إلا ربنا
انا افضل ان اقطع صلتي بالحكومة ... بس كإنسان لسة مصري عالأقل هكون واجهة كويسة لبلدي في الخارج لو ان شاء الله عرفت اخرج
معلش اسمحلى اقولك يا هندسة لو بغض النظر عن المستوى التعليمى ...مش هيبقى فيه مشكلة من اساسه
طيب سؤال حضرتك بتقول
"أنا في كلية هندسة جامعة القاهرة بدفع 166.88 جنيه في السنه + دروس 2000 في السنه بالكتير"
هل خدت الباقى من صراف الخزنة كامل.....و لا انت اديته 166.88 بالظبط؟؟
هل لاحظت ان جزء كبير من المصاريف يندرج تحت بند تطوير المعامل و الأجهزة و محطوط بلطجة؟؟
انا طبعاً ما بتكلمش فى القيمة نفسها و لكن ف المبدأ ...يعنى انا عندى يقول ادفع الف مصروفات دراسية...افضل من
انه يفرض رسوم و لو بسيطة تحت اى مسمى خزعبلى و تروح فى الهواء
طيب خدت بالك انت بتصور ورق بكام فى السنة و بتجيب ملازم مراجعة بكام و فى الاخر لما السنة تخلص مصيرهم الزبالة؟؟
طيب خدت بالك من كتب المعامل اللى بتكع فيها و بتشتريها فردة عشان يتمضيلك عليها فقط انك حضرت التجربة و تاخد درجتها وليس لها اى فايدة تانى....ابتزاز عينى عينك
و بالمثل الجداول و المنحنيات اللى بيسمح بدخولها الامتحانات
طبعا ده مع افتراض ان المعمل شغال و حلاوة !!!
طيب جربت تشوف فلوس اللى بتيجى للكلية من منح و خلافه بتترمى فى شوية احواض زرع و رخام و بوية ع الأسفلت و الأرصفة
و ياريتها حتى بتتعمل بذمة بتتعمل اى كلام...في حين المعامل و تجهيزات الكلية فى امس الحاجة للفلوس ديه؟
طيب جربت تتقرف و انت فى معمل اتصالات و تسيب كارنيهك للبيه بتاع المعمل عشان يديك مقاومة و لا مكثف عرة و بعدين يطلع بايظ و يقرفك بيه؟؟
مش عايز اقولك انك موضوع الدروس الل انت قلته ده مصيبة فى حد ذاته....مش عشان هى غلط
لأ عشان احنا بقينا بنعتبرها عادى!!
طيب شوفت بتوع اعدادى مسحولين فى فرع الشيخ زايد عشان يفضوا مكان للساعات المعتمدة؟؟
ان مش ضد ان واحد يدفع كم الف يقعد بيهم فى التكييف و يدلع و يشوف نفسه...بفلوسه ياسيدى و ربنا يباركله
انما يدرس مناهج منقحة و مخففة عن اللى انت بتاخده....و يتاح له دراسة فروع و تخصصات مش متاحة لابو 166 جنيه
لأ و يتعامل معاملة احسن و يتساهلوا معاه فى التقييم و التصحيح..لأ بقى اسمحى اقول ....تــــــــيـــــــــت تيت تيت
بمناسبة الكمرة اللى انت اتعلمت تصميمها او لسه هاتتعلم......جربت ان الدكتور يقولك انك تغيير اجابتك ف الأمتحان فى طريقة حساب الأحمال
و تحسب للكمرة المستمرة بقيم الكمرة ال ( Simple) رغم ان ديه احد البديهيات يعنى اللى مبيعرفش حاجة هيعملها صح...
..و كل ده عشان يعرف اللى حضر المحاضرة من اللى محضرش؟؟ مش اللى فهم من اللى مفهمش!!!
لأ و احب اقولك ان محدش لبس ف الحيط اد اللى حضر المحاضرة ساعتها!!....يعنى هو محاولش يعرف الناس بتهرب ليه و يحل المشكة
....هو بينتقم بس .........هو ده احد افضل دكاترة الشرق الأوسط!!
يا راجل مش بقولك تييييييت تيييييت تيييييت ده تعليم!!!
بس احب اقولك برده انى برده شوفت الدكتور اللى بيوزع كتابه ع الدفعة كلها ببلاش رغم انه ما فرضش الكتاب
على حد و الكتاب فعلاً مرجع و يستاهل انك تشتريه.....و شوفت المعيد اللى بيقعد بالساعة و الأتنين بعد ما الشكشن يخلص
عشان يرد على اسئلة الطلبة رغم انه ممكن ينفض لهم و يمشى ....و شوفت نفس المعيد بيدى محاضرة للمراجعة من نفسه
و بينبح صوته من 10 ل 4 فى عز الحر رغم انه مش مفروض عليه
و لو كان ادى ربع مجهوده للدروس و ورقها كان بقى مليونير....و شوفت حاجات تانية كويسة
بس الغالب ف الموضوع هو السىء ( وجهة نظر شخصية)
ارجو انك ما تتضايقش من كلامى و ما توجعش دماغك بانك تثبت انه صح او غلط ...لأن انا مش باتكلم بغرض ان اطلعك غلطان و انا صح او حتى اقنعك برأيى ....بالعكس انا محترم رأيك
بس انا حبيت اوصلك ان كل واحد بيشوف من زاوية و فيه حاجات كتير نسبية....و اللى ممكن اموت من حرقة الدم بسببه ممكن تكون حاجة عادية بالنسبة ليك ....و العكس صحيح
فرجاء يا جماعة كل واحد يحترم رأى التانى و وجهة نظره.....يعنى اللى شايفها سودة كحل و مافيش امل وضح له مواطن الأمل فين و سيبه يقتنع ما يقتنعش براحته
و اللى شايفها وردى او ع الأقل متقبل الأوضاع محدش يعقده و يسودها فى وشه!!!
تحياتى للجميع
يا عم تغور بقرفها , موافق طبعا بلاااا تردد
السلام عليكم و رحمة الله و بركاته
أنا عن نفسى كانسان مسلم و مؤمن بالله - سبحانه و تعالى - حليت مشكلة الوطن دى حلا سهل و جدرى بالنسبة لى أنا مش بالنسبة لأى حد تانى و كل واحد حر مع نفسه.
أن الله سبحانه و تعالى خلق الناس على سطح الأرض باختلاف أشكالهم و جنسياتهم و ألوانهم و أن كل هؤلاء الناس ينقسمون الى قسمين لا ثالث لهم, اما أناس يؤمنون بالله سبحانه و تعالى و هم بصرف النظر عن مكانهم و جنسهم و أرضهم و ألوانهم و أشكالهم و جنسياتهم, فهم - ان شاء الله - سوف يدخلون الجنة بدرجات متفاوتة , كل على حسب عمله و أن الله سبحانه و تعالى يوم الحساب لن ينظر الى الشخص المؤمن, ما ادا كان مصرى أو كويتى أو ماليزى أو أمريكى أو سعودى الى آخره........, هده الأمور لن تساوى شئ عند رب العالمين سبحانه و تعالى يوم القيامة و يوم الحساب.
القسم الآخر و هم الناس الدين لا يؤمنون بالله سبحانه و تعالى و لا يعتقدون أن الله سبحانه و تعالى هو الاله الواحد الوحيد - تعالى الله علوا كبيرا عما يقولون - و هؤلاء سوف يكون مصيرهم الى النار و العياد بالله, و أيضا بصرف النظر عما ادا كان هدا الشخص مصرى أو يابانى أو كويتى أو قطرى أو صينى أو أمريكى أو روسى و الى آخره............
و بالتالى , لأننى أرجو من الله سبحانه و تعالى أن يحسن ختامى فى هده الدنيا حتى يكون مصيرى الى الجنة و ليس الى النار, فأنا أرى لشخصى أنا و لا ألزم أحد غيرى بدلك, أننى يجب أن آمن بالله سبحانه و تعالى و أن ألتزم بأوامره و نواهيه بقدر ما أستطيع و أن لا أضيع أى ثانية من وقتى فى الحرب و الجدال و الكلام عن أن مصر هى وطنى و أن مصر هى شئ مقدس لا يجب المساس به و أن الموت فى سبيل مصر هو شهادة لأن الشهادة تنال بالموت فى سبيل الله و فى سبيل اعلاء كلمة الله و فى سبيل نشر دين الله و ليس بالموت فى سبيل الوطن و أكيد ربنا - سبحانه و تعالى - مش هيحاسبنى يوم القيامة , أن أنا سيبت مصر ليه لأن ببساطة شديدة, ربنا - سبحانه و تعالى - لا فرق عنده بين مصر و ليبيا و الجزاير و السعودية و الكويت و السودان على الاطلاق, هده أمور لا تساوى شئ عند قيوم السموات و الأرض, الحاجة اللى تساوى هى العمل اللى الواحد بيعمله فى دنيته و اللى هياخده معاه الى الآخرة و أكيد مش من ضمن الأعمال دى هى حب مصر ؟؟؟؟؟.
بكل بساطة, أنا انسان خرج الى الدنيا و لقى نفسه مصرى , زى ما فى واحد يطلع يلاقى نفسه أمريكى أو كندى أو يابانى أو سعودى و الى آخره, مش معنى كده أنها تبقى خلاص لبست فيى و أصبحت لازقة فيى بقه, زى ما واحد يتولد و يلاقى نفسه فقير و أبوه عامل باليومية, مش معنى كده أنه المفروض يفضل طووووول عمره كده, لكن من حقى أن أنا أطور من نفسى و أرقى بمستوى حياتى و أنتقل من عشة فى بولاق الى فيلا فى التجمع الخامس, مش معنى كده أن أنا انسان خسيس و قليل الأصل و ان أنا كان لازم أفضل فى العشة بتاع بولاق لأن و طنى هو بولاق, زى ما يكون معايا قرشين قليلين و عاوز أشترى عربية, فبروح أجيب عربية أكسنت مثلا لكن لما ربنا بيكرمنى و يفتح على, بشترى الحته البى ام ال 750 IL , أهى دى زى دى بالظبط لأن الاتنين من أمور الدنيا البالية اللى مش هناخدهم معانا يوم القيامة .
كلمة الوطن و التعصب للأوطان الاقليمية كمصر و ليبيا و الكويت و السعودية و ما الى دلك, و أن يتعصب المصريون لمصر و أن يتعصب الليبيون لليبيا و يتعصب الكويتيون للكويت - اللى لما حصل الغزو العراقى, كل واحد ركب عربيته و جرى - , كل هدا, أنا اعتبره أمور مما قال عنها الرسول - صلى الله عليه و سلم - دعوها فانها منتنة و كان يقصد بيها القبلية المنتنة, و هى التى وضعها الاستعمار الأجنبى مند أن جاء الى البلاد العربية فى اواخر القرن التاسع عشر و حرص على أن تظل بعد أن ترك هده البلاد و عاد الى دياره حتى تظل هده البلاد فى تقطع و تشرزم و حروب و منافسات و ضغائن, حتى لا يأتى اليوم الدى تتحد فيه و تصبح قوة .
لو بصينا على التاريخ الحديث نظرة سريعة, سوف نجد أن الاستعمار الأجنبى ترك البلاد العربية ساعة ما ظهر فيها البترول و الثروات فى منتصف القرن العشرين تقريبا, هدا فى حد داته تصرف غبى:T_thum1[1]:, بقى هو الاستعمار يسيب البلاد اللى كان مستعمرها أول ما تبدأ تتغنى و يظهر فيها الثروات !!!!
لأن الاستعمار تركها و هو سايب وراه سياسات و نظم و عملاء و قواعد و قوانين هتجعل هده البلاد لن تقوم لها قائمة و بالفعل, قد كان, و الدليل هو ما وصلنا اليه الان بعد مرور 60 سنة على خروج الاستعمار, و من ضمن هده الأشياء التى تركها الاستعمار فينا ,هى التناحر و الكراهية و الضغينة بين الدول العربية بشكل يندى له الجبين خجلا و اللى هو مش موجود مثلا بين الانجليز و الفرنسيين دلوقتى و لا بين الألمان و الانجليز و لا بين الألمان و الانجليز و لا بين أمريكا و اليابان, ده بالعكس , الدول دى عندما ترى أنه من الصالح لها أن تتحد فانها تنسى كل الماضى و تهدم كل الجواجز و تتحد و تتفق و كأنهم لم يكن بينهم أى شئ فى الماضى .
و ده رأيى أنا و انا حر فيه .
شكرا
مازيراتى
طيب خدت بالك انت بتصور ورق بكام فى السنة و بتجيب ملازم مراجعة بكام و فى الاخر لما السنة تخلص مصيرهم الزبالة؟؟
طيب خدت بالك من كتب المعامل اللى بتكع فيها و بتشتريها فردة عشان يتمضيلك عليها فقط انك حضرت التجربة و تاخد درجتها وليس لها اى فايدة تانى....ابتزاز عينى عينك
و بالمثل الجداول و المنحنيات اللى بيسمح بدخولها الامتحاناتمعاك حق و الله وتلاقي كتاب تمنو 40 جنيه ولو صورتو يبقي 8 جنيه + لو الدكتور شاف الكتاب المتصور مثلا يقولك دا غش و سرقه للدوله...و حصلت قدامي في امتحان رسم هندسي في هندسه عين شمس الدكتور مشا طالب ماللجنه لانو جايب الكتاب متصور..دا كان في ميد تيرم و الامتحان مالكتاب....دا غير بعض المعيدين اللي معندهمش ضمير بينزلك ورق ب 10 جنيه النسخه و تلاقيه اصلا نصو امتحانات سنين سابقه و مجاوبلك سؤال في كل امتحان و بخط كبييييييييير عشان بملا صفحات و خلاص ......بس برضو في معيدين عنها ضمير زي ما قلت و مش بيساعدو الطلبه عشان يجو ياخدو دروس...بس هما معتبرين العلم اللي عندهم دا امانه لازم يؤدو حقها و اللي هو عدم حرمان اللي يطلب العلم منهم طالما يقدر يساعد و يفهمو...دا بالنسبه للتعليم العالي
عندك حق انا طالب في هندسه اولي ميكانيكا كل محتك بناس بتشتغل او قربت تتخرج اكتشف اني محتاج كورسات كتير عشان اتميز و اشتغل بمرتب ادمي...يعني لغات و كورسات هندسيه و تدريبات و كل دا عشان اخدو في اماكن محترمه و اتعلم صح ممكن اصرفلي 5 او 6 الاف جنيه في السنه و برضو ابقي مطالب بالمزيد من الكورسات لو عاوز ابقي احسن..اقتباس:
166 جنيه اية بس يا جماعة ... هو دا تعليم ... دا فعلاً مش تعليم ... كل حاجة بقت بيزنس فعلاً ... دا تمن الورقة ... اللي بعد ما تاخدها هتبدأ تدور بقى على مكان تبداً تدرب فيه او كورسات او او او ... لأنك اصل متعلمتش و بالتالي غير مؤهل!
انا متضايق منها بس مش معني كده اني انكر فضلها عليا
كلام حضرتك مش صحيح لان الدين زي ما نهانا عن التعصب القبلي امرنا بالدفاع عن العرض و الشرف و المال و الاهل و اللي يموت و هو بيدافع عن دول فهو شهيد و اعتقد ان دول هما الوطن ولو حصل حرب مثلا و هربت من ارض المعركه اكيد ربنا هيحاسبك علي تركك لارضك و عدم دفاعك عنها طالما انت مسلم زي ما مطلوب منك اعلاء كلمه لا اله الا الله محمد رسول الله مطلوب منك تدافع عن ارضك و تحبها .......الرسول و هو خارج من مكه بكي و قال فيما معناه انها احب بقاع الارض الي قلبه ولولا ظلم اهلها لما خرج منها ......يبقي ازاي مش فارقه قضيه الوطن و مصر زي ليبيا زي الكويت زي الصومال؟؟؟؟اقتباس:
الحاجة اللى تساوى هى العمل اللى الواحد بيعمله فى دنيته و اللى هياخده معاه الى الآخرة و أكيد مش من ضمن الأعمال دى هى حب مصر ؟؟؟؟؟.
اعتبروا المصرية اللى فى الاغنية هى بلدنا مصر
YouTube - ‫ط§ظ„ظ…طµط±ظٹظ‡ ظٹط§ ط§ظ‡ط¨ظ„‬‎
بالنسبة للدول العربية او الاسلامية
موضوع الجنسية ده كلام فرغ
لان الاصل اننا كلنا أمة واحدة
وبالتالى لو الجنسية بتاعتي مكتوب فيها سعودى برده انا مصري
مجرد ورق وطريقة للتفرقة وتفكيك امة واحدة
وبالتالى انا هشوف الاصلح ليا في الدين ثم الدنيا
معنديش مشكلة يكتبوا سعودى علي جواز السفر مقابل اني اعيش بحرية في مكة او المدينة واحافظ على ديني وطاعتى لله
لاكن لو اي احد في اي زمان او مكان سألني:
الاجابة معروفة انا من اهل مصر
---
بالمناسبة البسبور المصري شكله غبى
بصوا هو أنا تابعت كل المشاركات اللي في الموضوع بس حسيت أن فيه ناس سحبت براه ، بنتكلم علي جنسية أجنبية وتنازل عن مصرية ،طبعاً ديه package دين وطباع وأصول وغربه وتقاليد وعيشة مختلفه.مايجيش حد يمسك نقطة وحدة ويتكلم فيها بسهاب شديد وينسي الباقي.داه ميزان شوف أنهي كفة هطب بعد متضيف كل المميزات مقابل العيوب .
أنا يمكن يكون ليا راي وخاصةً اني أميركي الجنسية و لازلت محتفظ بالمصرية كنوع من العرفان والجميل لمصر فقط لا غير ،يعني من غير ما يكون لي أي مصلحة للإحتفاظ بها حتي مع نزولي لمصر ،يمكن الحاجة الوحيدة هي اني اتعامل باسعار مخفضه في مصر لما أنزل اتفسح المهم يعني هقدر اقولكم علي شعوري الحقيقي .
أنا مبحترمش أي بلد تطلب منك التنازل عن جنسيتك مقابل جنسيتها ، لو بصيت في اللستة اللي عضو نشرها ، كلها دول عربية أو إفريقية فقيره اللي بتطلب كدة .طبعاً خوفاً علي مراكز الحكم لحسن يحصل إختراق لحركه القمع المركزية اللي الدول ديه بتتبعها. إيه اللي هيخلي أمريكا وأوروبا كلها بتسمح بكدة والسعودية والسودان لأ . يمكن مصر طلعت برا اللستة اللي بتسمح بالإزدواج علشان أسباب مالية بحتة ،ولمساعدة الاقتصاد المنهار علي إستقبال أموال صعبة من الخارج .في المقابل لا يسمح بالتعين في الجيش أو الحكومة لهم،يعني ناخد منكم اللي احنا عايزينه وغورو بعيد عننا
ثاني مبدأ اللي بيقول إن المصريين برا بيشتغلو عبيد ،الكلام دة صح في الدول العربية الاسلامية ، وغلط تماماً في أوروبا وأمريكا .فيه ناس بتشتغل هنا في أمريكا أشغال متواضعة علشان امكانيتهم كدة و راضيين بكدة ، والدليل اني هنا دكتور ومعنديش كفيل ، وبقبض أعلي فئه مرتب في أمريكا بعد رئيس الجمهورية اوباما .اللي هو مش أعلي مرتب في أمريكا أصلاً .اللي هو أنا مش مواطن درجة ثانية ذي ما ليبيا والسعودية ما بتعمل للي أبوه سعودي وأمه جنسية ثانية. أروح انتخب الرئيس زيي ذي أي مواطن أميركي ولو عايز مقابلة معاه ممكن بردو .
أضف حاجة عن موضوع العبودية ، هنا مش مسموح بالموضوع داه ،بمعني اني لو لقيت بنت مصرية مستعدة تيجي تشتغل في أمريكا عندي خدامه ب-3000 جنيه الشهر وداه يمكن حلم بنات غلابة كتير .أمريكا نفسها مش هتوافق، عارفين ليه ،لأن أقل أجر في أمريكا هو 10$ الساعة وساعات شغلها 8 ساعات بس في إليوم وأكتر من كدة الساعة ب-20 $ وماينفعش تعمل أكتر من 30 ساعة إضافي في الأسبوع حتي لو هي راضية.يعني في الإسبوع تعمل حوالي 1000$ في الشهر 4000$ يعني أكتر من 22000 جنيه مصري دة بلاضافة لمصاريفها وتذاكرها وتأمين طبي كمان . يعني لما أوروبا وأمريكا يخافوا علي بنات بلدي الغلابة مش البنات ولد الناس أكتر من مصر والدول العربية يبقي لسة فيه حد بيقول إن أمريكا وأوروبا وحشين و-.، و،، بالعكس دول خيرهم علينا واللي ينكر كدة يبقي* * * * * *
لما البنات يروحو السعودية عند شوية رعاة أغنام حفاه ، ولا بلاش بنات نتكلم علي دكاترة ومهندسين شغالين بالسخره وعندهم نظام كفيل هل ديه دول الواحد يفكر حتي يروحها زيارة مش إقامة ، لا و في الاخر إيه مش بيسمحو انك تتجنس عندهم ولو سمحو لازم تسقط جنسيتك الاصلية ،شايفين فرق المعاملة
حكاية حصلت مع بنت عمي ،مش ذي ماناس بتحكي عن إبن خال عم صاحب صاحبه، كانت عايشة في الإمارات بجنسيتها المصريه ،مرتب زبالة ،بتدفع نصه إيجار والباقي يدوبك أكل وشرب ،والإسم غربة و-16 ساعة شغل في إليوم.قعدت وراها زن لغاية ما قدمت علي الإقامة في أمريكا وأخدت الجنسية، ولقينا مدير الشركة اللي عمرها مشفتو بيكلمها في أمريكا وعرض مرتب 3 أضعاف اللي كانت بتخدو ومميزات سكن وعربية مكنتش تحلم بيهم. طيب ما البنادم هو البنادم اللي كان شغال عنده من شهر ولا اتنين ،اللي جد الجنسية والباسبور الازرق
اللي بيقول إن التعليم والمعيشة غاليه ، داه صح بس لما يبقي عليك 150,000 $ مصاريف تعليم وبتعمل 160,000$ في السنة مش هيبقي كتير خالص،مش عايز حد يقولي إن مش كل الامريكان بيعملو 160,000 ودة صحيح لان اللي بيعمل كده مبيكنش عليه 150,000 مصاريف. أنا بتكلم عن نفسي .المحاسبين بيعملو 90.000 وبيكون عليهم مصاريف تعليم 40,000-50,000
، لما تبقي الفرخة ب-1.5$ وكرتونة البيض ب-2 $ وكيلو اللحمة ب-3 $ والعربية ال-4x4 أميركاني أو ياباني علي الزيرو ب-15,000 $ يبقي داه بردو مش غالي لما يبقي ليك رعاية وتأمين صحي ،وبسبور يخليك تدخل أي دولة في العالم بكل الاحترام يبقي الموضوع جايب همه أوي
لما نيجي للناحية الدينية علشان فيه ناس هنا تهمها الموضوع داه ،هتعرف تصلي وتمارسه كل شعائرك الدينية مسيحي ،مسلم أو حتي بوذي أكتر من مصر .وداه لانهم فصلين الدين عن الدولة،يعني لو بصينا هنلاقي الاغلبية مسيحيين كاثوليك ،بس التشريع مبيقلش إن المسيحية هي المذهب الرئيسي للتشريع.مفيش أمن هيقفل المساجد بعد التراويح ويحقق مع اللي بيصلي الفجر و يمارس أي ضغوط علي الأئمة، مفيش مسلمين هيقتلو مسيحين بعد صلاه العيد ولا يقولك موافقة رئيس الجمهورية علشان نبني كنيسة . مفيش أمن هيقف قدام معبد يهودي يحرسه ولا يأمن أفواج يهود بيمارس شعائرهم في سلام . مفيش بهايئين هيولعو فيهم وفي بيوتهم علشان دينهم مش دين سماوي. كل واحد وص علي نفسه والحساب داه شغل ربنا بعد ما كل واحد يموت..
وكفاية باقي علشان أنا تعبت من الكلام
ـــــــــــــــــــــــــ ـــــــــــــــ
برجاء الانتباه لعدم خروج الحديث عن الشكل المناسب
تلقيت تحذير للمخالفة
مشرف عام 3