الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة aezzat

انت بتكلمنى رسمى ليه كده

واضح انك نسيتنى

انا اشرف اللى كنت معاكم فى فيلا الطويل

صاحب خالد ابو رقيه

أاااااااااااشرف

طب يا راجل فكها بقى

ماتكتبو اساميكو يا جدعان بدل ما احنا عمالين نشبه كده

أه منكو يا مصريين (باعتبار ان أنا أجنبي)


خالد ....مش الزمابورت الاوززي طلع اخضراني برضه

اللون ده ورانا ورانا ولا ايه

المشاركة الأصلية كتبت بواسطة abou_ruqi

أه ما أنا عارف , بس مش عارف إيه السر في اللون الأخضر الزرعي ده ؟ أمال لو كان علمنا أخضر سادة زي جيرانا كنا عملناه لونه إيه ؟

بالمناسبة هو شكل و لون باسبورهم ايه؟؟؟؟؟


اسبانيا حتفضل غالية عليا

المشاركة الأصلية كتبت بواسطة fadod

كل دولة واحترامها لجنسيتها وباسبورتها..أنا فاكر من كام سنة لما رحت حفلة الجنسية الامريكية ..كنا أكتر من 600 واحد في إليوم داة من 60 دولة جايين يخدوا الجنسية ، وكل واحد وهو داخل بيدوله علم أمريكا وبينادوا عليه في المكرفون لحلف اليمين ..وأول ميخلص اليمين تلقي كل الناس هايصة ولازم بيندو علي الدولة اللي إنت جاي منها للتعريف بها وكنوع من إلجميل..ويبتدو يعرفوك إيه هي حقوقك كمواطن أميركي وإيه اللي أمريكا ممكن توفره ليك .كانت حاجة تحفة بيحسسك فيها انك واحد منهم وإن أمريكا محتجاك ومحتاجة التنوع العرقي اللي هو داه في الاساس أمريكا قايمة عليه ..تنوع ديني ، تنوع سكاني ،،تنوع لغوي..
وكل الناس سواسية قدام القانون ، وبيطبق علي الغني قبل الفقير .
وعرفت داه من أكتر من واحد نزل مصر واتحط في مشاكل وبمجرد التفكير في اللجوء للسفارة بس كان بيحللهم مشاكل كتير..


أما لون الباسبور فده مش فارق أي حاجة ..المهم الدوله اللي الباسبور شايل اسمها

السلام عليكم و رحمة الله و بركاته

و كل عام و أنتم بخير بمناسبة قرب حلول شهر رمضان الكريم , أعاده الله عليكم بالخير و اليمن و البركات

انا كان عندى رجاء من الأخ الفاضل الدكتور فادى لأن أنا استشفيت من كلامه أنه من الجيل الأول للمهاجرين الى أمريكا مش من الجيل التانى , قصدى يعنى أنه من الناس اللى هاجروا أمريكا و ليس من أبناء المهاجرين لأمريكا و برضه عرفت من كلامه انه فى نهائى طب و أنا أتمنى له كل النجاح و التوفيق .

فلو ماكنش ده تدخل فى الشؤون الداخلية , ممكن سيادتك تعرفنا ازاى ربنا ييسرلك الأمور و التحقت بكلية الطب هناك و هل ياترى حضرتك كنت مخلص طب فى مصر الأول و بعدين بدأت دراسة الطب هناك تانى و لا حضرتك سافرت بعد الثانوية العامة و لا عملت ايه بالظبط .


و لكم جميعا جزيل الشكر

مازيراتى كواتروبورتيه

المشاركة الأصلية كتبت بواسطة fadod

أنا جيت هنا بعد ماخلصت كلية علطول 1998 وكنت تجارة في مصر لظروف قهرية ...الثانوية العامية ..والمواضيع اللي إنت عارفها ديه ..وانا لما جيت هنا لقيت كل حاجه مختلفة من ناحية الدراسة ، يعني لو عايز حاجة ونفسك فيها ممكن تدرسها .مش معني كدة إن دخول طب سهل ، لأ أصعب من مصر ، بس بيدلك فرص كتير ، مش ذي مصر سنة تالتة ثانوي ويا صابت يا خابت.والدخول مش مجموع وبس ، لأ وخدمات تطوعية volunteer ومشاركه في أبحاث ونشاطات رياضية ..كذا حاجة وبكده لو إنت مقصر من ناحية تقدر تعوضها من ناحية تانية

ومن هنا تقدر تدخل اللي نفسك فيه إلا لو إنت بقي مش بتجتهد.


كل عام وإنت بخير ...لو فيه أي اسئلة أنا تحت أمرك ، وربنا يوفقك في موضوع كندا

السلام عليكم و رحمة الله و بركاته

أنا متشكر لكرم سيادتك الكبير أوى يا دكتور فادى باشا , ولا بلاش باشا , أصل أمريكا غير عندنا فى مصر , مفيهاش باشوات زى بتوع الأيام دى .

على كده بقه سيادتك حصلت على الثانوية العامة معايا 1994 , يعنى تقريبا احنا من سن بعض, صح .

المهم , بس أكيد حضرتك كان لازم تدرس علوم الأول, مش كده , قبل طب . صح؟؟؟

أنا والله لو لقيت الفرصة أنى أدرس الطب من الأول تانى فى كندا مش هتأخر بس ده مش سهل لأنى لو عاوز أنط ال 4 سنين بتوع علوم , لازم أجتاز امتحان اسمه ال MCAT و بسكور معين هما طالبينه و كمان أكون موجود فى نفس المقاطعة اللى فيها الكلية ما لا يقل عن سنة .

هيييييييه , أنا هعمل اللى ربنا يقدرنى عليه و خلاص , يعنى هنتحر يعنى .

ربنا يقدم مافيه الخير .

مازيراتى كواتروبورتيه