أكبر مرجع لعمليات النصب والأحتيال في مصر - أدخل قولنا حصل أيه معاك وأتصرفت أزاي

ظاهرة النصب أنتشرت أنتشار رهيب في مصر ولا يكاد يخلو بيت في مصر من شخص تعرض للنصب يمكن حتى النصابين نفسهم أتنصب عليهم المهم اللي أتعرض لموقف نصب حتى لو كان صغير يحكيلنا تجربته وأتصرف أزاي يعد ما أتنصب عليه وعمل أيه عشان يرجع حقه وبكدة نكون قاعدة معلومات لعمليات النصب بأشكالها وبالتالي كلنا هنستفيد ونتعرف على أحدث وسائل النصب في بلدنا وساعتها هنعرف النصاب من أول العملية ونتصرف معاه بالشكل الحضاري والقانوني اللازم بكل تأكيد :khd: .

عن نفسي أتنصب عليا قبل كدة نصبايه بسيطة :shyy: ولكن لحقت نفسي الحمد لله وهحكيهالكم بالتفصيل بعد مانشوف حكايتكم مع نصابي مصر .

انا الحمد لله وبفضلة لا اذكر حتى الان اني اتنصب عليا غير مثلا حاجة اشتريتها ولقيتها برة ارخص مثلا ودي مش نصاحة مني لكن من عند ربنا
طيب ابتدي انت وقووووووول

انا حعترفلكم بعمليه نصب كنت طرف فيها
منصوب وناصب
ههههههههههههههههههههههههه ههه
بس ركزوا معايا ومتزهقوش ومتتشتتوش
-------------------------------------------
اتصل بيا صديق رجل اعمال من سنين
وقالي ان فيه جماعه معرفه جايين من الصعيد وعاوزين يشتروا ماكينه طباعه علي التيشيرتات
وانهم راحو لواحد فهمهم انه عامل البرنامج علي ايده اللي بيعمل بيه الصور وبيطبعها علي ورق والورقه ده ليه ماكينه بتطبعه علي التيشيرت

وقالي ان الناس مقتنعين بيه جداااااااااااااااا وناويين يدفعوا اي مبلغ علشان ياخدو منه الماكينه + البرنامج +كمبيوتر +الورق بتاع الطباعه
اللي هو مفهمهم ان المستورد بتاعه محلفه ميقولش لحد هو مين
وبيبيع عن طريقه هو بس
فكان المطلوب
1- معرفه البرنامج
2- مصدر الورق
3-اقناع الناس باني عبقري الكمبيوتر
4- اقناع النصاب اني عبيط واخليه يكشف اسراره كلها قدامي
----------------------------------------------------------------
طبعا انا اول ما سمعت الموضوع قولت دا برنامج فوتو اكسبريس
هو الوحيد المجاني وفيه الامكانيات دي
بس قولت نجرب ونشوف الدنيا ماشيه ازاي
--------------------------
فكان المطلوب اننا نتقمص شخصيات قرايبهم ونتقابل مع الراجل ده
ويقتنع اننا مش فاهمين حاجه ونشوف كل حاجه
وفعلا
اتحول كل واحد فينا لاسم وهمي
وبدانا نتعامل
قابلناه علي القهوه وسمعنا منه كل الكلام
وطبعا انا عامل فيها جاهل لدرجه انه بيقولنا لما الكمبيوتر بتاعكم يبوظ انا اصلحهولكم من مكاني من غير ما اجيلكم اسيوط
فرديت عليه وقولتله هو احنا مش حناخد السوفت وير معانا يبقي انت حتصلحه ازاي
وطبعا قعد يشتم فيا وفي الجهل بتاعي
------------------------------------------
المهم وصلنا لاننا عرفنا مكان ماكينات الطباعه
ووصلنا لاننا دخلنا عنده البيت وشوفت البرنامج الي هو عمله علي ايده
وسماه فوتو اكسبريس علشان الفكره جاتله في القطر وهو مسافر فسماه علي اسمه
ههههههههههههههههههه
------------------------------------------------------------
وتم الجزء الاول من العمليه
لو حابين تعرفوا الجزء التاني ابقي احكيهولكم
علي فكره العمليه دي اخدت اسبوعين وكانت من 7 سنين

انا الحمد الله متنصبش عليا
ودة بفضل ربنا
بس اعرف واحد نصااااب درجة اولي
لو حد احتااجة هههههههههههههه

انا مش فاكر غير اني
مرة وانا في الكلية اديت لواحد قالي
أن عربيته عطلت وعاوز بنسة وقصافة
أديتهم له وأخدهم ومشفتهوش تاني

احكي ياباشا اللي حصل بالتفصيل

مستنيين الجزء الثاني
من قصتك يا ا . شنوري

كمل يا أ. شنورى.

اقتباس:

---

المشاركة الأصلية كتبت بواسطة shnory

وطبعا انا عامل فيها جاهل لدرجه انه بيقولنا لما الكمبيوتر بتاعكم يبوظ انا اصلحهولكم من مكاني من غير ما اجيلكم اسيوط

---

يادي الفضايح :)

علي الله اشوفك بتكتب كلمه تاني في الموضوع ده بقي

A.Yakout

عملت إعلان عن لاب ديل لاتيتيود مستعمل بإمكانيات محترمة في الوسيط وطلبت ٦ آلاف جنيه..كلمني واحد وطلب نتقابل ورتبت معاه معاد يجيلي البيت..اتصل من أجل تعديل الموعد...كنت أخبرته إني سأكون في الطريق في الوقت الفلاني فطلب مني بمنتهى الإحراج المرور عليه طالما هو في طريقي..وصلت وقابلته ووجدته إنسان شيك وواضح عليه التهذيب وطلب مني الصعود لمنزله بدلا من المقابلة في السيارة..وإحنا طالعين اتكلم مع البواب والأمن بمداعبات..دخلنا الشقة كان فيها آثار غسيل ومسح وتنضيف فطلب مني الانتظار ثواني حتى تتمكن زوجته من إفساح الطريق..دخلنا البلكونة عشان الشقة مكركبة..قعدت في جانب البلكونه بحيث لا أستطيع كشف ما بداخل البيت..عاين الجهاز..أخرج من جيبه مبلغ من المال ملفوف في ورقة شبيهة برزم البنك وقال لي عد دول وأنا داخل أجيبلك الباقي..عديت الفلوس لقيتها ٣٠٠ جنيه خمسات..لم يظهر له أثر بعد ربع ساعة ناديت عليه أكثر من مرة وأنا متحرج..بعدها بعشر دقائق كمان قمت بصيت لقيت الشقة فاضية والباب مفتوح...بقية القصة معروفة..شقة مفروش هيصة ودوشة ومحاضر وقصة طويلة ملهاش أول من آخر والنتيجة في قرار النيابة (تحفظ لعدم الاستدلال على الفاعل).....واتفضل جنب إخواتك يا ناصح


كمل يا شنوري......

اقتباس:

---

المشاركة الأصلية كتبت بواسطة بحري

كمل يا شنوري......

---

متكملش يا شنوري :dontudear:

وربنا يعوض عليك خير يا باشا

A.Yakout

احمد ياقوت
الصعايدة كويسين
وخد بالك ان شنورى عمل فيها مش فاهم علشان يقنع الراجل
يعنى هوة عارف ان الصعايدة اذكيا
كمل يا شنورى

كمل يا شنورررررى

اقتباس:

---

المشاركة الأصلية كتبت بواسطة بحري

عملت إعلان عن لاب ديل لاتيتيود مستعمل بإمكانيات محترمة في الوسيط وطلبت ٦ آلاف جنيه..كلمني واحد وطلب نتقابل ورتبت معاه معاد يجيلي البيت..اتصل من أجل تعديل الموعد...كنت أخبرته إني سأكون في الطريق في الوقت الفلاني فطلب مني بمنتهى الإحراج المرور عليه طالما هو في طريقي..وصلت وقابلته ووجدته إنسان شيك وواضح عليه التهذيب وطلب مني الصعود لمنزله بدلا من المقابلة في السيارة..وإحنا طالعين اتكلم مع البواب والأمن بمداعبات..دخلنا الشقة كان فيها آثار غسيل ومسح وتنضيف فطلب مني الانتظار ثواني حتى تتمكن زوجته من إفساح الطريق..دخلنا البلكونة عشان الشقة مكركبة..قعدت في جانب البلكونه بحيث لا أستطيع كشف ما بداخل البيت..عاين الجهاز..أخرج من جيبه مبلغ من المال ملفوف في ورقة شبيهة برزم البنك وقال لي عد دول وأنا داخل أجيبلك الباقي..عديت الفلوس لقيتها ٣٠٠ جنيه خمسات..لم يظهر له أثر بعد ربع ساعة ناديت عليه أكثر من مرة وأنا متحرج..بعدها بعشر دقائق كمان قمت بصيت لقيت الشقة فاضية والباب مفتوح...بقية القصة معروفة..شقة مفروش هيصة ودوشة ومحاضر وقصة طويلة ملهاش أول من آخر والنتيجة في قرار النيابة (تحفظ لعدم الاستدلال على الفاعل).....واتفضل جنب إخواتك يا ناصح

---

نفس الكلام بالنص حصل مع زميلى بالعمل
وبرده اعلان فى الوسيط ولاب توب والشقة كانت تقريبا فى خالد بن الوليد

اقتباس:

---

المشاركة الأصلية كتبت بواسطة mido777

نفس الكلام بالنص حصل مع زميلى بالعمل
وبرده اعلان فى الوسيط ولاب توب والشقة كانت تقريبا فى خالد بن الوليد

---

هو الموضوع كان من حوالي أربع سنين وكانت الشقة في العصافرة متفرع من جمال عبد الناصر عند أسواق الشريف..الاتنين كانوا من القاهرة..أنا شفت واحد منهم والتاني طبعا لأنه كان بيقوم بدور الزوجة فميصحش إني أشوفه...بس اللي اتعاملت معاه صورته موجودة جو في (الروم) بتاعة مخي..وحاسس إني في يوم من الأيام هقابله تاني..أي نعم أنا استعوضت ربنا في الفلوس وقلت الحمد لله على كل حال..بس برضه حابب أشوف السخس ده تاني

الحمدلله اتعرضت لعمليات النصب المعروفه في مصر زي نصب الخوابير الامريكاني بتاعت الكاوتش ،وشركات التايم شير
الحاجه اللي متضايق منها هو جهاز اقرأ اللي بيجيله اعلان في اذاعة القرآن الكريم في الراديو
جبته لوالدتي ب1250 جنيه ولقيته في السعوديه الموديل الاحدث فيه 7 اصوات (القديم صوت واحد) وب350 ريال ومع الفصال بقى ب300ريال بس!! يعني النصب في القرآن والمكسب اضعاف!

وكمان اتعرضت للنصب في موبايل سامسونج اومنيا 2 من التوكيل في السعوديه ،جالي الموبايل عليه سيريال غير العلبه والفاتوره يعني الضمان ملهوش لازمه وكمان كان عليه نيتوورك لوك يعني الموبايل جاي من اوروبا بسعر رخيص علشان عليه عرض والتوكيل شخصياً بيبيعه للناس!! وطبعاً رجعته لصاحبي اللي جابه بس للاسف طلع ............ ومعرفش يخليهم يغيروه ونزلوله سوفت وير وفكو اللوك ومفيش ضمان ولا بتنجان والموبايل شغال روح بيتكو ،ان كان عاجبك

انا اتنصب عليا فى معيز, اه و الله معيز, جمع معزة, كنت فى سوق العاشر بدور على عربية بعد ما بعت العربية القديمة, لفيت لما زهقت و كان معايا عربية أخويا , رحت ارتاح فيها شوية جالى اتنين فلاحين سارحين بمعيز وفضلوا يستفزونى انى معييش فلوس اشترى , و انى لو طلعت 700 جنيه أخد 3 معيز مرة واحدة, انا قلت فى سرى دول لقطة و ابقى افرقهم على العيلة و احطهم فى التلاجة بدل اللحمة, خدوا الفلوس و سابولى 3 معيز اشباح, كانو جلد على عضم و عواجيز, الحمد لله بعتهم عندنا فى البلد ب 500 جنيه و طلعت الفلوس لله لأنى كنت متأكد ان ربنا بينبهنى و بيمتحنى, و ان الفلوس دى كانت مش من نصيبى, بس زعلت من نفسى جدا انى كنت سازج للدرجة دى

احب اضيف تجربتى مع ضابط من مرور الاسكندريه كنت كتبتها قبل كده :

من حوالى 4 سنين كنت فى اسكندريه على الكورنيش وخارج مع العائله وركنت قرب كوبرى ستانلى وكان فيه حوالى اكتر من سبع عربيات راكنه جنبى وفجأه لقيت ونش مرور وضابط برتبه عقيد نازل منه وعمال يلم الرخص من الناس اللى واقفه وبعتلى عسكرى ياخد الرخص ... رحتله خير ياباشا قالى الركنه ممنوع وهات 25 جنيه ابص يمين وشمال انى اشوف يافطه ممنوع الوقوف مفيش !!
قلتله انا مش شايف اى يافطه ممنوع الانتظار هنا .. قالى لا فيه بس بعيد شويه هات الفلوس روحت مطلع من سكات ودفعتله ال 25 لحلوح وكمان كل اللى كان معايا دفع فقلت خلاص مش مشكله والبيه ادانى وصل ... المفاجأه بقى ببص فى الوصل اللى انا اخدته بعد مامشيت من البيه النصاب مكنش وصل بالمخالفه كان وصل مكتوب فيه وصل استلام رسوم لمدرسه تعليم قياده السيارات التابعه للمرور ومش مختوم !!!! يعنى البيه النصاب واخد دفتر ايصالات من مدرسه المرور وماشى عمال يلم فى فلوس الناس على اساس انه بيديهم مخالفات وبيلم الفلوس فى جيبه وعلى فكره انا لسه محتفظ بالوصل ده الى الان للذكرى الخالده

وانا صغير جالى الشخص البيت وكلمنى عن انه تبع وزارة الصحة وجاى يعمل تطهير للحمام ودخل الحمام بانبوبه عجيبة كده وخرج قال محدش يفتح الحمام لمدة ساعتين وهو ماشى ادالى وصل ب"5 جنيه" وطبعا لا طلعت وزارة ولا طلع تطهير ولا حاجة


بس طبعا اشهر حاجة بيتنصب عليا فيها الخوابير بتاعة الكاوتش وطبعا الفاكهة والخضار :)

موقف اتحكالى بس ماشوفتوش والله اعلم من صحته
واحد اتسرقت منه عربيته من تحت البيت المهم تانى يوم لقى العربية ولقى جواب على التابلوه مكتوب فيه كمية اعتذارات رهيبة وبشكل ذوق جدا ان السارق كان غصب عنه السرقة والدليل انه رجع العربية وفى نفس الوقت مغسولة كمان علشان يثبت انه مش قاصد يسرق المهم السارق كان سايب مع الجواب تذكرتين مسرح زى ما تقولو تعويض عن السرقة. الراجل صاحب العربية طبعا مش مصدق نفسه من فرحة العربية اللى رجعت قام واخد مرته وراحوا المسرحية اللى جالهم وتذاكرها ولما رجعوا الشقة طبعا انتو عارفين الباقى .......... الشقة محتاجة تتفرش من اول وجديد (الله اعلم من صحة الكلام بس الفكرة عجبتنى اوى :) )

اقتباس:

---

المشاركة الأصلية كتبت بواسطة بحري

هيصة ودوشة ومحاضر وقصة طويلة ملهاش أول من آخر والنتيجة في قرار النيابة (تحفظ لعدم الاستدلال على الفاعل).....واتفضل جنب إخواتك يا ناصح

---

انا بستغرب من حاجة دايما البوليس مبيهتمش بقضايا النصب الصغيرة
وحتى السرقة زى مبقرا هنا كتير مبيهتمش بيها وبيرفضوا يجوا يعملوا معاينة حتى

ودايما الحجة ان فى حاجات اهم

طيب سؤال....هو ايه الاهم ؟؟

اقتباس:

---

المشاركة الأصلية كتبت بواسطة mada121977

احب اضيف تجربتى مع ضابط من مرور الاسكندريه كنت كتبتها قبل كده :

من حوالى 4 سنين كنت فى اسكندريه على الكورنيش وخارج مع العائله وركنت قرب كوبرى ستانلى وكان فيه حوالى اكتر من سبع عربيات راكنه جنبى وفجأه لقيت ونش مرور وضابط برتبه عقيد نازل منه وعمال يلم الرخص من الناس اللى واقفه وبعتلى عسكرى ياخد الرخص ... رحتله خير ياباشا قالى الركنه ممنوع وهات 25 جنيه ابص يمين وشمال انى اشوف يافطه ممنوع الوقوف مفيش !!
قلتله انا مش شايف اى يافطه ممنوع الانتظار هنا .. قالى لا فيه بس بعيد شويه هات الفلوس روحت مطلع من سكات ودفعتله ال 25 لحلوح وكمان كل اللى كان معايا دفع فقلت خلاص مش مشكله والبيه ادانى وصل ... المفاجأه بقى ببص فى الوصل اللى انا اخدته بعد مامشيت من البيه النصاب مكنش وصل بالمخالفه كان وصل مكتوب فيه وصل استلام رسوم لمدرسه تعليم قياده السيارات التابعه للمرور ومش مختوم !!!! يعنى البيه النصاب واخد دفتر ايصالات من مدرسه المرور وماشى عمال يلم فى فلوس الناس على اساس انه بيديهم مخالفات وبيلم الفلوس فى جيبه وعلى فكره انا لسه محتفظ بالوصل ده الى الان للذكرى الخالده

---

على فكرة اى ايصالات مخالفات عندنا فى اسكندرية بتبقى كده وفعلا ايصالات مدرسة تعليم القيادة دى تبع المرور .....
ليا صديق ضابط فى المرور وبرضه بشوف معاه الأيصالات دية وبياخد عليها المخالفات

اقتباس:

---

المشاركة الأصلية كتبت بواسطة mido777

على فكرة اى ايصالات مخالفات عندنا فى اسكندرية بتبقى كده وفعلا ايصالات مدرسة تعليم القيادة دى تبع المرور .....
ليا صديق ضابط فى المرور وبرضه بشوف معاه الأيصالات دية وبياخد عليها المخالفات

---

ازاى !!!
كده المخالفه والفلوس اللى بتدفع ليها غير قانونيه تماما
يعنى ازاى لما ادفع مخالفه استلم وصل من مدرسه تعليم المرور ؟؟
المنطقى والطبيعى ولو هما فعلا عاوزين يتفادوا الشبهات يبقوا يطبعوا دفاتر خاصه بالمخالفات مش يدينى وصل من مدرسه تعليم القياده !!!
ولا هما بيوفروا فى طباعه دفاتر المخالفات

انا اتنصب عليا نصباية عبيطة شوية

قاعد في قهوة انا و واحد صاحبي لاقيت واحد ضارب تقريبا بيقولي ممكن كوباية الماية ( رغم انها كانت فاضية ) .. قولتله ليه ؟؟
قالي اصل واحد صاحبي عطشان في العربية
قالتله طيب ما تخش تجيب من القهوة نفسها
مش فاكر صراحة الحجة اللي قالها ...
المهم اننا سيبناله الكوباية .. طبعا خدها و مرجعش و الهدف طبعا معروف

اقتباس:

---

المشاركة الأصلية كتبت بواسطة Cutevampire

المهم اننا سيبناله الكوباية .. طبعا خدها و مرجعش و الهدف طبعا معروف

---

يعنى هو بينصب علشان يسرق كباية؟:majd(4):وجى لو باعها حياخد كام اتنين جنيه
ولا ايه هو الهدف المعروف؟

اقتباس:

---

المشاركة الأصلية كتبت بواسطة ahmed4000

يعنى هو بينصب علشان يسرق كباية؟:majd(4):وجى لو باعها حياخد كام اتنين جنيه
ولا ايه هو الهدف المعروف؟

---

هياخدها علشان يحشش فيها:majd(4)::majd(4)::majd(4)::majd(4)::majd( 4):

اقتباس:

---

المشاركة الأصلية كتبت بواسطة hameedo

موقف اتحكالى بس ماشوفتوش والله اعلم من صحته
واحد اتسرقت منه عربيته من تحت البيت المهم تانى يوم لقى العربية ولقى جواب على التابلوه مكتوب فيه كمية اعتذارات رهيبة وبشكل ذوق جدا ان السارق كان غصب عنه السرقة والدليل انه رجع العربية وفى نفس الوقت مغسولة كمان علشان يثبت انه مش قاصد يسرق المهم السارق كان سايب مع الجواب تذكرتين مسرح زى ما تقولو تعويض عن السرقة. الراجل صاحب العربية طبعا مش مصدق نفسه من فرحة العربية اللى رجعت قام واخد مرته وراحوا المسرحية اللى جالهم وتذاكرها ولما رجعوا الشقة طبعا انتو عارفين الباقى .......... الشقة محتاجة تتفرش من اول وجديد (الله اعلم من صحة الكلام بس الفكرة عجبتنى اوى :) )

---

احلى حاجه فى موضوع النصب ده ربنا بيعدنا عنه ويبعده عنا الذكاء الفظيع بتاع النصابين وكل ماتصرف على النصابايه كل ما العائد يكون اكبر , بس فعلا فكره مبتكره .

اقتباس:

---

المشاركة الأصلية كتبت بواسطة acceleration

هياخدها علشان يحشش فيها:majd(4)::majd(4)::majd(4)::majd(4)::majd( 4):

---

:shyy:
معلش اعذرونى انا جاهل فى الحتت دى :Zb_sor1[1]:

اقتباس:

---

المشاركة الأصلية كتبت بواسطة korkor

احلى حاجه فى موضوع النصب ده ربنا بيعدنا عنه ويبعده عنا الذكاء الفظيع بتاع النصابين وكل ماتصرف على النصابايه كل ما العائد يكون اكبر , بس فعلا فكره مبتكره .

---

طيب انا بستغرب من حاجة فى النصاب
انه بيبذل مجهود ويخطط ويدرس ويتدرب لغاية لما ينفذ العملية

طيب ليه عمره مبيفكر يستغل التخطيط والذكاء ده فى عملية نضيفة اوو فى بيزنيس واكيد حتكسبه

اقتباس:

---

المشاركة الأصلية كتبت بواسطة ahmed4000

طيب ليه عمره مبيفكر يستغل التخطيط والذكاء ده فى عملية نضيفة اوو فى بيزنيس واكيد حتكسبه

---

الشغل حتى لو خاص يعني قيود والتزامات قصيرة وبعيدة المدى وتقلبات وأحيانا كثيرة روتين وملل، النصاب بيكون شخص ذكي جدا، طموح جدا، لا يقبل وضع السرج على ظهره كالحصان..هو أشبه بالحصان البري، بالإضافة إلى المتعة الخاصة التي يجدها في النصب والتلاعب بعقول الناس، بالإضافة إلى جو المغامرة والأدرينالين، هذا فضلا عن أن هذه الشخصيات بيكون عندها
antisocial personality disorder

طيب أحجزولى كرسي معاكم فى اللى اتنصب عليهم....

مرة كنت مكلم بتاع الالوميتال يركب حاجة فى البيت و قالى هأبعتلك حد....جه واد تحت 20 سنة معاه شنطة العدة و رجل معاه حوالى 30 سنة و دخلوا الحمام عشان يبدأوا الشغل و التركيب و الرجل قعد يساعد الولد و يناوله العدة. شويه كده و قام الرجل مرة واحدة ساب البيت و خرج ..قلت طبعا راح يجيب حاجة بس اكتشفت أن الموبايل اللى كان فوق الكومود اللى جنب باب الشقة أختفى.
مسكنا طبعا فى الواد و المفاجأة انه قال انه ميعرفش الرجل و انه فاكره كل ده تبعنا و انه جاي لوحده عادي و لما دخل العمارة لقى الرجل بيخبطله على شنطة العدة و قاللو (أيوه يا بتاع الألوميتال) و طلع معاه فافتكر انه معانا و كان مستنيه تحت و احنا طبعا أفتكرنا انه مع الواد. و الزبون لما طلع خد الموبايل فى سكته و خلع.
طبعا عملنا محضر بس مرضيناش نتهم الولد لأن اللى مشغله معرفة و أكد انه استحالة يكون الواد اتفق مع الرجل. و سمعت بعد كده ان رجل بأوصاف الحرامي ده ساكن قريب مننا اتمسك بيسرق و انه من عيلة كويسة بس مدمن عشان كده بيسرق

جهزتولى الكرسي و لا لسه؟ :fdsa:

كمل يا شنورى

اقتباس:

---

عملت إعلان عن لاب ديل لاتيتيود مستعمل بإمكانيات محترمة في الوسيط وطلبت ٦ آلاف جنيه..كلمني واحد وطلب نتقابل ورتبت معاه معاد يجيلي البيت..اتصل من أجل تعديل الموعد...كنت أخبرته إني سأكون في الطريق في الوقت الفلاني فطلب مني بمنتهى الإحراج المرور عليه طالما هو في طريقي..وصلت وقابلته ووجدته إنسان شيك وواضح عليه التهذيب وطلب مني الصعود لمنزله بدلا من المقابلة في السيارة..وإحنا طالعين اتكلم مع البواب والأمن بمداعبات..دخلنا الشقة كان فيها آثار غسيل ومسح وتنضيف فطلب مني الانتظار ثواني حتى تتمكن زوجته من إفساح الطريق..دخلنا البلكونة عشان الشقة مكركبة..قعدت في جانب البلكونه بحيث لا أستطيع كشف ما بداخل البيت..عاين الجهاز..أخرج من جيبه مبلغ من المال ملفوف في ورقة شبيهة برزم البنك وقال لي عد دول وأنا داخل أجيبلك الباقي..عديت الفلوس لقيتها ٣٠٠ جنيه خمسات..لم يظهر له أثر بعد ربع ساعة ناديت عليه أكثر من مرة وأنا متحرج..بعدها بعشر دقائق كمان قمت بصيت لقيت الشقة فاضية والباب مفتوح...بقية القصة معروفة..شقة مفروش هيصة ودوشة ومحاضر وقصة طويلة ملهاش أول من آخر والنتيجة في قرار النيابة (تحفظ لعدم الاستدلال على الفاعل).....واتفضل جنب إخواتك يا ناصح

---

اقتباس:

---

المشاركة الأصلية كتبت بواسطة mido777

نفس الكلام بالنص حصل مع زميلى بالعمل
وبرده اعلان فى الوسيط ولاب توب والشقة كانت تقريبا فى خالد بن الوليد

---

+1

نفس الكلام حصل مع صديقي في الجامعة أيام هوجة الIphone...

كان شاري 4 أجهزة و عرضهم في الوسيط...و جهاز منهم إتنصب عليه بنفس السيناريو ده بالمللي...

و بعدها بإسبوعين حصل سيناريو شبيه لكن النصاب رسم نفسه دكتور...و قابلنا في مستشفى كيلوباترا و دخل يسلم على الممرضين و العمال و السيكيوريتي...و عزمنا في الكافيتيريا و حاجة أخر شياكة...

و فجأة حط إيده على علبة الأيفون و قالنا هاخده أوريه لدكتور فوق...بصينا لبعض...و راح صاحبي حط إيده على إيد النصاب بسرعة....قاله هاجي معاك....راح ده لاوع في الكام و أصل و فصل....و لما لاقى ان إحنا قافشين قام قال ثواني و جاي....و فص ملح و داب :)

اقتباس:

---

المشاركة الأصلية كتبت بواسطة ahmed4000

وانا صغير جالى الشخص البيت وكلمنى عن انه تبع وزارة الصحة وجاى يعمل تطهير للحمام ودخل الحمام بانبوبه عجيبة كده وخرج قال محدش يفتح الحمام لمدة ساعتين وهو ماشى ادالى وصل ب"5 جنيه" وطبعا لا طلعت وزارة ولا طلع تطهير ولا حاجة
:)

---

نفس الموقف تقريبا حصل معايا بس دول خدوا 15 جنية والكلام من 5 سنين تقريبا، وعلى فكرة أنا الوحيد في العمارة اللى اتنصب عليه في هذا الموضوع

في مثل معروف إن النصاب زبونه الطماع

حكايتي مع النصابين تتلخص في الآتي :

النصاب :

- شاب في منتصف العقد الثالث من العمر .
- أسمر اللون .
- اللغة : هي لغة أهل أسوان الجميلة .
- الشكل : بدلة شيك جداً مع بروش لعلم جمهورية مصر العربية وجزمة سوداء أنيقة وتلمع كالمرآة .
- المهنة : ضابط حراسة في أحد شركات البترول المشهورة ( :B4_444: )

المكان :

- الأتوبيس الأحمر أبو دورين في الأسكندرية .

الزمان :

- الصيف الماضي .


الموقف بالتفصيل :

كنا في مشوار أنا ووالدتي في بحري وخلصنا والدنيا كانت حر جداً وقلنا بدل ما نركب تاكسي نركب الأوتوبيس المكيف وأهي حاجة نظيفة وفسحة في نفس الوقت المهم ركبنا وطلعنا طبعاً الدور الثاني ( تنبيه لطوال القامة زي حالتي : وطي شوية لما تطلع الدور التاني عشان السقف منخفض بدل ما دماغك تتخبط زي ما حصل للعبد لله ) طبعاً الجو فوق شيك جداً كأنك سافرت أوروبا نص اللي كانوا قاعدين أجانب قلت يا سلام يابلدي وحسيت بالفخر أني مصري وأن مصر بلد الأمن والأمان ( طلعت بعد كدة بلد الكوسة والبدنجان ) المهم قعدنا بعد ما دفعنا وكان في عيلة تجلس في الكرسي اللي قدامنا معاهم طفل صغير لطيف وفي واحد قاعد في الكرسي بمحاذتنا ( النصاب ) بيلاعب الطفل دة وبيعكسة من بعيد ( طبعاً عرفت كان ليه بيعاكسة عشان يشد طرف حديث مع عائلة الطفل ) ولكن الرجل أبو الطفل لم يكون ودوداً بالشكل الكافي عشان كدة صاحبنا النصاب صرف نظر وبصيلنا من مكانه بعين رضية وعلى الفور حدد الهدف التالي لعملية النصب ....

To Be Continued

تتابعون في الجزء التالي :

- كيف قام النصاب بجذب أنتباهنا وشد طريف الحديث معنا ؟
- ماذا كانت ردة فعلنا ؟
- هل سيهرب النصاب وينجو بفعلته ؟
- هل سيتمكن أدهم صبري من تدمير الدبابات والطائرات المملوكة للمافيا الأمريكية وهل سينجح في أختراق مبنى المخابرات الأمريكية والأسرائيلية والبريطانية لأنقاذ منى من أيديهم ؟

تابعونا ...

متابع.......

مرة من عشرين سنه قابلنا انا وواحد صديقى راجل محترم جدا جدا وقف معانا وعرفنا بنفسه بمصافحه فى منتهى الحميميه
انه الاستاذ محمد عبد الحميد مدير ادارة فى المنصورة طبعا كنا شباب وهو راجل محترم بدله وكرافته وشعر ملزق وانه اتنصب عليه وممعهوش تمن التذاكر فطبعا فى منتهى الجدعنه اعطيناه 5 جنيه (5جنيه من عشرين سنه كانت حاجه جامده قوى) والراجل اصر ياخد عنوانا علشان يبعت حواله بالمبلغ واحنا رفضنا تماما راح مطلع بطاقه عائليه من بتاعه زمان طب خذوا بياناتى وتعالوا انتو ابدا بالسلامه وسلمنا عليه ومشينا ونحن نظن انا قمنا بالواجب مع غريب
المهم بعد كام شهر انا وصديقى ده ماشين باليل عند قصر المنيل ونلاقى واحد داخل علينا وبيسلم بمنتهى الحميميه وانا اخوكم الكبير استا...... وانا وصديقى فى نفس واحد محمد بيه عبد الحميد مدير الادارة وفين يوجعك شويناه وقلبناه ملاقيناش معاه غير البطاقه المضروبه وخمسه ... سته جنيه فكه وعلبه سجاير طبعا اتصادروا والشعب المصرى المتواجد بالمنطقه كل واحد افتكر موقف حصله وأكل علقه بالهنا والشفاوقلع هدومه وجزمته وقال يا فكيك واحنا متنا من الضحك.....
كمل يا شنورى

قصة حصلت لصاحبي من حوالى شهر
ماشي جنب كارفور مستني اي مواصلة تروحه البيت عربية لانسر معدية عليه لو سمحت يا كابتن متعرفش مصنع كذا فين ...لأ الحقيقة معرفش.....بتاع العربية طلع التليفون يعمل مكالمة معهوش رصيد ...ممكن يا كابتن اعمل دقيقة من تليفونك.....اتفضل...طبعا صاحب العربية خد التليفون وهرب.
قصة شخصية
كنت مرة في جمصة وانا صغير واحد لقيناه اسمه سيد مرسي بيكتشف مواهب بيجوب المحافظات علشان يجيب لاعيبة للأندية في جميع الألعاب كان جاي يجيب من جمصة لعيبة سباحة وكرة شافني بلعب اتعرف علينا انا وناس معارفنا طالعين معانااخذ بياناتنا وفرجنا علي صور لأحمد السيد لعيب الأهلي ومحمد فضل وهو متصور معاهم وكان مسمي نفسه سوبر مان....بعد ما رجعنا من المصيف لقيته جاي البيت قعد معانا يتكلم وبتاع بعد كده قال انا هخليك تلعب في نادي المقاولين وهننزل دلوقتي نجيب اللبس علشان تروح تتدرب هناك نزلنا معاه بكل ثقة طبعا ملقيناش اللبس بيتباع قالنا خلاص هشتريه انا اخذ 70ج ومشفناش وشه بعد كده.
بعد شهر لقيت موضوع في الجمهورية صفحة الرياضة كاتبين عن سيد مرسي انه اكتشف لعيبة كتير ولازم اتحاد الكرة يعمله مرتب خاص علشان ظروفه المادية.

اقتباس:

---

المشاركة الأصلية كتبت بواسطة AshTurbo

حكايتي مع النصابين تتلخص في الآتي :

النصاب :

- شاب في منتصف العقد الثالث من العمر .
- أسمر اللون .
- اللغة : هي لغة أهل أسوان الجميلة .
- الشكل : بدلة شيك جداً مع بروش لعلم جمهورية مصر العربية وجزمة سوداء أنيقة وتلمع كالمرآة .
- المهنة : ضابط حراسة في أحد شركات البترول المشهورة ( :B4_444: )

المكان :

- الأتوبيس الأحمر أبو دورين في الأسكندرية .

الزمان :

- الصيف الماضي .


الموقف بالتفصيل :

كنا في مشوار أنا ووالدتي في بحري وخلصنا والدنيا كانت حر جداً وقلنا بدل ما نركب تاكسي نركب الأوتوبيس المكيف وأهي حاجة نظيفة وفسحة في نفس الوقت المهم ركبنا وطلعنا طبعاً الدور الثاني ( تنبيه لطوال القامة زي حالتي : وطي شوية لما تطلع الدور التاني عشان السقف منخفض بدل ما دماغك تتخبط زي ما حصل للعبد لله ) طبعاً الجو فوق شيك جداً كأنك سافرت أوروبا نص اللي كانوا قاعدين أجانب قلت يا سلام يابلدي وحسيت بالفخر أني مصري وأن مصر بلد الأمن والأمان ( طلعت بعد كدة بلد الكوسة والبدنجان ) المهم قعدنا بعد ما دفعنا وكان في عيلة تجلس في الكرسي اللي قدامنا معاهم طفل صغير لطيف وفي واحد قاعد في الكرسي بمحاذتنا ( النصاب ) بيلاعب الطفل دة وبيعكسة من بعيد ( طبعاً عرفت كان ليه بيعاكسة عشان يشد طرف حديث مع عائلة الطفل ) ولكن الرجل أبو الطفل لم يكون ودوداً بالشكل الكافي عشان كدة صاحبنا النصاب صرف نظر وبصيلنا من مكانه بعين رضية وعلى الفور حدد الهدف التالي لعملية النصب ....

To Be Continued

تتابعون في الجزء التالي :

- كيف قام النصاب بجذب أنتباهنا وشد طريف الحديث معنا ؟
- ماذا كانت ردة فعلنا ؟
- هل سيهرب النصاب وينجو بفعلته ؟
- هل سيتمكن أدهم صبري من تدمير الدبابات والطائرات المملوكة للمافيا الأمريكية وهل سينجح في أختراق مبنى المخابرات الأمريكية والأسرائيلية والبريطانية لأنقاذ منى من أيديهم ؟

تابعونا ...

---

كونان المتحري الذكي.

واحد صاحبى وخاله كانوا مسافرين بالعربيه على الصحراوى من كام سنه وهما ماشين بعد الرمايه بشويه لاقوا واحدة واقفه جنب عربيتها عطلانه والعربيه مدخنه والدنيا ضلمه قاموا وقفوا
اى خدمه
اه العربيه ولعت
طب ننزل نشوفها
لا شكرا خلاص انا بعت اجيب حد من الفيلا بس اتأخر ممكن توصلونى
اتفضلى
ركبت ورا
الدنيا برد قوى وانا مخضوضه ممكن البس الجاكت بتاع حضرتك
اتفضلى
بعد كام كيلو
هنا من فضلك الفيلا هنا
اتفضلى يا افندم
اتفضلوا قابلوا بابا
شكرا
طيب الجاكيت هبعتوا مع عبده السفرجى
عدى عشر دقائق ربع ساعه نص
دخلوا الجنينه ضربوا الجرس
فنح السفرجى
فين الهانم
هانم مين
جاء البيه على صوت الدوشه زى فبلم غزل البنات خير يا عبده
البهوات مجانين بيسئالوا على الهانم
الرجل بمنتهى الحزن اى هانم
طبعا صورتها كبيره جدا على الحائط
دى الى فى الصورة
دى بنتى ابتسام ماتت من عشر سنين زى النهارده العربيه ولعت بيها بعد الرمايه بشويه وماتت محروقه
يا نهار اسود عفاريت طبعا طاروا
المهم بعد يومين وحكاوى لموا بعض العمال والصعايده الى عند خاله فى الشركه (شركه مقاولات)وراحوا الفيلا لاقوا الهانم والبيه والسفرجى وطلعوا عصابه وكلوا علقه موت واتسلموا وطلع عليهم حوالى 100سنه احكام نصب
............والله تنفع فيلم

اقتباس:

---

المشاركة الأصلية كتبت بواسطة بحري

عملت إعلان عن لاب ديل لاتيتيود مستعمل بإمكانيات محترمة في الوسيط وطلبت ٦ آلاف جنيه..كلمني واحد وطلب نتقابل ورتبت معاه معاد يجيلي البيت..اتصل من أجل تعديل الموعد...كنت أخبرته إني سأكون في الطريق في الوقت الفلاني فطلب مني بمنتهى الإحراج المرور عليه طالما هو في طريقي..وصلت وقابلته ووجدته إنسان شيك وواضح عليه التهذيب وطلب مني الصعود لمنزله بدلا من المقابلة في السيارة..وإحنا طالعين اتكلم مع البواب والأمن بمداعبات..دخلنا الشقة كان فيها آثار غسيل ومسح وتنضيف فطلب مني الانتظار ثواني حتى تتمكن زوجته من إفساح الطريق..دخلنا البلكونة عشان الشقة مكركبة..قعدت في جانب البلكونه بحيث لا أستطيع كشف ما بداخل البيت..عاين الجهاز..أخرج من جيبه مبلغ من المال ملفوف في ورقة شبيهة برزم البنك وقال لي عد دول وأنا داخل أجيبلك الباقي..عديت الفلوس لقيتها ٣٠٠ جنيه خمسات..لم يظهر له أثر بعد ربع ساعة ناديت عليه أكثر من مرة وأنا متحرج..بعدها بعشر دقائق كمان قمت بصيت لقيت الشقة فاضية والباب مفتوح...بقية القصة معروفة..شقة مفروش هيصة ودوشة ومحاضر وقصة طويلة ملهاش أول من آخر والنتيجة في قرار النيابة (تحفظ لعدم الاستدلال على الفاعل).....واتفضل جنب إخواتك يا ناصح


كمل يا شنوري......

---

فين المكان والشقة بالظبط يا باشا
والم تلاحظ أى شىء غريب على الامن والبواب