الموضوع: زيارة لابو رواش

انا عربيتى خليجى بس ليا واحد صاحبى معاه سيراتو كوبيه وكيل عربيته اتخبطت فى الجراج وهيه وقفه وكانت الخبطه فى باب السواق والعربيه عامله 740 كيلو بس يلا الحمد الله انها جت على قد كده وقلتله سيبها علشان العين بس هو صعبت عليه العربيه لانها لسه باكياسها
المهم قلتله ممكن تعملها فى الحرفيين لكن هو اصر انه يعملها فالتوكيل وراح بيها فرع روكسى قلولوا لازم تروح ابو رواش وفعلا بعديها بكام يوم راح هناك وقلولوا تيجى بعد شهر ده اقرب ميعاد واتفقوا معه ان الباب حيتعملوا مرمه صغيرة على قد الخبطه ومش حيحتاج يرش الباب كله!!!
وتكلفه الاصلاح 1000 جنيه
المهم رحت معاه يوم السبت قبل اللى فات علشان نودى العربية اقعدنا حوالى ثلث ساعه ومحدش بيعبرنا خالص كل لما نسال حد مين حيستلم العربيه يقولوا 5 دقايق وحيبقى المهندس موجود معاكم المهم المهندس جه واثناء استلام العربيه جابوا واحد من قسم السمكرة علشان ياعين العربية وتغيير الكلام 180 درجه قله لازم الباب كله يتسمكر ويترش بالكامل طبعا قعد يبصلى ومش مصدق انهم غيروا كلامهم طبعا بس الحاجه الظريفه سئلوا انت مامن قله لا راح قيله العربيه حتتكلف 700 فقط من غير الضريبه يعنى كله 770 جندى احنا مفهمناش التخفيض ده جه بنائن على ايه لكن ميضرش وبعديها خد حاجته من الشنطه وسالوا عايز اى حاجه تانيه فى العربيه قالهم ايون عايز اعمل صيانه 1000 كيلو بالمرة علشان مجيش المشوار ده تانى قالولو اوك تمام كده ميعاد استلام العربيه يوم السبت اللى جاى يعنى اسبوع (ده بتاع اول امبارح) وخد نمرة المهندس اللى استلام العربيه علشان يكلمه يوم الخميس يتاكد ان العربيه خلصت
صاحبى بيقول للمهندس عليا ان معايا عربيه خليجى وبتدانا نتكلم على موضوع الصيانه قلى ممكن تجيب العربيه بعد دفع 4000 جندى ايهم قلتله انا عارف الموضوع ده بس مش مقتنع بيه والحمد الله عاملت صيانه فى مراكز تانيه محترمه لا تقل عن كفاءة عن الوكيل قلى اصل العربيات الخليجى ليها قطع غيار مختلفه عى عربيات الوكيل قلتله ازاى يعنى قلى العربيات الخليجى مثلا فيها ABS وده مش متوفرة عندنا قلتله ازاى مش الهاى لاين فيها ضرب لبخه و تهته وقلى اه الهاى لاين بس قلتله طب اذا دفعت ال4000 حتعملوا ايه قلى حنبقى نستورد عند الطلب ليها !!!!!! وقلتله انتوا كده الخسرانين مش احنا ضحك وقلى لا انتوا اللى خسرانين الصيانه عندنا كنت بتيجوا تدفعوا 30 % زياده قلتلوا طب ودلوقتى انتوا مش بتستدفيدوا من زياده المصنعيه ولا حتى بيع قطع الغيار قلى المكسب مش من الصيانه المكسب من بيع الزيرو قلتله انتوا معندكومش بضاعه حاضرة
المهم قلتله عموما انا مبسوط بعربيتى الخليجى واشبعه بعربياتكم ومشينا
كنت عايز اكتب عن الموضوع ده من ساعتها بس قلت موضوع الوكيل والخليجى قتل بحثا ونقاشنا ومخدتش انطباع جيد عن التوكيل فى المعامله و الاستقبال ولكن اللى خالنى اكتب دلوقتى ان صاحبى قعد يكلم المركز محدش بيرد عليه وكلم المهندس بردوا مش بيرد لمده يومين وبعد كده قفل الموبيل وفضل حاير يعمل ايه هل العربيه خلصت يوم السبت زى ما قلولوا ولا لا
انا كنت طالع يوم السبت الساحل وفكر يجى معايا بس قلى اروح انا التوكيل علشان اذا العربيه مخلصتش حيبقى الرجوع لمدينه نصر صعب شويه قلتله اوك حروح اشوفلك العربيه واديك خبر
بعد لمل وصلت سالت المهندس بتاع الاستقبال على المهندس اللى استلم العربيه ليه مش بيرد قلى اصل والدته تعبانه شويه قلتله الف سلامه ايه اخبار العربيه السيراتو الكوبيه قلى اه اللى جات الاسبوع اللى فات ده خلصت خلاص روح شوفها فالسمكرة واعرف حسابها واستلمها
روحت سالت على الراجل بتاع السمكرة ودخلنى جوه علشان اشوف العربيه طبعا كانت المفاجاه ان العربيه لسه بالبطانه ومترشتش !!!!!!!! قلتله ازاى كده يعنى برا قلى العربيه خلصت والنهارده ميعاد استلامها والمشوار بعيد انا جاى من مدينه نصر ضحك وقلى اى المشكله انا بجاى كل يوم من هناك ياسيدى انا مالى انت بتيجى شغلك قلى كلامنى بكرة وانا اقولك اذا العربيه اترشت تيجى تاخدها بعديها بيوم وادانى رقم الموبيل بتاعه
وانا خارج من قسم السمكرة شوفت كام عربيه معجونه ربنا يستر علينا جميعا بس وقفت عند واحد منهم لاقيتها من غير موتور ولا فتيس ولا اى حاجه جوة الحوض بتاعها وفيها لحمات كتيرة فى الصدر قلتله اى ده قلى ده عربيه زيرو لسه باكياسها قلتله هوبببببببببببا ده من العربيات اللى مقلوبه قلى اه انت عرفت منين قلتله ما علينا قلى اللى اشتربها واحد من هنا فالمركز قلتله عظيم وبعدين مين بقلى اللى حيلبسها قلى لا انت فهمنى غلط ده زميل لينا اشتريها علشان يركبها قلتله انا فاهم واذا بعد فترة باعها يبقى فى حد يشربها قلى ديه ملناش دعوة بيها
وخجت من المركز وكلمت صاحبى اديته نمرة الراجل بتاع السمكرة وقلتله يكلمه بكرة على حسب الاتفاق او احسن يكلمه دلوقتى يتفق معاه وطلع الباشا مدينى نمرة غلط
المهم فضل يكلمهم محدش بيرد لغايه من نص ساعه رد عليه مهندس قله اصل انا مش فلان انا زميله انت عايز تعرف ايه اخبار عربيتك كلامنى كمان ربع ساعه قله لا انا معاك لغايه لما نشوف العربيه حصل ليها ايه قله العربيه خلصت تعالى خدها قله وخلصته صيانه 1000 قله لا محدش بلغنا بيها على العموم حنعملهالك !!!!!!!!!
دوشتوكوا اسف جدا بس النهارده قلت لازم اكتب اللى حصل