شقة 86 م بمدينة بدر في طريق السويس حي مميز

**أحمد علوان** · 22-06-2010 06:25 PM

شقة 86 م بمدينة بدر الحي الأول المجاورة الأولى الحي المميز خلف المول تتطل على شارع رئيسي عريض. الشقة استثماري قسط 560 شهري جنية الدور الخامس (الرابع بعد المحلات) حجرتين 4 * 4 ورسبشن كبير وحمام كبير ومطبخ كبير فيو رائع تطل على مسجد المميز ومن خلف المسجد النادي والجامعة الروسية غير مجروحة. بها عداد ماء وكهرباء وتليفون قابلة لنقل الملكية في البنك فورا. المدخل من حديقة ومكان مميز لركن السيارات واجهة العمارة شيك وتختلف عن النماذج الأخرى. شبابيك الوميتال وتم تركيب شيش لحجرة النوم. مناسبة لأسرة أو عرسان جدد غير مجروحة.
مكان الشقة من موقع Wikimapia افتح وانتظر التحميل
مطلوب نهائي 65000 جنيه.

للاتصال أحمد علوان: 0101296573 – 0160082768

**زينة الله** · 23-06-2010 09:18 AM

السلام عليكم يا أستاذ أحمد
هل الشقة متشطبة و العمارة اهله بالسكان ولا المكان غير معمور
طيب لو حبيت اأجرها ، تتأجر بكام
و باقى عليها كام سنة فى القسط للبنك و المبلغ الاجمالى الباقى عليها كام
و تبعد كام كيلومتر عن طريق مصر اسماعيلية الصحراوى أو كام دقيقة بالتقريب
مع تحياتى و شكرا

**mohamed9999** · 23-06-2010 10:42 AM

المشاركة الأصلية كتبت بواسطة Tifana2010

السلام عليكم يا أستاذ أحمد
هل الشقة متشطبة و العمارة اهله بالسكان ولا المكان غير معمور
طيب لو حبيت اأجرها ، تتأجر بكام
و باقى عليها كام سنة فى القسط للبنك و المبلغ الاجمالى الباقى عليها كام
و تبعد كام كيلومتر عن طريق مصر اسماعيلية الصحراوى أو كام دقيقة بالتقريب
مع تحياتى و شكرا

**أحمد علوان** · 05-07-2010 11:28 AM

السلام عليكم ورحمة الله

معلش على تأخري في الرد
الشقة متشطبة كويس الارض بلاط قشر رخام والمطبخ والحمام سيراميك من الارض للسقف وبانيو في الحمام وانا عايش في الشقة دلوقتي.
وهي مدينة بدر تبعد عن طريق السويس شوية مش كتير ممكن تخش طريق السويس من طريق في آخر بدر اسمة الربيكي واو ممكن من مدينة الشروق هاياخد بالكتير عشر دقائق بالعربية او حاجة في الحدود دي
والشقة استثماري تقسيطها على 20 سنة انا واخدها في 2/2007 وفاضل بقيت العشرين سنه وانا لما اخدت الشقة عرفت ان تمنها كاش كان حوالي 47 ال او خمسين الف لو كنت اخدتها من البنك كاش لكن انا اخدتها قسط ولو هاتدفع الباقي للبنك اكيد كل الفايدة الباقية هاتتشال
وانا باخد بالمواصلات من البيت للشغل في مكرم عبيد حوالي ساعة
ولو عايز تعرف مكان الشقة ادي لينك استناه لما يحمل خالص هاتلاقي الشقة والمكان بتاعها اضغط هنا

ولو اي أسأله تانية انا على استعداد للاجابة

**hossam_chixo** · 18-07-2010 04:47 AM

ياريت يا استاذ احمد لو فى صور اكون شاكر ليك
و شكرا

**أحمد علوان** · 18-07-2010 09:29 PM

عنيا ان شاء الله بكرة احطلك صور للمكان

**mxz911** · 20-07-2010 04:14 AM

فى اسانسير ولا لا ؟

معلش هيه مدينه بدر دى اللى بعد الرحاب ولا اللى بعد العبور ؟؟

**أحمد علوان** · 03-08-2010 04:14 PM

المشاركة الأصلية كتبت بواسطة mxz911

فى اسانسير ولا لا ؟

معلش هيه مدينه بدر دى اللى بعد الرحاب ولا اللى بعد العبور ؟؟

أخي الكريم
لا يوجد أسانسير والشقة الدور الرابع بعد المحلات يعني بعتبر الخامس
ومدينة بدر بعد الرحاب على طريق السويس
ويمكن الوصول لها من طريق الاسماعيلية بعد العبور ويتم الدخول من خلال الشروق المدخل الاخير ثم الخروج نت الشروق إلى مدينة هليوبليس الجديدة فمدينة بدر والطريق ده اللي بياخدة مني باص 3 اللي بيجي من موقف العاشر لمدينة بدر