الموضوع: سؤال كده سريع بس ضرورى عشان حيقرر مصير العربية

المشاركة الأصلية كتبت بواسطة ahmedyehia515

مساء الفل على أحسن شباب،

أنا أصلاً عربيتى سكودا بس واحجة قريبتى قصدتنى كده فى استشاره فى بيجو و قلت بلاش فتى و أسأل الخبراء.

الموضوع ببساطة انها كانت حجزت بيجو 207 مودل 2010 1400 سى سى مانيوال و كان السعر 107000 و الكلام ده كان فى شهر مايو و التةكيل قالها انها حتيجى فى شحنة شهر 6 ( بالمناسبة هى مش العربية تجميع مصرى إيه بإه موضوع الشحنة ده) المهم اتصلوا بيها و اجلوا الموضوع لشهر 7 و أول امبارح اتصلوا و أجلوا الموضوع لشهر 8 بس قالولها ان فى واحد كان عامل أوردر عربية و العربية جت بس هو خلاص مش عايزها بس الفرق ان العربية 1600 سى سى ستبترونيك و فيها أوبشنز زيادة عن الفول أوبشنز تمنها 140000, على كونتاكت كارز ال1600 الفول أوبشن ب 132، المهم هى كانت عايزه تسحب الفلوس و تشوف حاجة تانية بس أنا قولتلها نشوف العربية ده و نفاصل شوية فى السعر و بعدين نقرر.

مواصفات العربية :
1- موتور 1600 سى سى 120 حصان
2- ستبترونيك 4 سرعات
3- تكيف كليماتيك تاتش
4- مثبت سرعة
5-دركسيون مالتى فنكشن
6- جنوط 16 سبور
7-فوج لايت
8-مرايات كهربا
9-بلوتوث

المعرض مستعد يفاوض شوية فى السعر فسؤالى عربية بالامكانيات ده تستاهل 140000 ولا برده كتير عليها

بالمناسبة العربية اللى بـ132 مفيهاش التكيف التاتش ولا المالتى فنكشن ولا الالجنوط ال16 و لا البلوتوث فلو عرفنا ننزل السعر ل 137 أو 135 هل نتكل على الله و ناخدها ولا نسحب الفلوس و ندور على حاجة تانية، أه العربية جاهزة للبيع يعنى حناخدها فى ساعتها

يا ريت الكل يرد انهارجه عشان المفروض حنروح بكره الظهر عشان نسحب الفلوس أو نشتريها

اتاكد من تمنها كويس فى مركز بيع تانى
وشوف هل فرق الاوبشن يستاهل
انا من راى هتبقي روعة

صلى استخارة واعتمد على ربنا

المشاركة الأصلية كتبت بواسطة the-hero

صلى استخارة واعتمد على ربنا

1111111

و مفيش عربيه بيجو بتتقفل في مصر غير البارس و هي تستاهل السعر ده كفاية الخامات

و كمان لو اخدتها اقل من 140 تبقي صفقة

أنا شايفها صفقة رابحة... و الإستخارة هي الفيصل....
ربنا يوفقكم للي فيه الخير...
في رعاية الله..