توافق على ان زوجتك او اختك تسوق في شوارع القاهرة

**abdelaziz-waleed** · 18-02-2008 03:01 AM

نعم مفيش مشكلة خالص
نعم في الضرورة القصوى
نعم بس ماتكونش لوحدها
لأ طبعاً

**major_memo** · 18-02-2008 03:05 AM

اة مفيش كشكلة خالص
بس المشكلة بقي اني هخاف علي العربية يسقوها اساسا من زحمة القاهرة

**abdelaziz-waleed** · 18-02-2008 03:06 AM

هو الموضوع ده حساس جداً لكثير من الناس فأنا حبيت اعرف ايه رد فعلكم تجاهه وايه هية المضايقات اللي ممكن تتعرضلها المرأة او الفتاة اثناء القيادة في شوارع القاهرة.

احياناً انا بحس ان اي عربية بتكون سايقاها واحدة دايماً بتكون مخبطة مش علشان الستات مابيعرفوش يسوقوا ولكن ممكن تكون من كتر المضايقات اللي بيتعرضوا ليها وانهم مش هايعرفوا يردوا.

**tmz9111** · 18-02-2008 03:42 AM

نعم في الضرورة القصوى

**hazem_khidr** · 18-02-2008 04:14 AM

و ايه المشكله؟؟
عادي جدا

**abdelaziz-waleed** · 18-02-2008 06:49 AM

عندك حق يا اشتاذ حازم هي من المفروض انها عادي جداً ومافيهاش مشكلة. اللي انا اقصده هو شوارع القاهرة واخلاق السائقين مع اي بنت راكبة عربية. بصراحة الواحد ميقبلش ابداً ان اخته او زوجته يتحطه في المواقف اللي بيشوفها في الشارع او يتقالهم الالفاظ اللي بتتقال من السائقين

**OlaOsman** · 18-02-2008 07:05 AM

ماهي هتتعرض لنفس التصرفات دي و أسوأ لو ركبت المواصلات العامة.. حتى لو المكيف.. و حتى لو قاعدة على كرسي جيب الشباك باحترامها.. برضه بتتعرض للتحرش :(

اما عن التاكسي فالنساء برضه بيتعرضن لأنواع من البهدلة و البلطجة بتخلي الواحدة مش عايزة تخرج من بيتها

المشكلة ان حتى الزوج او الأخ اللي اخته بتروح جامعة او بتشتغل و مش موافق على قيادتها العربية ما يقدرش يعمل لها حاجة عشان يحل لها مشكلتها مع المواصلات العامة و التاكسيات عشان دي مش مشكلة وسيلة المواصلات نفسها على أد ما هي مشكلة سلوك الناس و منظومة امنية.. يعني لو الواحدة خارجة من بيتها و وسواء سايقة عربيتها او راكبة في وسيلة مواصلات و متأكدة ان اللي هايتحرش بيها هاياخد جزاءه لو استنجدت بظابط او امين شرطة، كانت الدنيا هاتبقى اسهل بكتير.. انما فقدان الأمن في الشارع المصري حوله لغابة أقل ما فيه اللي بيحصل للواحدة و هي في عربيتها.. على الأقل فيه ناس معندهاش أخلاق و لا دين انما ممكن يخافوا انها ممكن تكون ليها قريب جامد في الداخلية تقوم تاخد رقم عربيته و تبلغ عنه قريبها.. انما المسكينة اللي في الأتوبيس او حتى في التاكسي دي مين ياخد لها حقها؟ :(

**Mohamed_Hegazy** · 18-02-2008 08:20 AM

اوافق لانهه ارحم من بهدلة المواصلات بس تكون حريصة ومتحفذة دائما لان الاغبياء كتير

**tutankhamoun** · 18-02-2008 08:49 AM

أنا رأيي الشخصي إن
الستات و الرجالة المحترمة يقعدوا في البيت و محدش منهم يطلع يسوق في وسط الملاهي المصرية
للحفاظ على حرقة الأعصاب
و للحفاظ على السيارة
و توفير في البنزين
--------------------------------
كل يوم برجع البيت و أنا حاسس إن أنا هاموت من البهايم في الشارع
حــــــــــــــــــــــــ ـــاجــــــــة تـــــــــقــــــــرف
حسبي الله و نعم الوكيل في الشعب و الحكومة
الشعب بقى حاجة صعبة جدا جدا جدا
فوضى ثم فوضى ثم فوضى ثم همجية ثم غباء في غباء ثم تخلف و جهل و عبط و استهبال واستعباط
نفسي أركب على العربية أد 100 صاروخ
و كل حمار يعمل حركة غبية من قدامي أروح مديله صاروخ و يغور في ستين داهية
أنا قربت أدخل مستشفى المجانين بسبب السواقة في القاهرة و في مصر عموما
يارب عديها على خــــــــــــــــير قبل ما أموت بالحسرة أو في حادثة عربية في مصر أو ينتهي بي الحال في الخانكة