الموضوع: تكييف الفيكترا

اللى يبص للعنوان يفتكر انى هاقول كلام وحش
النهارده بكامل المصادفه و ربنا شاء
قاعد فى الشغل مع محاسب راجل كبير زميلنا
باقوله معندكش حد بتاع تكييف كويس
قاللى عندى واحد جامد
اقولكط خلص شغلك و نروحله بس هو حراق شوية
قلت اه دى تدبيسه
على خيرة الله اتصل بيه و قاله احنا جايين يا حاج عاطف
الساعه 2.30 كنا عنده هو عندنا فى العمرانية
العربيات اللى واقفه تخوف مرسيدس و بى ام و بيجو و تويوتا و نيسان و دايو فيه اللى خلص و ماشى و فيه اللى لسه هيدخل و قاعد مستنى وراكن العربية بره
و عمال بقى سامع ارقام 500-800-450 ارقام غريبه
شاف ناصر قام خده بالحضن و عامل ايه و الأخبار و الحوار
قاله ده اخويا الصغير عايز احلى واجب و انا قاعد
اول عربية طلعت كانت ستروين و دخلت مكانها و الناس شايطه بس ما علينا هو اشتغل فى عربيتى و اخوه فى باقى العربيات
نزل تحت العربية و وصل العداد
انا لغاية دلوقتى مفتحتش بقى بكلمه
و اللى معاه دور و زود صلاة النبى ضغط الكباس مش بيقل عن 100
قاللى العربية دى عايزه بلف ضغوط و عايزه غسيل دورة بنوعين فريون و تغيير زيت كباس و شحن فريون عايز نوع ايه غالى و لا رخيص
قاللى 200 بلف و 250 شحن و هنشوف التنضيف و المصنعية
قلتله و الدراير و الأكسبنشن قاللى ولا الهوا زى الفل و السربتينه سالكه و الأصلى بتاعها لو مركبشى اصلى زيه يبقى زى قلته ( من باب العلم بالشئ هو ب 350 جنيه )
طيب يا عم عاطف ايه النظام
بصلى من فوق لتحت
و نادى الواد قاله هالى بلف جى ام اصلى من المضروب
هنا بقى قلتله ورينى الأتنين
قالى ماشى ( للعلم انا مغير البلف ده من سنه و عارف شكله و سعره )
جاب الأتنين نفس العلبه و نفس الشكل و نفس كل حاجة
قلتله امال ايه الفرق
قالى على واحد صينى و التانى كورى
طيب ازاى بتفرق بينهم
قاللى ( و كلامه صح للعلم لأنى قبل ما طلع بتاعى شفت الفرق )
الأصلى الأخرام مش على خط واحد و البلف الأمامى نحاس مش المونيوم و السوسته حديد لونها نحاسى مش المونيوم
قلتله طلع القديم
طلعه و الحمد لله طلع مضروب قاللى ده يخللى الكباس يفصل و الضغوط ترفع و جرب انت خسران ايه
نزل تحت العربية فى 3 دقايق كان فاكك القديم و مركب الجديد
و قبل ما يكبس الدايره فك الساعه بتاعت المراوح و نضفها و سلك حاجة فيها و نضف الفيشة
و جاب الكباس العادى و كبس الدوره عادى لقى تسريب من عند الخرطوم اللى كنت حاطط صورته قبل كده فى الزور
قفل عليه كويس و منع التسريب بس للأمان قفل عليه بامير و المادتين اللى على بعض الأرنديل و فضى الدايره
هوبا
لقيته بملى هوا تانى قلتله ليه
قاللى باطمن
كبس الدايره و الله العظيم على 450 psi
و كشف على الدايرة كلها لغاية ما اتطمن
ة هى كده بقوله لو ضربت قاللى الخراطيم دى بتستحمل لغاية 1000psi مين قالك كده لو ضربت على الضغط ده يبقى تعبانه و مواسيرك ما شاء الله عليها زى الفل ( على فكره الشجرة الصينى النضيفه شفتها عنده ب 350 جنيه معرفش كويس و لا وحش و عليها ضمان سنه )
سابها و ساب العداد متعلق 15 دقيقه
لا العداد اتحرك و لا الثقب نفس
فضى الدايره و راح حاطط العربية على الجهاز
جهاز غريب كده
باقله مش هتحط زيت بدل اللى نقص ( كنت ضربت معاه صحوبيه و فياجرا و الذى منه خلاص )
قعدت على الجهاز بتاع ساعه
ايه بقى اللى عمله الجهاز
1. سحب كل الزيوت و الأوساخ من الدايره
2. كبس الدايره فريون 22 وده فريون حامى عشان ينضف الدايرة
3. سحب الفريون بكل الشوائب و بقايا الزيوت
4. خدمه للعبد لله الدايره اتكبست للمره التانية بفريون 408 و ده فريون حامى جداً
5. و الفريون ده بيتسحب شوف بقى شكل الزيت و الوساخه اللى طالعه من الدايره بالرغم ان المره الأولانية طلعت بلاوى
6. كبس الدايره هوا و تحديد مقار الشحنه اللى عايزاها العربية
7. بعد الكبس المؤشر اللى بيجهز كمية الفريون ( بيتجمع فى بتاعه ازاز كده ) بتاخد 1.89 لتر فريون بالضبط
8. تم ضغط 224 جرام زيت ( كما اظهر المؤشر ) مع بداية ضخ الفريون
هنا بقى قاللى دور ( قرب الساعه 5.45 )
دورت قاللى شغل التكييف على اعلى سرعه و على الأر بى ام لغاية 2
اول ما الموتور وصل 2 بدء ضخ الفريون
و بدء التبريد
و بدأت المتعه
قاللى ايه الأخبار - قلتله مش قوى ( انا من جوايا بقول ايه الجمال ده )
قاللى ليه
نادى الواد اللى عنده فك الشبكه و بالبلاور نضف السربنتينه و غسلها بمية بصابون و بعدين ميه عاديه و قللى ايه الأخبار كده
قلتله ليه
قاللى الكباس المؤشر قارى السكشن 30 فى السلانسيه و 20 فى الأر بى ام العالى مع القرص و ده معناه انها جوه فريزر
قلتله تعالى شوف
ركب العربية قاللى يا عم حرام عليك تعالى اركب التويوتا تكييفها زى كده
قلتله ما انا عارف انه كده ممتاز بس عايز اسمع من بقك ايه الأخبار
نزل قفل الشبكه و نزل العربية
و جاءت لحظة الحقيقه