العربية عندي متعفرته

**hostook** · 23-06-2010 02:24 AM

السلام عليكم
العربية عندي بليل بذات مع الانوار تنور لمبة الصيانة اول لما تشتغل مروحة التبريد والعربية ننقل ولما المروحة تبطل تفوق وترجع تمشي كويس ولمبة الصيانة تطفي اه الموضوع ده انما الصبح عادي علشان مببقاش منور الانوار وبعدين روحت لميكانيكي علشان اشيل ترموستات كوع الميه فبعمل غسيل لدورة الميه تحت البيت شيلت الخرطوم بتاع القربة وقمت حاطط الخرطوم لقيت شوية كده مفيش ميه بتلف الميه وقفت هوه في حاجة تاني بتقفل مع البرودة ولا الميكانيكي اشتغلني وقالي انه شاله وهوه مشلهوش لاني سبتله العربية لاني للاسف بزهق من القعدة عند الصنعية ارجو الافادة في جميع النقاط المطروحة وتحياتي للجميع.

**tananybasha** · 23-06-2010 02:58 PM

كده الترموستات موجود
لأنه الوحيد اللى بيقفل الدورة و العربية

**tananybasha** · 24-06-2010 01:18 AM

و اكشف على شحن الدينامو و البطارية

**tananybasha** · 24-06-2010 01:19 AM

و معلش طلب اخير
راجع توصيلات الأرضى بتات العربية كويس
عيد عليها فك و رباط

**tananybasha** · 24-06-2010 04:33 PM

المشاركة الأصلية كتبت بواسطة hostook

طيب يا طناني باشا انا شاكك فعلا في ان الكهرباء في العربية شعيفة ممكن المسئول عنها حساس معين ولا ده الدينامو وشكرا جزيلا يا باشا على اهتمامك وده ان دل يدل على انك راجل فاهم وشخص محترم وخدوم وربنا يجعله في ميزان حسناتك وتحياتي ليك.

يا باشا انا تحت امرك و عيب الكلام ده
لو زى ما بتقول الكهربا ضغيفه يبقى عند احتمالات محدوده
1. الدينامو شحنه و خرجه ضعيف
2. كابلات الأرضى مهربة
3. كابل الكهربا اللى واصل فى المارش مهرب شوية و ده ممكن تعرفه لو مسكت كابل الكهربا بتاع البطارية و لقيته سخن جداً
4. البطارية نفسها ضعفت و قبلها للشحن ضعف
مفيش حساس مسئول عن كهربة العربية للعلم
1-4 دول اى بتاع بطاريات يحطها على جهاز قياس الشحن و ياخد 5 جنيه
2-3 دول اى كهربائى قله عايز اقرط على الكابلات و اسنفر قواشيط البطارية و اغطيها بشحم و ياخد 10 جنيه و قضيت
بس المرحله الأولى الكشف على الشحن