الموضوع: اشرف اوبل

ده يا باشا رد من موضوع "ترتيب مراكز الصيانه"

المشاركة الأصلية كتبت بواسطة daaark

والله انا من اسكندريه فا معرفش حد كويس ولما جربت اروح للتوكيل منصور لعنت اليوم اللي روحتلهم فيه .. بس انا بتعامل حاليا مع واحد يعتبر الي حد ما دماغه نضيفه بالنسبه لباقي الميكانيكيه والحمد لله هي اصلا مش محتاجه لحاجات كبيرة يعني كلها سيرفيس عادي يعني
بس انا عندي اصحاب ليا في القاهرة بيتعاملو مع واحد اسمه اشرف اوبل بس هما بيقولوا عليه انه غالي شويه بس بيفهم وبالزات هو زات نفسه بيفهم اوي في الفكترا لكن انا لما رحت مرة معاهم بس مكنش في عربيتي يعني لقيت ان الصنايعيه اللي عنده لازم تكون فوق دماغهم علشان ميعكوش لانهم بيسرحوا وبيعكوا .. ده بصراحه اللي اتعاملت معاه في القاهرة

وده رد من موضوع "ميكانيكى و عفشجى مضمونين"

المشاركة الأصلية كتبت بواسطة ahmad allawy

في المعادي في عندك احمد و محمد عبد الراضي.. و فادي اللي انا باتعامل معاه..
و في العباسية في شارع احمد سعيد.. في اشرف اوبل..و اللي سمعت انه حاليا الشغل فيه كروتة شوية.. عشان مش بيتابع الشغل كويس. والله اعلم.. و العهدة علي الراوي..

طالما في المعادي.. جرب الاتنين اللي قولتلك عليهم دول,, و شوف هترتاح مع مين فيهم اكتر..

أشرف أوبل حسنته الوحيدة ان عنده عفشجي صغير فى السن اسمه سامح الولد مش استاذ بس كويس احسن من عفشجية كتير
قطع الغيار بيشتريها جديد و استيراد و بيبيعها بأسعار أعلى من السوق و حاول يشتغلني أكتر من مرة و الحمدلله ماشترتش منه.
طقم الميكانيكية اللى عنده مستواهم متواضع و مع ذلك شايفين نفسهم و ممكن تعاملهم ميعجبش ناس كتير.

المشاركة الأصلية كتبت بواسطة rabbat5

أشرف أوبل حسنته الوحيدة ان عنده عفشجي صغير فى السن اسمه سامح الولد مش استاذ بس كويس احسن من عفشجية كتير
قطع الغيار بيشتريها جديد و استيراد و بيبيعها بأسعار أعلى من السوق و حاول يشتغلني أكتر من مرة و الحمدلله ماشترتش منه.
طقم الميكانيكية اللى عنده مستواهم متواضع و مع ذلك شايفين نفسهم و ممكن تعاملهم ميعجبش ناس كتير.

اشرف كان زمان كويس دلوقتى بقى بينفض ومبيتابعش الشغل على طول قاعد فى المكتب
الصنايعية خلاص كلهم خلعوا مش فاضل غير سامح واتنين كمان
ميزتة ان هو شخصيا حافظ العربية بالمسمار انما الصنايعية زى اى صنايعى مصرى اصيل لازم يفتى