الموضوع: انا بظبط عربيتى ال 128

المشاركة الأصلية كتبت بواسطة doha

السلام عليكم
انا جديدة فى الموقع وجديدة كمان فى موضوع العربية وخصوصا انا بنت ممكن المساعدة انا معايا سيارة فيات 128 موديل 1988 وكل شوية اتشفحاجة المفروض اعملها فى العربية
بس انا عاوزة اعرف كل قد ايه اغير زيت الفيتس وايه ممكن يحصل لو ما غيرت زيت الفتيس علشان فى الغير الاول جامدة قوى هل ممكن الفتيس يتكسر انا خايفة والله وايه ممكن اعمل تانى فى العربية ممكن ايه معلومات
الف شكرا

فى العربيات بتاعتنا زيت القتيس مبيتغيرش بيتزود بس لو ناقص


وموضوع الاول ده المفروض المكانيكى يظبطه وبعد كده سايسيه وبلاش عافيه
ولما يعلق هاتى التانى وبعد كده هاتى الاول وانتى واقفه طبعا حتلاقيه عادى بيجى

لو سمحت هو تمن الموتور شامل التكيف والسرينتينه وكل حاجه ولا الموتور من غير التكييف

المشاركة الأصلية كتبت بواسطة mememsaid

معلش هو مش احباط
انا معايا 128 بردو وحالتها ممكن نقول كويسه بس انا واحد من الناس استحر م ادفع مبالغ كبيره في عربيه زي ال 128 انا اركبها غلي خالتها اين كانت لغايه لما ربنا يوفقني واجيب عربيه تانيه
وخصوصا ان انا سمعت ان الشدادات دي بدغدغ العربيه عشان الشاسيه بتعها اساسا علب

ماهو علشان الكلام ده اللي حضرتك قلته كل العربيات بقت تعبانة للأسف
يا اخي حرام عليك دي كلها 700 او 1000 جنيه (يعني يتمن رفرف عربية جديدة) بتشقلب العربية من اولها لأخرها (كأساسيات) تخليك راكب عربية زيرو لا بتسخن ولا بتشخلل و اسما عربية سيدان واسعة و بشنطة و موفرة عليك تمن الجديد و ماشية و ساكتة
بس هقول ايه بس المشكلة ان مبتردوش تصرفو و بعد كده تسبو و تلعنو فيها و تقولو هي اصلا كلها تمنها كام

و علي فكرة مين اللي قال الشدادات بتدغدغ العلب ؟؟ انزل كده الأوتو كروس و شوف الشباب اللي معاه 128 هناك

و بعدين مالها ال128؟؟مش فيها اربع عجلات و اربع فوانيس و ليها شنطة و اربع ابواب و بتسافر و لما بتتظبط بتبقي زي الفل

النقطة التانية بقي ان انا يا سيدي مثلا واحد مش معايا تمن الجديد كل اللي معايا مثلا بتاع سبعة تمانية و عشرين الف جنيه و في نفس الوقت عايز اركب حاجة نضيفة و تفضل معايا
1- طب ما اجيب 128 و اخليها عالصاج و اشوف الأماكن اللي فيها بارومة و اعالجها و اسد اي خرم في الصاج و ارشها دوكو و ابطنها غلشان ميجيش فيها بارومة تاني و اقفلها و احط كاوتش ابواب نضيف مش مقطع و اعمل عازل ورا التابلوه علشان اكيد الفبريكة بيكون تعب و بيدخل صهد الموتور عالركاب و اقفل العربية تاني بفرش كويس (و المشكلة ان كل ده مش مكلف للدرجة!!) و ساعتها بقي لما اركب تكييف البرودة مش هتتسرب و كمان مش اي تكييف يركب (تكييف ياباني جديد زي ساندن)

2- اشوف ايه اللي محتاج تدعيمات في الحوض علشان تستحمل الموتور الجديد و انا عن نفسي افضل موتور التمبرا ال1400 لأنه يعتبر كويس اوي عالحجم ده و كمان مش هيأثر اوي عالشاسيه و احط ترموستات بيفتح علي درجة قليلة و ريداتير نضيف علشان انسي السخونية سواء مع الجري او التكييف او غيره و ده بيتعمل في ال128 العادية يجيبو ترموستات واطي اوي و يعملو مروحة زيادة من الناحية التانية تشتغل مع الكبيرة (واحدة تدخل و التانية تشد)

طبعا مننساش العفشة و تغيير عفشة ال128 بالكامل بيتكلف حوالي 1100 1200 (مقصات و مساعدين (الأمامي هيكون مونرو علشان الوزن الجديد للموتور) و بارات دركسيون و صرر العجل بالبلي) و المصنعية علي حسب المكان
و تركيب طنابير و تعديل الفرامل الي اكبر من المقاس اللي فيها علشان توقف العربية بالموتور الجديد (في ناس بتركب فرامل ريجاتا)
و في ناس بطوطيها شوية و تخلي العجل اللي ورا مفتوح شوية لبرة و ده بيخلي العربية تبقي ماسكة في الأرض و بيركبو كساحة من قدام علشان الهوا و ده يخليك تفتح في السرعة من غير ما تلاقي العربية هتتطير منك و ده بيتكلف حوالي 300 (الكساحة + رجلشة العجل الخلفي)

3- تدلع بقي العربية علي مزاجك كاسيت كويس و سماعات حلوة و باقي الكلام ده علي اتنين ازاز كهرباء (و ياريت المكن يكون جديد علشان ميبقاش بطيء و يعمل صوت و يخنقك) و شكرا انا كده راضي بعيشتي

المشاركة الأصلية كتبت بواسطة doha

السلام عليكم
انا جديدة فى الموقع وجديدة كمان فى موضوع العربية وخصوصا انا بنت ممكن المساعدة انا معايا سيارة فيات 128 موديل 1988 وكل شوية اتشفحاجة المفروض اعملها فى العربية
بس انا عاوزة اعرف كل قد ايه اغير زيت الفيتس وايه ممكن يحصل لو ما غيرت زيت الفتيس علشان فى الغير الاول جامدة قوى هل ممكن الفتيس يتكسر انا خايفة والله وايه ممكن اعمل تانى فى العربية ممكن ايه معلومات
الف شكرا

و عليكم السلام اهلا بيكي
زيت الفتيس المفروض يفضوه في المحطة و يحطو زيت تاني جديد و ده الأفضل
و المفروض بيتغير كل 30 الف تقريبا و اعتقد بيبقي مكتوب علي العلبة او اللي في المحطة بيكون عارف

المشاركة الأصلية كتبت بواسطة memononos

مونرو افضل ولا مايلى ....يا باشا انا سالتك قبل مااغير العفشه قلتلى مايلى افضل وانا اشتريت مايلى :n_no[1]:

تمام مايلي احسن للستوك
انما لو هتسقط موتولا ختحتاج مساعد ناشف علشان يظبط مع الوزن الجديد