انا بظبط عربيتى ال 128

**ahmed_samurai** · 23-06-2010 03:21 AM

السلام عليكم
فى البدايه احب اسلم على كل اللى فى المنتدى وبجد احييهم على المجهودات الرائعه والمواضيع الجميله اللى بجد اى حد يتفيد منها جدا
انا جديد فى المنتدى بس حبيت اشاركم معايا فى اللى انا بعمله فى العربيه
انا معايا 128 موديل 87 1100 سى سى وانا دلوقتى بشدها جامد جدا
انا طبعا السبب اللى خلانى اشد العربيه انى فعلا محتاج تكييف فى العربيه وعاوز العربيه تكون سحبها كويس
طبعا مستحيل ومن رابع المستحيلات انك تركب تكييف على مواتير ال 128 باى شكل وده طبعا علشان الماتور اصلا مش مكيف وضعيف وبيسخن من غير اى حاجه
اول حاجه انا عملتها نزلت عزبة شلبى اللى فى المطريه واتفرجت على المواتير اللى موجوده واللى ينفع تتسقط للعربيه وتكون مواتير اصلا مكيفه ولاقيت ان افضل ماتور يركب هوا ماتور التمبرا 1600 سى سى
طبعا الماتور ده علشان يركب هتحتاج تعدل فى العربيه وخصوصا ان الماتور قوى اوى وال 128 ثباتها ضعيف والشاسيه ضعيف
المهم انا دلوقتى فى مرحله تسقيط الماتور وبعد كده هروح اركب التكييف وبعديها هطلع للسمكرى علشان هيترك للعربيه بارات وشدادات وخوص وتقويات
لو حد ليه اى تعليق على الموضوع ياريت يقولى ولو حد ليه اى استفسار برضو يقولى وانا هجاوب عليه فى حدود اللى انا عارفه علشان طبعا انا قبل ما اخد الخطوة ديه سالت جامد فى الموضوع
وربنا يوفقنى ويوفق الجميع

**amrseba** · 23-06-2010 04:42 AM

ياريت تقولى سعر الماتور كامل بفتيسه وبكل محتاوياته بسلاطاته بباغنوجه وكام حصان حول تجيب ماتور الاونو التربو 1400 سى سى معرفش يركب عندك ولا بس شديد اوى اوى

**ahmed_samurai** · 23-06-2010 05:10 AM

بص هوا انتا لما تجيب ماتور التمبرا مش هينفع تاخد فتيسه علشان ده عكس اللى عندنا فى ال128 فانا جبت ماتور التمبرا وجبتله فتيس ريجاتا 6 غيار علشان ده كويس والكلام ده كلفنى 2800 جنيه ده طبعا لما يغيرلك الانجيكشن بتاع الماتور ويركبلك كربراتير 2 باب وبس كده هيبقى معاك ماتور كامل متكامل بس هوا هيعدلك القاعده علشان تتظبط عندك انا جبته والراجل ظبطهولى وكمان شغلت الماتور عنده وكل كان 100 100 وطبعا كان معايا ميكانيكى علشان يبص على المكنه والفتيس كويس اما بالنسبه لموضوع ماتور الاونو فابلاش علشان ده لما بيركبله تكييف العربيه هتسخن منك جامد اوى اما ماتور التمبرا مش هيسخنلك العربيه ولا حاجه

**amrseba** · 23-06-2010 05:20 AM

انا كنت بسأل على ماتور التمبرا عشان عربيتى مش عشان ال 128 بس ليه واحد صاحبى عايز يشد 128 موديل 72 معدله الشكل الجديد فكنت بسأل ولو كدا فعلا يبقى اشطه اوى بس هو هيركب ماتور الريتمو

**memononos** · 23-06-2010 06:22 AM

طيب سؤال يا باشا انت مجبتش ليه موتور لانشيا 1600 او موتور ريجاتا 1500؟
سؤال تانى هل غيرت حاجه فى العافشه او ناوى تغير حاجه؟

**mohamed9999** · 23-06-2010 10:34 AM

المشاركة الأصلية كتبت بواسطة memononos

طيب سؤال يا باشا انت مجبتش ليه موتور لانشيا 1600 او موتور ريجاتا 1500؟
سؤال تانى هل غيرت حاجه فى العافشه او ناوى تغير حاجه؟

**ahmed_samurai** · 24-06-2010 12:28 AM

بص يا استاذ عمرو باشا هو انتا لو عاوز الماتور بفتيسه للتمبرا بتاعتك فا هتلاقيه ب 2000 كامل بكل حاجاته بالباور وبكل حاجه اما بالنسبه لصاحبك اللى عاوز يسقط لعربيتك ماتور لو هوا مش هيركب تكييف يبقى خليه يجيب ماتور صغير مش لازم 1600 يعنى مثلا يجيب ماتور اونو او ماتور ريجاتا وربنا يوفقه

**ahmed_samurai** · 24-06-2010 12:34 AM

المشاركة الأصلية كتبت بواسطة memononos

طيب سؤال يا باشا انت مجبتش ليه موتور لانشيا 1600 او موتور ريجاتا 1500؟
سؤال تانى هل غيرت حاجه فى العافشه او ناوى تغير حاجه؟

بص ياباشا هوا انا جبت ماتور تمبرا علشان ده كويس جدا واكتر ماتور فيهم مابيسخنش لو شغلت تكييف اصل انا اعرف واحد جاب ماتور ريجاتا بس العربيه كانت بتسخن منه
اما بالنسبه للعفشه فهوا انتا مش هتغير حاجه بس لازم تشوف الاول الركب عندك قويه ولا لا هوا بس انتا لازم تركب بار فى الشاسيه من فوق ده اللى هيمسك الشاسيه من فوق وبيتركب فى مسامير المساعدين هوا عاما انا انهارده الحمد لله سقت الماتور بس هوا الشداد اللى فوق اتعدل فيه بس حاجه بسيطه وانشاء الله بكره هركب الشكمان وهروح لبتاع التكييف وبعده للسمكرى انا انشاء الله هبقى اقولكم كل حاجه بالظبط تمت ازاى بس اخلص من حاجه حاجه وهقولكم كل حاجه خلصت

**amrseba** · 24-06-2010 03:44 AM

عايزين صور بقى

**mememsaid** · 24-06-2010 12:43 PM

المشاركة الأصلية كتبت بواسطة ahmed_samurai

السلام عليكم
فى البدايه احب اسلم على كل اللى فى المنتدى وبجد احييهم على المجهودات الرائعه والمواضيع الجميله اللى بجد اى حد يتفيد منها جدا
انا جديد فى المنتدى بس حبيت اشاركم معايا فى اللى انا بعمله فى العربيه
انا معايا 128 موديل 87 1100 سى سى وانا دلوقتى بشدها جامد جدا
انا طبعا السبب اللى خلانى اشد العربيه انى فعلا محتاج تكييف فى العربيه وعاوز العربيه تكون سحبها كويس
طبعا مستحيل ومن رابع المستحيلات انك تركب تكييف على مواتير ال 128 باى شكل وده طبعا علشان الماتور اصلا مش مكيف وضعيف وبيسخن من غير اى حاجه
اول حاجه انا عملتها نزلت عزبة شلبى اللى فى المطريه واتفرجت على المواتير اللى موجوده واللى ينفع تتسقط للعربيه وتكون مواتير اصلا مكيفه ولاقيت ان افضل ماتور يركب هوا ماتور التمبرا 1600 سى سى
طبعا الماتور ده علشان يركب هتحتاج تعدل فى العربيه وخصوصا ان الماتور قوى اوى وال 128 ثباتها ضعيف والشاسيه ضعيف
المهم انا دلوقتى فى مرحله تسقيط الماتور وبعد كده هروح اركب التكييف وبعديها هطلع للسمكرى علشان هيترك للعربيه بارات وشدادات وخوص وتقويات
لو حد ليه اى تعليق على الموضوع ياريت يقولى ولو حد ليه اى استفسار برضو يقولى وانا هجاوب عليه فى حدود اللى انا عارفه علشان طبعا انا قبل ما اخد الخطوة ديه سالت جامد فى الموضوع
وربنا يوفقنى ويوفق الجميع

معلش هو مش احباط
انا معايا 128 بردو وحالتها ممكن نقول كويسه بس انا واحد من الناس استحر م ادفع مبالغ كبيره في عربيه زي ال 128 انا اركبها غلي خالتها اين كانت لغايه لما ربنا يوفقني واجيب عربيه تانيه
وخصوصا ان انا سمعت ان الشدادات دي بدغدغ العربيه عشان الشاسيه بتعها اساسا علب