تقرير صيانة الالف كيلو f3

**mohamedsisi** · 23-06-2010 03:55 PM

الحمد لله اكملت الالف الاولى وذهبت للصيانه بالعباسيه

الحقيقه ماكنش فى شكوى من العربيه بسم الله ماشاء الله

وصلت الساعه 10 كانت الكهرباء قاطعه

معقوله التوكيل مافيهوش مولد احتياطى

المهم عملو امر تشغيل وفضلت مستنى لحد 11 لما الكهربا جت

اخدو العربيه وبعد ساعه تقريبا اتصلو وقالو يللا تجربها

الحمد لله العربيه تمام

دفعت 300.2 واخدت المفاتيح ورجعت

الحقيقه كانت المعامله كويسه الى حد ما

**ehabpopo** · 24-06-2010 09:13 AM

مش كتير ال 300 جم ؟؟؟؟؟

**elmanahry** · 24-06-2010 04:37 PM

غيار الالف كيلو هو غيار الزيت والسعر على حسب نوع الزيت وفلتر زيت وفلتر بنزين

**bateka555** · 24-06-2010 05:41 PM

هما بيحطو زيت موبيل وان ودة لوحدة 2250 جنية 10000 كم و فلتر و شوية تظبيطات للعفشة و ألف مبروك ياباشا على الصيانة

**bateka555** · 24-06-2010 05:42 PM

المشاركة الأصلية كتبت بواسطة bateka555

هما بيحطو زيت موبيل وان ودة لوحدة 2250 جنية 10000 كم و فلتر و شوية تظبيطات للعفشة و ألف مبروك ياباشا على الصيانة

أسف قصدى 225 جنية

**sv065** · 24-06-2010 11:17 PM

ألف مبرووووك عليك صيانة الألف وعقبال الـ 10000

**mohamedsisi** · 25-06-2010 12:28 PM

الله يبارك فيكم بس انا ماكدبش عليكم

وانا مروح كنت مرعوب جدا من الكلام اللى سمعته عن التوكيل وكنت خايف لحاجه تكون مفككوكه

او كده وبالفعل لقيت صوت فى العجله الاماميه زى صفاره بس الحقيقه اختفت لما مشيت شويه

انما العربيه بسم الله ما شاء الله كانت وى الفل فى الطريق وشغلت التكييف اخيرا وكنت مروح على سرعة 100

واحيانا بوصل ل 120 والعربيه زى الفل ويارب دايما

**sv065** · 25-06-2010 12:40 PM

المشاركة الأصلية كتبت بواسطة mohamedsisi

الله يبارك فيكم بس انا ماكدبش عليكم

وانا مروح كنت مرعوب جدا من الكلام اللى سمعته عن التوكيل وكنت خايف لحاجه تكون مفككوكه

او كده وبالفعل لقيت صوت فى العجله الاماميه زى صفاره بس الحقيقه اختفت لما مشيت شويه

انما العربيه بسم الله ما شاء الله كانت وى الفل فى الطريق وشغلت التكييف اخيرا وكنت مروح على سرعة 100

واحيانا بوصل ل 120 والعربيه زى الفل ويارب دايما

أ/ محمد أخبار حضرتك إيه ؟ !! ومشكور علي التقرير وإن كان الأعضاء بحاجة لتفاصيل أكثر عن كل صغيرة وكبيرة بمركز العباسية..

بخصوص الصفارة فهي طبيعية وكذلك طبيعي إختفائها لأن الفنيين يقومون بفك تيل الفرامل وصنفرته لإزالة ما قد يكون به من رمال وشوائب وبواقي صدأ من ركن السيارة قبل بيعها للمحافظة علي الطنابير من التجاريح و ينتج بعد ذلك صوت صفارة بسيطة تستمر لحظات ثم تختفي بعد أن يحدث تطبيع بين التيل المصنفر والطتابير

أدام الله عليك نعمه

تقبل مودتي

**mohamedsisi** · 25-06-2010 02:41 PM

التقرير المفصل عن الصيانه بالعباسيه

العربيه عامله 1150 كيلو بالضبط عندما وصلت القاهره

وانا جاى من الاسماعيليه دخلت كوبرى اكتوبر بدل ما اطلع كوبرى العباسيه وبالتالى تهت وسالت الناس

ودلونى على نزلة غمره ومنها الى شارع احمد سعيد ثم الى شارع الطرابيشى

عندما وصلت لقيت الناس واقفه بره المركز وكان فى خناقه بس طلع ان الكهرباء قاطعه

المهم المهندس ايميل اخد منى الرخصه والضمان وعمل امر التشغيل وقاللى ايه الشكاوى علشان نسجلها

وبالفعل وسالنى عن نوع الزيت اللى عايزه فقلتله موبيل 1 10000 وقاللى اتفضل بقى فى الانتظار

طبعا كنت قلقان من حكاية الكهرباء دى لحد لما جت وبدات السيارات تدخل وهما عاملين

طابورين واحد للادا والتانى لل byd واديتهم المفتاح ودخلو العربيه

وقالى بعد ساعه تقريبا هنتصل عليك

بعد كده قعدت مع الناس اللى ليهم عربيات فى الداخل وتناقشنا فى السياره

الجميع اجمع ان عيوب السياره بسيطه جدا متمثله فى التقفيل السيىء فى بعض الاحيان

لكن السياره فى المجموع ممتازه جدا مقارنه مع مثيلاتها فى السعر

طبعا الجميع اتفق ان التوكيل مش على مستوى السياره

لفت انتباهى صغر سن العاملين فى الصيانه مقارنة مع اعمار الاخرين العاملين فى اللادا والنيفا

اجمع سواقين التاكسى على ان السياره من اكتر العربيات اقتصادا فى البنزين حتى ان واحد منهم

مركب الغاز وبيفكر يشيله تانى لان على كلامه موفره معاه فى البنزين

بعد نصف ساعه طلعت معاهم نجرب السياره وتمام الحمد لله

رجعت حاسبتهم واخدت الفاتوره ورجعت بحمد الله للاسماعيليه

والعربيه كانت زىالفل بسم الله ماشاء الله

باقى ان ربنا يقدرنى واقدر اجيب لها الفرش علشان احافظ عليها بس الشهر القادم ان شاء الله

**ehabpopo** · 26-06-2010 12:17 AM

الف مبروك مرة تانية ... وربنا يباركلك فيها ويكفيك شرها ويعطيك خيرها ... المرة الجاية يكون التقرير وافى عن كدة ويكون فى مركز القطامية ... ان شاء الله ... وعقبال صيانة ال 100000 كم